《執劍》: 第十章－－初嘗靈力
第十章－－初嘗靈力
「鳳仔，你睇下呢本書。」斯龍這一句把真鳳從沉重的思考中抽出來。
「真龍靈錄？」真鳳看到這本書，書名亦相當有趣，但鑑於自己對閱讀沒有什麼大興趣，只是禮貌地接過那本書。
「呢本書係真龍族其中一本古書，你爸爸以前貪玩，手抄左一部份，呢本係其中一本。呢本書記載住好多過往唔同門者既事跡，要成為三門者，除左要有足夠既靈力之外，仲有一樣領悟，面對自己既真心，不過呢樣要靠你自己，唔可以由其他人同你講，因為講完，可能令你更加困惑。或者你睇左本書，對你自己可以有所幫助。」斯龍亦想起那時千闕的笑容，緬懷了一時。
真鳳聽到這書是自己的爸爸千闕手抄的，就馬上打開本書，掀開隨便一頁，突然看見了兩個字－－呂布，呂奉先，所謂「人中呂布，馬中赤兔」，這一個英雄人物對喜愛玩三國無雙的真鳳份外吸引。「原來呂布都係門者！仲係三門者，難怪可以以一敵百，一夫當關，萬夫莫敵！原來古代已經有門者。」真鳳看著爸爸親手寫的字，感到份外窩心，又想到了與爸爸的回憶，從心底微笑著。
「門者，相信由人類出現之時就有。古代崇尚個人武力，而且當時無任何槍械，所以門者會直接企出黎，至少可以係軍中佔一席位，養妻活兒；宜家擁有槍械、導彈、核彈，初階門者就算企出黎，都做唔到任何大事，反而更容易招惹殺身之禍。而且，係古代戰爭連綿，生死近在咫尺，更加能夠逼出人既潛力。」斯龍平淡地說出自己的看法。
「鳳仔，靈力，即係古人所講既真氣或內力，你嘗試感受一下，你身體入面蘊藏既靈力；透過血管傳遍你全身，透過細胞創造同儲存。靈力早已係你經脈之中，只係在乎你可唔可以感應同好好控制佢。不過你唔需要太勉強自己，感受靈力係正式成為門者既第一步，每人走過呢步既時間都唔同。你可以試下感應一下體內既靈力，將佢地凝聚係你雙手。」
真鳳只好閉上眼，回想自己解封前後的差別。「一道道真氣？真係乜都感受唔到喎，我之前吸收左既光點就感受得到。」
真鳳在意識空間中吸收了的光點一直停留在自己身體內，在血管中走遍全身；在真鳳自身的意識看來，自身亦被紫色覆蓋著。
自從與自我對話後，那些白色的光點融入了原先的光點，由暗紫色淡化為作紫色，亦令真鳳更容易感受到光點的存在，亦令真鳳更容易控制光點。由於真鳳感覺不到真氣，無聊把一些光點集中於自己雙手，發現雙手的紫色集結後會變得深色少許，雖然真鳳看到無數的光點，應是說成光點海了，但他卻不能夠每次把少許少許光點控制，一動，就已是一大片光點，雖然如此，但他只能夠把最表面的光點移動。
「無錯！鳳仔，你果然係個天才，竟然用咁短時間，就可以操控自己既靈力，仲可以控制得咁好，將自己既靈力凝聚。千闕在天之靈，一定以你為榮！」斯龍興奮地說出。真鳳聽到斯龍的說話才驚覺，光點，就是眾人不斷提及的靈力。
「鳳仔，原本你身上既靈力令我好擔心，暗紫色既靈力，我從未見過，當中亦包含住令人喘息既怒氣同傲氣；但宜家係你身上既，係一種純紫色既靈力，而我再搵唔到以前果一種令人不安既氣息。哈哈哈，無論當中發生咩事都好，我相信你唔會再次失控，因為我相信你，已經克服左以前既怒氣同傲氣。」
真鳳心想著：「係矮仔，係佢消除左以前既怒氣同傲氣…估唔到原來佢都係咁勁，連火龍火鳳咁勁既神獸，都可以用笑容，用正能量去克服，哈哈。我以前錯啦，你唔係無用，多謝你呀。」
斯龍雙眼像看得到真鳳心中的想法，知道真鳳對以前的自己開始釋懷，而且能夠操控靈力亦增強了真鳳的信心。此刻，真鳳才真正考慮應否加入執劍。
「係呢，你果次打開個你爸爸個保險箱，有咩收獲？」斯龍自己從沒有私下打開過千闕的保險箱，突然想起了，便好奇地向真鳳問道。
「呀！我完全唔記得左呢件事，入面除左針筒之外，好似仲有封信架。龍叔叔，如果無咩特別事，我想返去睇封信。」自第一次真鳳打開千闕的保險箱，到現在只相隔兩日，但兩日期間發生的事太多，要不是斯龍的提問，真鳳亦會暫時記不起。
「哈哈哈，你去啦。今日叫你黎，都係想你嘗試感受靈力，點知你一下就已經做到。你返去睇信啦。」斯龍揮手，示意真鳳去看那封信。
真鳳站起身，一面認真望向斯龍。「其實我真係好多謝龍叔叔你，係你令我重回正軌，否則唔知我會搞個咩大頭佛出黎。至於你之前問既問題，我想要多少少時間考慮清楚先，唔好意思。」然後他更向斯龍鞠躬。
「哈哈哈，我一早已經當你係我個仔，你既事即係我既事。至於你點選擇，我相信你好快會有答案。」斯龍的豪邁令真鳳再次顯現笑容，亦令真鳳開始慢慢放下爆樽一事。
說完再見之後，真鳳便離開這個公寓，打算回去萬事妥公司。
「你地睇到啦？佢擁有既潛力好大，無論係對靈力既控制，定係靈力既質量；而且宜家既佢已消去果種負面氣息。對於佢要加入執劍，你地仲有咩要擔心？」話畢，八個人就由一個房間走出。
「的確同琴日既佢相差好遠，睇黎今日佢係萬事妥既果份天真唔係做戲。」一名瘦削，雙眼卻帶著銳利眼神的青年說。
斯龍由沙發站起，看著這八個人。「假如佢真係加入我地，我地就正式成形。」
「哈，斯龍，明鋒，佢只不過係一個連靈力都未識用既人，又可以幾有用呀？」一名高大的健碩男嘲笑著。
「殘影，以佢靈力屬性，佢可能係我地當中破壞力最強既人。」那名瘦削的青年名叫明鋒。
「最強？哈，好笑啦。你以為一個咁既初哥可以做到咩？」殘影自大地認為真鳳的能力根本不配執劍之名。
「哈哈哈，所有野等到佢回答再講啦。小冰，噬魂者有無咩動靜？」斯龍為免大家會繼續爭執，便向小冰問道其他消息。