[純愛情][友情][校園][叛逆][勵志]其實愛沒對不起: Ch.03
下了的士後，我第一時間走去看看女生的情況。
你們別說我什麼「精蟲上腦」、「狗公上身」之類的說
話，我只是純粹想了解她有沒有受傷。額...就是這樣啦....
「咦......你係？」少女看到我走近，疑惑的問道。
「我地同校架！」我指了指身上校服的校章解釋道。
「哦哦。原本係咁。」少女一副釋然的說道。
「咳....唔好意思呀。如果唔係我你應該都唔會差啲比車撞到。」我尷尬的向她解釋剛才的始末。
「噗..我冇事喎係我大頭蝦冇睇車咋嘛，唔關你事架。」
我：「點會唔關我事呢...如果唔係我搭的士既話，架的士都唔會差啲撞到你啦。」
「我真係冇事喎，如果你真係覺得對我唔住既不如扶我返學校，我唔多識呢到啲路。」說畢，她伸出舌頭對我傻傻的笑。
她這動作我不禁看呆了...............會不會太可愛？
「做咩唔行，再唔行我地會遲到呀啦....哎喲好痛！」
聽見她喊痛我才如夢初醒，立刻檢查她的情況。
「乖乖地坐低先，比我睇一睇你隻腳。」我溫柔的對她說。
見少女好像有點別扭，我猛然向她解釋。
「啊！唔好誤會呀！我唔係啲咩變態色魔有啲咩戀腳癖！我只係想.....」我不斷的用力左右搖頭。
死了，越解釋好像越解釋得差，她會不會真的誤會了我....
見她面無表情，「死魚眼」的審視着我，氣氛差得很，頓時無語，看情況她一定是誤會了。
「哈哈笑死我啦。挽下你咋嘛，洗唔洗咁既表情！我知道，你只係想睇一睇我隻腳傷成點呀嘛。」她突然捧腹大笑向我說道。
「啊！係呀就係咁囉呵呵！」我尷尬得搔搔頭髮。
她頗有意思的看著我後便笑著說道：
「但我唔想坐地下喎，坐係地下到都唔方便畀你檢查啦。」她這樣坐在地下上的確令到我很不方便檢查，而且她那個坐姿還很誘惑，那淺藍色的校服水手裙根本遮掩不到她那完美無瑕，充滿光澤的雙腳，令人對她充滿著股單純的原始慾望。
我呑一吞口水，便扶著她到學校附近的公園坐下後，就仔細的為她檢查傷勢，信我，我相信自己考測驗和期中考都沒有那麼的認真。
認真的為檢查少女幾次傷勢後，發現她不但手擦傷了，腳也扭傷，有點麻煩。
「你坐係到等一等我先，我去附近既7仔幫你買啲膠布同消毒藥水先。」我吩咐道。
「你唔會掉低我架呵？」她低著頭，突然一副不開心的模樣說道。
她這舉動就好像勾起我心中曾經的傷痕，我頓了一頓，數秒後我情不自禁地走前輕撫她的頭髮。
「放心啦，我掉低邊個都唔會低你架，我保證！」我輕輕在她耳邊道。
「你.....冇呃我？」她哽咽難言般的問道。
「冇呀我從來都唔會呃女囝既，尤其係好似你呢啲咁可愛既女囝。」
聽了我這話後，她才重拾一點心情，微笑說道：
「口甜舌滑，平時你係咪都係咁氹女仔架？不過你得把口講我唔會信你架，勾手指尾！」
聽完她這句後我頓時失笑，而且最要命的她竟然真的伸出白滑可愛的右手尾指出來。
「我睇對象氹既架喎！而且唔好啦，呢啲係小朋友既玩兒喎！」我嘟起嘴巴說。
「係你宜家大個左先覺得勾手指尾係小朋友架嘛！咁你勾唔勾先！」
「好啦好啦，我勾啦！我應承你，以後我掉低邊個都唔會低你！」我伸出左手尾指信心滿滿的向她保證。
「好啦唔講咁多啦，你擦損左我要拿拿聲去買藥水幫你消毒先，廢事你傷口感染或者有疤。」
「有疤又點，冇所謂啦，反定應該都唔會有人緊張我。」她自嘲說道。
