《我獲得一個願望，我選擇左係學校做一次男神》: 第五十四章：穎心 歸回

我已經book左機票過幾日就返香港，唔知阿明係我離開佢既日子有無掛住我呢？就算無掛住我，都希望佢有諗起我，穎心既存在。




「你真係要返香港？」

「係，就算你點阻止我，我都會返去。」

「No，No，No，點會阻止你呢？你會返黎我身邊架嘛。」





「嗯，暑假之後再見。」

收拾我行李，今次返香港旅程，我唔諗住揾阿明，雖然好想揾阿明，好想同佢講清楚，但係有時後講得太多，只會傷害到人，我寧願係背後默默睇住佢，睇住佢幸福咁過就滿足。




好多謝芊雪半年係咁陪我溫書，當然以我聰明智慧有三唔係難度。





順其自然，係暑假當然係重拾踢波既時間。揾左冰倫，叫佢幫我做選拔。




係球場上面，唔只我一個，仲有芊雪黎睇我選拔。

唯一我唔係幾明白既就係，除左芊雪之外，得我同冰倫。

「其他人呢？唔係選拔賽咩？」





「係，但係只有我同你。」

得兩個人？點選拔啊，不過睇落個款，冰倫踢波好似真係好勁。

「今日我要你做既野好簡單。」

「就係將個波射落芊雪到。」咩話！無野下話，有龍門唔射射落人到？

「唔得，我點都唔可以射落芊雪到。」

「咁你選拔失敗。」無理由叫我射個波落芊雪到架喎，但係我又好想入到中大足球隊。

不斷躊躇，雨就開始落，而且落得越黎越大。三個人亦同時被雨灑面。





芊雪既馬尾開始有水滴落黎，我今日set既allback都塌塌地。

「點？」

「我都係唔會咁做。」我真係做唔出，我唔係啲咁功利既人，贏左個位，輸左個品格，我覺得一啲都唔值。

「唔好意思，你選拔唔合格。」嗯，我寧願係咁。冰倫亦都掉頭離開。




「多謝你，阿明。」

「比著係你，你都唔會射我啦，係咪？」





「嗯。」芊雪再次攬住我，今次感受到既，再唔係愛，而只係一般友誼，一個代表感激既動作。

「我地返去先啦，濕晒好容易病。」

我地各自返到自己個hall，入到房，冰倫唔係到，我都去廁所沖涼先，費事又病。




「喂，阿明唔會入到我地足球隊架啦，放心。」

「嗯。」

「今次我地要幫阿軒贏到科大班人。」





「聽講佢地都幾勁，有幾個係上屆學界D1攞冠軍。」

「有我地係到，佢地只會係灰塵。」

「哈...」




「點解，你頭先要我射芊雪。」

「因為呢個係選拔。」

「如果我真係射左落佢到，你係咪會比我入足球隊？」





「但係你無。」

「你答我，如果我射中芊雪，你係咪會比我入足球隊？」

「都話選拔已經完左，講咩都無用。」

「你鍾意芊雪，但係唔想我同佢繼續行埋一齊，所以你破壞我地關係。」

「我講得有無錯？」

「讀社工果然唔同啲，不過我係唔會中你計，就算我鐘唔鍾意芊雪都好，你都係選拔失敗。」就算一個人幾聰明，幾有智慧都好，賤格就係賤格。

「我同你講都晒氣。」早知唔比芊雪電話佢，睇黎芊雪有排受。

「如果唔係我叫白車，你會有今日？」

「你好啦喎，講講下講返之前啲野，你無野下話。」真係講到有啲興。

「唔係咩？你條命係我汁返黎架咋。」

「好委屈你喎，無我，你會有芊雪電話？」一講到嬲嬲地，就會唔理性。

「你係佢邊位啊？兵仔咋。」兵仔？...




我一拳打落佢塊面到。

「啊...」佢掩住塊面，然後離開間房。

「你好野...」




係飛機上面，雖然路途好遠，但係我完全訓唔著，我好怕阿明唔想見到我，不斷諗佢見到我之後會點，我真係對佢唔住...

落機之後，我去左係英國book定既酒店，因為唔想見到屋企人，費事見面就罵交，而下一步，就係睇下用咩方法見阿明。