《90後銀行小妹甩轆記》: 《富貴由天》(上)

每朝返工例牌動作是開briefing，聽大市走勢及House View，再跟老闆匯報Pipeline。點解日日都要匯報進度？難道同阿陳生關係會一日千里突飛猛進？如果係，連我自己都驚呀！
 
「今日梁生會落嚟簽張premium financing，C數係XX萬。仲有張生……」娜姐玩弄著她手上的Cartier戒指，一臉輕鬆地匯報。大師姐果然不同凡響，一個人已經頂起半間行數。她是高級客戶經理，每日都穿著低胸貼身剪裁的套裝裙，踏著飛甩雞毛，婀娜多姿，每次走過，連我也忍不住𥄫多兩眼。
 
「Very good. Next.」老闆滿意地點點頭，誇張地豎起大拇指。
 
「黃生果邊我煲緊架啦，但佢就出咗Trip，下星期返嚟我一定簽到。」黑仔王RM自信地回答。
 
「你上個月已經煲緊啦喎。」老闆收起笑容，認真地注視著黑仔王RM：「下星期我等你good news。」
 




其他人也陸續交代自己的進度，當中有多少水份，大家都懂的。而小妹呢類初出茅廬的小薯絕對天然無添加，只好聽多些，向其他師兄師姐學習。最後輪到我匯報了，我緊張得手心冒汗。
 
「我手頭上有兩張App。一張已剛剛被Loans Dept decline咗。至於另一張就批咗，我會盡快call個客落嚟draw錢。」
 
「上面又唔批呀。咁你繼續努力，爭取更多嘅App。」老闆表現出慈祥的樣子，但我察覺他眼神中閃過一絲兇狠。
 
Briefing結束後，Benson見我悶悶不樂的樣子，拍了拍我肩膀安慰我：「唔駛咁擔心喎，傻妹嚟嘅。你記住有咩事要同我傾呀。」師父真好，真關心我。
 
我苦笑了一下，便立刻返回座位致電陳生。
 




「陳生，您好。我係XX銀行嘅溫小姐，您申請筆貸款已經批咗……請問您幾時會落嚟辦理相關手續？」當我向陳生講解詳細貸款內容後，他只甩下一句：
 
「溫小姐呀，我想考慮一下，我之後再打比你呀！」嘟……他很快便掛了電話。
 
接下來的數天，我有努力搵新客，亦有努力Call陳生。
 
「你所打嘅電話號碼暫時未能接通……」可惜全部飛去留言信箱。
 
終於，皇天不負有心人，陳生再次接聽我電話啦！
 




「陳生，您好呀！我係XX銀行嘅溫小姐，之前同您提及嘅貸款唔知您考慮成點呢？」如果我有條尾，我相信宜家一定係擺晒尾。
 
「唔好意思呀，溫小姐，我諗我唔需要啦！Bye！」嘟……
 
我無氣餒，繼續Call客，終於，有多一張新App。
 
好多人話「成事在天」，的確，尤其做我地呢行，充滿變數，但我更相信「事在人為」，只有努力，先可以將成功嘅可能性擴到最大。
 
註解：
C數= Commission
App = Application
premium financing =你有興趣聯絡我呀，我話你知 ！=P