[純愛情][友情][校園][叛逆][勵志]其實愛沒對不起: Ch.04
係訓導室比訓導煩完一輪之後，佢地終於肯放我上去禮堂去join開學典禮，臨出門口個陣成班老屎忽仲要我乖乖地咪周圍走，我嘛.........就睬佢地都傻既，成朝都未食個野，又難得唔洗排隊仲唔去canteen食個靚早餐先？
「早晨鳳姐，比個早餐A我呀好餓呀！」我向小食部職員大喊道。
小食部個鳳姐係到都做左兩年有多，幾好人又會同啲學生吹下水放學又會請學生食下野，所以都幾受學校既人歡迎。
「咦早晨喎勳仔，早餐A嘛即整比你食喎，不過今日唔係開學禮咩，做咩唔join開學典禮係到嘆早餐咁曳。」
「鳳姐你知道我最怕悶同規則架，而且我遲到嘛個開學典禮應該都就快完啦，咁都廢事上去囉。」
「得啦得啦衰仔，整好啦個早餐，見係你專登比多啲餸你呀，食完快啲乖乖地去上堂啦，如果比miss呀sir見到又炳你啦！」
「喂喂鳳姐，你唔記得你入尼呢間中學個陣時，我係到做咩職務咩，呢間學校大部份既野都比我摸通哂啦，宜家班老師應該都上哂Hall啦。所以我慢慢食食到放小息都得！」
鳳姐聽到我話，不禁黯然道：
「我當然冇唔記得啦，當初既你係咁幾開心幾豐實，如果唔係個件事你都唔會好似宜家咁，如果唔係個個肥仔.....」
「好啦！以前既野咪再提啦都過左去啦，我唔想再諗個啲野。」
係小食部食完野，我先斯斯然走返上去禮堂到聽啲校董 校長廢up，今年開學禮既時間出乎預期既短，校董校長廢up完個半鐘左右，就放學生小息。。。
4/F 5C班班房。
無錯，今年我讀5C。呢班男多女少，學生主要分為三類。第一種，成績極端，有可以位列級名次同有係唔合格邊緣遊走，操行又差到仆街既學生。第二種，運動精英，好勇鬥狠既學生。第三種，就係我呢類，自己調班入尼讀既。
總括尼講，某程度上呢一班其實都算係「精英班」尼。
「嘩，Diego哥，又耳環又手繩，唔見一排MK左型左喎。」我兄弟Kai Sam說。
Diego係我既英文名
其實佢又唔係kai既，有時仲幾有腦添，只係佢有時做既野好智障先至話佢kai姐。
「梗係啦，Diego哥唔MK啲唔型啲，點配做我地大佬呀。」嘉俊笑道。
嘉俊，同Sam一樣，都係初中識到宜家。樣子普普通通吧，不過就好有異性緣，可能是係大隻同有幽默感既關係掛。
我：「𡃁仔，你地串我咁話啦喎。」
「點會呀！你又諗多左啦。係呢，你有冇收到風？聽講今年有一個勁索既女仔入左黎我地呢間中學到讀，好似5B架喎。」Sam興奮的跟我們分享消息。
插班生？我第一時間諗起子羽。
「哦。係咩？係又點呀，這些機會不屬於我們的，別再FF吧。」我漫不經心跟Sam說道。
嘉俊：「哇，大佬真係冇興趣？其實大佬你係咪Gay架！」
「戇尻。我係冇你地咁膚淺，一味就淨係識𥄫女。」我不屑的回答佢。
「Sam、 嘉俊，你地唔好當我地既智勳好似出面啲男囝先得架！」出聲的是我在這學校的知己，徐永曦。
徐永曦，前學生會會長兼今年我地班既班會主席，為人又型又溫柔，文理科，運動永遠都名列前茅甚至第一，比人專稱為「曦哥」。而且係我地間中學無論係中一至中六，點都會有一批囡係佢既fans，可謂掌握住相當大既情報網。
「嘻嘻，我就唔多信智勳個契弟會對個女仔冇興趣啦，曦哥。」野豬說道。
佢？機友黎既，初中打機識，打打下機咁就識左幾年，上埋高中啦，佢都唔算肥既，只係佢骨架大，顯得佢大舊姐。把口幾臭下架，不過識得耐佢都知佢係講笑既，有時佢都幾煩下架，點解？因為佢成日係到溝女又溝唔成，又係到問我點先溝到女，係到煩尻住我，你地話煩唔煩先？
「挑！夠彊咪好信囉傻西瓜們。」到了這時候我懶得睬他們。
去個靚廁放水算。
永曦：「智勳，你去廁所？一齊啦！」
曦，屌你咩！岩岩班傻仔先問我係唔係，你宜家就同我一齊去廁所，唔慌唔比人誤會啦今鋪。
「嗱嗱嗱，原來Diego哥真係Gay架廁所Gathering，哈哈哈！」嘉俊說完這句後，他們都笑得忘我的階段
Shut up bitch！！我啤住個幾個傻仔，佢地先冷靜到落黎。
「Oh shit！唔會係真呱？」班裡幾個女生向我投來嘲笑的眼神。
宜家Ｄ女仔咁單純架咩？！人地講幾句就信。
唔係....應該係我班Ｄ女仔先咁單純姐。。。
「智勳快啲行啦，小息就黎完啦。佢應該係到等緊你呀。」永曦對着我微笑地說。
邊個等緊我....額..唔理啦！廁所，老子我來了，等我！！
Sam、嘉俊、野豬：「你地去廁所要小心啲呀，咪出咩意外😏」
唉算了。到了這個時候，我已經放棄治療，不解釋。
我：「佢地都傻傻地既，冇佢地收。」
永曦：「就係因為佢地傻傻地唔假，我同你先中意同佢地做friends，係咪先？」
我：「你又岩喎。」
同永曦一齊交完水費，打算返返去5C班房個陣..........