《我獲得一個願望，我選擇左係學校做一次男神》: 第十三章：忘記背後

時間真係可以沖淡一切，當你無再同一個人聯絡，同時又要預備DSE既時候，穎心係我心目中既地位，逐漸褪色。

「阿明，就黎考DSE啦喎，溫成點啊？」我得兩科選修科，就係文學同歷史，都唔算太多人讀，但係就好多中文字要寫。
「ok啦，做下啲pp，得閒咪同之前同我比賽個班踢下波囉。」我當然唔會遺忘同我拼命搏鬥既好隊友啦。
「我好攰，就黎攰到唔想溫，不過好彩，天賜良緣，係我放棄既時候，比左個女朋友我。」

咩話！阿峰你有女朋友？！

「你...識到女朋友？你唔係見到女仔口吃架咩？」真係好奇個女仔係邊個。
「係啊，話你知啊，自從同佢錫完之後就無再口吃啦。」哇，愛情既魔力多麼的大...




「恭喜你啦咁，咁好奇問下，邊個係你女朋友。」
「咪係我地以前學生會個個阿樂囉。」哦，衰仔，借學生會溝女都有。
「我同佢表白個陣啊，我都係口吃架，不過就有種好奇妙既... 」
「不要再說啦，好嗎。」我都唔想再聽到呢啲所謂幸福既愛情故事，係我眼中，全部都只係浮雲。
「好啦，我地繼續溫書啦。」
係我眼中，阿峰帶著一絲笑意，係戀愛中先有既笑容。

不經不覺，Study Leave既幾個月都已經過去，係我腦海中全部都係書，字。
唔知點解，有種衝勁想去攞到一個好成績。
一科又一科，比我擊倒，終於等到放榜既日子。




係呢幾個月無野做既日子裡面，我都係到寫信，係，係寫比穎心。

「洛穎心：
我考完DSE啦，我真係有聽你講架，有好努力溫書，甚至溫到通宵達旦，對唔住啊，我有一段時間好討厭你，討厭你拋下我自己一個，但係我諗通啦，既然你幸福，我都無咩可以埋怨啦，唔知你係英國生活成點呢？我都想去英國啊，不過係去睇波囉。點都好啦，大家上到大學都努力讀書啦。
白痴明上」

「洛穎心：
外國既生活肯定好正啦，都唔回信比人既。唉，好失望囉，不過，既然你生活得快樂，我都唔為你擔心啦。你就好，英國生活多姿多彩，我就悶死等放榜，得閒回信比我啊！
白痴明上」





「洛穎心：
你真係唔回信比我架喎！我好唔開心啊，定係你有咩事啊，同我講聲啊，不過呢...
白痴明上」

「洛穎心：
落雨既季節，得自己一個擔遮，真係慘，好孤獨啊我，你知唔知道呢...
白痴明上」

「洛穎心：
永遠都係注定孤獨既我，我真係悶到就黎跳樓。講笑姐，未去到你婚禮，我點會咁快死，同你講個好消息啊...
白痴明上」

「洛穎心：
心，仍然想你。我想同你食餐飯啊，不過你咁忙，信都唔肯回，等你返黎香港，再約我啦，今日呢係...
白痴明上」





夠啦，我無力再寫信比穎心，就算我寫幾多封都好，佢都係唔會回覆比我，係一隻字都唔會啊！

我既心意，或許你收到，只係你不想給我回覆。

（今晚加推一篇）