最後一單大茶飯: 19

原來依個就係搞屎雄既老笠專有台詞。
 
係裡面有些少含蓄，含蓄得黎，又唔會離題，既表達左自己想老笠既意圖，又唔會失禮。
 
果然係賊界老屎忽。
 
「hi，你依家係到開show定老笠呀。」
偽毒Jason又充滿生氣咁係到吐糟。
 
「緊係直接舉高枝槍未得囉。」




「係喎，咁簡單我都諗唔起。」
我講。
 
「考下你地姐。」
搞屎雄面不改容咁講依句野。
佢果然係一個江湖老手，不但經驗老到，仲會考驗d後輩，比後輩學下野。
 
「搞屎雄，我好感動呀。原來你係咁識為我地依d後輩著想。」
「哼，你知就好啦。」
 




跟著，我地又繼續我地既訓練。
 
漸漸，我既槍法越來越精準。
800米既地方，我都可以射得中。
 
發現連射既時候，卻係另一種境界。
佢強勁既後座力，不斷衝撞我既膊頭。
每次練習完之後，我既膊頭，都會有隱隱約約既痛楚留下黎。
 
但慢慢我已經習慣左依d既小痛楚，如果係射擊既時候，連依小小既痛楚都無法忍受，好容易會影響到射擊既狀態。




 
其他人係依方面既練習都唔錯。
除左，
偽毒J神之外。
「砰！」槍嗚叫一聲。人又倒下黎。
「hi，你地點解可以射得咁好既。」
「hi，我既膊頭好向左走向右走痛呀。」   

小張走過黎關心佢。
 
「J神，你無事？」
「我無事呀，小張。」
J神岩岩既一口爛嘴，同佢既臭到無法可形容既牌氣，頓時收起晒。
「不如，你試練下其他槍先啦。」
「唔晒啦，我練依枝未得囉。」




 
「唔得，如果你到時候，仲係未能夠控好枝槍既話，不但危及到自己，更係可能會危及到同伴。」
 
小張原來都係一個俠義子女。

「咁，好啦。」
「j神，你等我一陣，我先去同雄哥講一下。」
小張離開左一陣。
一下子，又番左黎。
 
拎左一把黑色手槍。
我feel到偽毒J神既自尊心，係到發出悲哀既聲音，塊面變得越黎越黑。
 
 
「雄哥話佢之前咁岩買槍有優惠，送多左枝手槍。」




「依把係一把叫glock18，佢可以揀全自動同埋單發既模式，雖然佢係一只係一把手槍，但係佢個脆弱既外表下，佢既威力係不容小看既。配上大彈庫，係自動模式下佢既威力可以比與一把衝鋒槍。」
 
聽到小張既描述，j神既自信又好似番晒啦。
 
「小張，你放心啦。」
「我一定會盡我全力練好依把槍咁，唔會比自己傷害到自己，最重要係唔會傷害到其他人。」
 
「一言為定啦。」
自此，偽毒J神好似變左另外一個人咁。
 
可能係比小張既激言語，將佢內心既小宇宙爆左出黎。
 
佢既槍法特飛猛進。