最後一單大茶飯: 08

「依個就係你既第一個兄弟，古明華。」
原來個古惑仔叫古明華，岩晒我心水。
 
我再係依道仔細描述一下佢既外貌。
佢係一個稍微肥左少少既中年男人。
 
佢塊面同佢既身形十分之匹配，同樣地肥胖。
 
下巴長滿鬍鬚，右眼有一條打斜既疤痕，更為個既look增添唔少氣勢。
應該叫佢做古惑佬，而唔係叫古惑仔。




 
「古明華，我地以後就坐係同一條船。」我塊面上，表現安慰。
我伸出手，古明華亦伸出手。
 
此刻，我地既命運已經相連左一齊。
 
持械打劫最重要係D咩？
 
有人話係要精密打算既計劃。
有人話係要有膽。




有人話要夠狠。
 
我就話，緊係要有炮喇。
 
無炮點打劫姐，邊有械比你持姐，唔通同人地露械咩。
咁樣，你計劃幾好都無用啦。
 
所以我話持械打劫第一件事就係要去買炮。
 
不過，小弟之前都不過係一個老笠底褲既低級賊，




點僧知依D野呀。
 
好在有搞屎雄個老手係度，唔係都唔知點樣有炮。
 
「係香港你要有槍牌，都可以買槍，但把槍只可以放係人地槍會d倉庫入面，仲要年年繳幾皮野會費比個槍會。」
 
我心諗，無老笠之前，先比人老笠。
「咁要係邊到先拎到炮？」我問搞屎雄。
「依家，你識上網，咩向左向右走野都買到。」
 
「唔係掛，我之前上網，又唔見有真炮買，得d假既空氣炮。」
「你平時上個d網叫做表網(surface web)，非法緊係去暗網(deep web)啦。」
 
「你知唔知平幾多？」
「買炮唔係好貴間咩？」




 
「係非洲一把ak只不過係30美金。」
「二舊水港紙就買到！！」
 
「當然要加番少少運送既費用啦。」
「咁方便！」
 
「緊係啦，仲有買一送一服務。」
「抵到爛。」