《我獲得一個願望，我選擇左係學校做一次男神》: 第三十七章：從前，憧憬

太好啦！我終於都做到男神啦！我係屋企既鏡，望住自己個樣，一切已經唔同晒，做男神個種喜悅既滋味，真係湧上心頭。

我諗，用我呢副身軀都可以追到穎心掛，個樣仲掂過隔黎班個阿軒添。

我試下用呢個身軀行出街，好有自信，無論學生，OL，人妻，都會望一望我，唔知係我靚仔吸引到人目光，定係咩，但係我就覺得一切已經改變，世界將會被我征服。




今日我如常去補習，只係街邊普通一啲默默無名既補習社，但係都幾多名校靚女去補。








「阿明，今日放學得唔得閒？」入到補習社，坐左係Vincy隔黎，佢係全個補習社最靚，亦係讀緊名牌旗袍學校。

「得啊，做咩？」其實之前每次黎到補習社，我都只會自己一個坐係角落，邊會敢坐係Vincy隔黎，只見班上都幾多人鍾意Vincy。

「我想你陪我去食野。」食野梗係好啦，陪靚女真係在所不辭。





「好啊，補完就去啦，我今晚得閒。」見到Vincy笑真係難過升天，估唔到佢都會對住我甜笑，男神既威力真係大。

兩個鐘既溫習對於我黎講真係好悶，唔係因為唔明，而係我已經識晒，仲可以教Vincy，個種感覺真係好正。

「好熱啊，無開冷氣咩？」我真係熱到想除衫，但係都忍受到。

「唔好意思啊，咁多位同學，今日我地補習社四部冷氣得返一部咋，其他好似壞左。」阿miss你仲好意思出黎講架喎，搞到我啲汗痴住件恤衫，好噁心。

「Woo～」聽到同學異口同聲咁歡呼，都因為我真係頂唔順，除左件恤衫；而家既我已經唔係得返條排骨，而係有肌肉，無違和感，而且好有美感。





「做咩塊面紅晒既？」我除左恤衫，只係得返一件白色背心，係有啲臭，但係無辦法啦。

「你好大隻。」Vincy講完之後即刻望返住本書，塊面就更紅。

望住Vincy既馬尾，好靚，好想摸落去，但係有啲變態，所以我只係一直望住條馬尾，發覺自己都係鍾意長髮女仔多啲。

「呼！」終於過左三個鐘，焗桑拿真係健康，啲汗已經搞到我成身反晒光。

「抹下啦，成身都係汗，點同我食野。」呢個Vincy仲要笑我；雖然Vincy平時真係無乜表情，但係一笑，就知道佢份人好真，好有個性。

但係點知Vincy比左條手巾仔我，我點好意思攞黎抹汗咁核突。

「唔洗啦，我用紙巾算啦。」我攞左包紙巾出黎，亦好迅速收埋條手巾，難得係Vincy既野，更有佢既香味，雖然我唔係變態，但係我好鍾意睹物思人個種感覺。






「係呢，我地去邊啊？呢到銅鑼灣黎架喎。」我知道Vincy同我一樣都係住係馬鞍山，所以回程都比較遠。

「就係銅鑼灣食野啦，我地都唔會走過黎咁遠食野架啦。」咁又係既，不過，銅鑼灣啲野好似好貴架喎...唔得！係女仔面前唔可以咁小家，好肉酸。

我地行左十分鐘到，周圍都係人，每間餐廳都一定有人排緊隊，究竟係咪全香港既人都黎晒銅鑼灣食野。

「咦，呢間好似無乜人喎。」你又真係搞笑既，間餐廳係樓上，你望住樓下話無乜人，真係服左你。

「係？咁我地上去睇下囉。」其實銅鑼灣都好多樓上餐廳，cafe，只係大家都鍾意望住睇下做人，有時望上去睇下野，都會有意想不到既野會見到。

「哦，原來呢到係貓cafe。」好彩我都唔討厭貓，只不過係鍾意狗多啲。

「咁我地入去啦。」

「歡迎光臨，請問幾多位呢？」難得貓cafe係唔使訂位，而且walk in都仲有位。





「兩位啊唔該。」就算Vincy講唔該都好，都係唔會對住陌生人笑。

「Vincy啊，你好鍾意貓架？」

「都係架，以前我個妹養過隻貓，搞到我都鍾意埋，可惜隻貓貓死左。」呢個就係Vincy，可能對佢黎講都只係一隻貓，佢無任何感情流露，即使有，都只會流盡在心，永遠唔會顯露出黎。

「都肚餓啦，不如叫野食先啦。」

我地一到食一到傾計，其實Vincy好需要人同佢一齊，佢自己一個既話，負能量有加無減，對佢成長都幾唔健康。


大家中秋節快樂：)