最後一單大茶飯: 20

某日，夕陽。
J神突然拎住一大瓶啤酒，邀我共醉。
 
「喂，底褲佬，同我一齊飲。」
 
咁岩，其他人都有野做返左市區，只剩底我同偽毒j神。
 
「做咩，咁突然請我飲酒？」我問。
「自己飲酒，覺得好向左走向右走毒。」佢講完依一句，已經遞左枝酒比我。
 




「我係直假。」
「Hi，你仲唔飲我真係懷疑你係gay既。」
 
我就咁飲左一大口。
黃色既液體，苦澀既味道，包含係入面既氣體，不斷係到刺激我既喉嚨。
 
好爽快。
 
我又遞番枝酒比佢。
 




佢又係好大啖。
 
跟住，佢放低枝酒。
 
「你覺得小張會唔會鍾意我？」
Hi Auntie，係到講依d。
男女之情既野，我並不擅長。
 
但既然佢咁難得請我飲酒，我點都要同佢撚兩嘴。
 




「會。」
聽到依個回答。
J神朗聲大笑。
 
佢既笑聲，係依個無人既草原，迴響住。
 
「唔好扼我啦。」
 
「好似小張d咁既女神，點會愛上我依種人。」
J神把嘴係到講禁不停。我只可以好無奈咁係坐係佢隔離聽佢講野。
 
「我由小就比人玩，我問佢地點解，佢地話我樣好毒，就忍唔住要玩我。」
「係果一剎那，我決定住，我唔要再比人玩。我要做玩人果個。」
「跟住我做住古惑仔…踏上左一條不歸路。」
 




「但當我見到小張依d果純潔既女仔，我想番轉頭，重新黎過。我既內心已經被淨化……。」
 
「你明唔明我既感受姐？」
 
依個時候，地上已經出現左無數既酒樽。
 
「我緊係明啦。」
「你唔明。」
 
J神塊面成個紅蘋果咁樣。
我都feel到自己塊面有d發熱。
 
「我好怕死。」
「我好驚死個陣，小張望住我既表情，會唔會好失望。」
 




「依d有咩所謂姐，則使我針住，我一樣可以登報紙，無名留千古，但點都可以風光一些。」「人地會記住我係一個刻刻有名既賊，而唔係一個淨係識老笠人地底褲既賊。」
 
「………」
J神並無回應我既岩岩發出既一篇偉論。
係皎潔既月光下，
佢已經醉睡左。
而我都醉睡去。