「點可以怎樣講架，冇人緊張你咁就代表可以唔自愛唔珍惜自己？而且邊個話冇人緊張你架！仲有我.....」看到她如此不愛惜自己，令我有點生氣說道
「仲有你？仲有你咩先？」她用那明亮的眼睛狡滑地望向我，嘴巴微微翹起充滿著笑意問道。
「唔知喎！乖乖地坐係到先啦。」語畢，我頭也不回直接跑往便利店。
在便利店買好消毒藥水、膠布後，我好快的又跑往公園打算為她處理傷口。
怎知到了門口竟不見了她的蹤影，我不知為何心中像突然開了一個缺口一樣，失落非常。
「唔見左我好唔開心咩？」一道清脆悅耳的聲音從我背後響起。
我聞言立即回頭，只見笑意滿滿的看著我。
「唔係呀，邊個話架！」我當然否應，俗語說：輸人唔輸陣嘛，點可以認架！
「坐低啦比我幫你消毒啦，可能有啲痛架。」我開始用心的幫她消毒。
「哇哇哇！好痛呀。」她痛得眼眶泛紅的。
「喂也大小姐，你擦損左同埋個傷口有菌就梗係痛啦。」
忙完一輪，終於幫佢處理好傷口，幫她貼好膠布後就扶著她慢慢的走點學校。在回校既的路上，她竟一反常態，由一個善談變成一個文靜的少女，面頰還要紅紅的，不知在想什麼。
幾經辛苦，用了5分鐘時間終於回到學校。當走到聖英中學門口時......
少女對我說：「多謝你扶我返黎學校呀。係呢，你叫咩名？我叫子羽，你叫我英文名Emilia都得架。」
Emilia，聽到這名子我不禁想起一個我埋藏在心底裡的一個人......
「喂喂喂，你叫乜野名喎！」子羽把我拉回現實，見我呆了不回應她，有點生悶氣地問。
「哦哦，我叫....」
「喂，靚女 ，你新尼架？我未見過你既？哦喲，我知啦，你應該就係老師講個位插班生？」
一道一出聲就會被視為噪音污染兼視覺污染的人，出現在我和子羽面前。
「哦...哦，係呀你好呀。請問你係？」子羽害羞地說。
「um我係呢間中學既領袖生長，馮文傑，唔好講咁多住啦，你快啲去操場個邊排隊先啦，呢到曬呀。」唉，又在表演他的紳士。
「吓，但係我唔係遲到咩？遲到好似係排個邊架喎....」子羽疑惑地問。
「傻妹，你咁靚女佢點會比你排遲到個條隊呀？個邊又曬又熱。」我心裡暗道。
馮文傑：「呵，你第一日返學，不習慣返學時間而遲到唔出奇嘛。唔洗講咁多啦，快Ｄ去你個班排隊先。」
師兄當我求求你，別拉高八度音來說話，好噁心的說。
「咁好啦，唔該哂你。」子羽好不情願地，慢慢離開我。
既然子羽都離開了我們的視線。那應該馮文傑也不會那麼客氣跟我說話吧。
馮文傑：「哎呀，呢個咪係我個好兄弟趙智勳？搞咩黎呀，開學第一日又遲到？叫左你咪掛住溝女呀啦，你睇你掛住溝女又遲到啦，係咪衰呢？哈哈。」
「不過，個條女係幾索既，識野喎你，見係你渣，我同你講啦，呢條囡我中意，溝硬佢。」利害！以領袖生長的身分說出這番話而不面紅。
果然是『人不要面，天下無敵』的典範！
「哦。睇下點？馮領袖生長！我都希望你可以溝到佢喎，祝你成功。不過你自己小心啲，奉勸你一句臉係人地俾，架係自己掉既，而且你溝唔溝到佢都好，都唔係好關我事！因為 I don't care 。」我漠然地說出這番話。
「最好係咁啦！」他聽完我的說話後，剎時面如死灰。
「啊！係喎。你遲到呀呵？你地帶我位『兄弟』去訓導室啦。」馮文啟又突然滿面笑容，對着班低年級的領袖生吩咐說。
你真利害馮文傑，果然是變臉怪，跟訓導室的那班「老屎忽」沒什麼分別。