最後一單大茶飯: 09

過幾日，搞屎雄已經攞左d炮。
佢真係好有效率。
 
「D炮錢，我會係你個報酬到扣左既啦。」
 
我折開個紙袋包裝。拎左枝炮出黎欣賞。
發現枝炮並無果個AK象徵性既木柄。
 
「依把都唔係AK啦既。」我內心不滿。
「賊王葉繼歡上電視果陣都唔係用依把啦。」




 
「我知你好鍾意AK47，但佢一早比人淘汰左啦，現家無人生產。」
搞屎雄係我手上拎左枝槍。
「依枝係AK12，5.45x39mm口徑，射擊既時候比AK穩定多多聲。重可以自己卡石埋(custom)。」
佢炯炯有神，眼中發亮，一邊講。
「卡石埋？」
「洋腸黎既，姐係你可以根據射擊既習慣同需求去整一枝屬於自己既槍。」
搞屎雄，幫左枝Ak12上左腔。
 
「咔嚓。」枝炮發出脆亮既聲音。




 
「我地要去邊到老笠呀？」
「我地做未夠人數。等我籌多D馬先。」
「你番去等我消息喇。」
我伸手想拎枝炮走。
「枝炮擺係我依道安全d」
 
我惟有無所事事咁返屋企。
 
尖沙咀既街上充滿住一個個係地下爬行既怪物。




一唔小心就會比依D慢速行駛工具輾過自己隻腳，痛不欲生。
我都忍唔住用國語爆左句粗口︰「你奶奶的。」
 
眼前依幢殘舊既唐樓就係我既屋企。
我打開充滿鏽跡既鐵門。

我係依到都住左唔少時間。
 
一步一步移動自己沉重既腳，去行個條死人樓梯。
 
四樓。
打開自己單位既門，行入去幾步就行完。
樓下吵雜既街道聲音，傳到我既耳邊。
 
有引擎既聲音，有吵鬧人既聲音……依地唯一欠既聲音係清靜既聲音。




 
再捱多左，我就可以離開依道。