[真人真事][新手]在這個毫無意義的人生中 謝謝你 你令我找回目標: 03 我的妹妹

回到家 一開房門就見到哥哥在和女朋友溫存

他跟我打個眼色 我和他早有默契 他在示意{唔好阻住我 去呀妹度訓!}

我生活在單親家庭 爸爸在六歲那年仙遊 幸好留下一間在內地的製衣廠 總算三餐溫飽
 
我在家中排行第二 對下有個妹妹 長相不錯 身材也很好  有時一不小心看到她更衣 下體都會有少許反應 她是一個正宗觀音 很多無知少男成為她裙下之臣 

一入妹妹房門見她Whatsapp提示不停響地拿著電話 大概是跟兵仔們聊天





[早知你會入黎架啦,大哥同呀宜係房,拿...今次到你訓地下啦]

我和妹妹感情不錯 她有時會可憐我這個小男人 讓我訓床 

[好啦 但係你介唔介意較靜音 你知你d口哨兩秒一個架啦]

我在床上轉輾反側 腦海不停出現阿仁家姐 

[呀妹...]





[做咩呀?]

[我又睇中左個女仔]

又?對 因為我總是很容易一見鍾情

[你過兩日又第二個架啦 點呀 今次尼個又咩貨色呀]

[做左你隻兵個個呀仁個家姐黎 佢靚女得黎有d不可犯侵既感覺 皮膚白裡透紅 但係今次尼個唔同之前個d 尼個係準大學生 大好前途 好難溝架 兵力分分鍾多過你]我語中帶骨地說





[車!準大學生又點 準大學生都係人 人都會寂寞 都會覺得凍 你都係差一年就考dse 你成績不嬲唔洗溫書都不過不失 你比d心機可能溝到呢]

講到dse 噢!我今天被踢出校 我差點忘記了

[但係我今日比人踢左出校.........................]

[下?點解呀]

[我唔肯剪頭髮....]

[你真係白痴仔黎 頭髮會生架ma 如果我d兵因為個頭俾人踢出校 我實笑足佢80年 你又唔係登台 咁令仔做咩]妹妹語中帶有恥笑成份

[好似又係喎....]

[拿!咪話我唔幫你 我幫你剪到汁陰岩岩好 咪唔會咁薯仔囉 但係長頭髮會顯得好o靚仔 我諗你女神會鍾意d成熟形]





[咁你聽日同我去剪個成熟少少既頭 我要溝女神!!!]

時間到了朝早 我和陳sir說我今天剪頭髮明天回校 他說無問題 我想通了就好

明天才回校 趁下午有空 我和妹妹和阿仁三人行去了天后食甜品

[喂 唔似你喎 剪個咁既頭既!]阿仁說

[我講出黎你唔好笑我喎...我想...溝你家姐...]我害羞地說

[.....]

三秒的DEAD AIR後





[唔係掛...]

[下?做咩 佢有男朋友 佢係TBG??係咩快D講]我有點急躁地說

[無...佢無男朋友 亦唔係TBG 呀邦都試過但都失敗左 佢成日同我講 佢心目中只有一個人 就係佢前度 我都知佢前度傷得佢好深
但係都三年 佢到依家都未放低佢....]

我聽到後 尤如晴天霹靂 腦袋一片空白

[不過唔怕 我約家姐出黎 你地相處下 可能有機會 佢好鍾意你尼類運動型既男仔 佢前度同你差唔多條件姐]阿仁說

心情有如過山車 現在又有點希望

[拿 阿仁 你幫我我幫你 我返到去洗我呀妹腦 佢可能會升你級 做頭馬]我細細聲和阿仁說





[男朋友得唔得呀.....]

[試下啦!可能得既 佢係屋企都有提過下你咁 你情況都未係咁差]

[咩話?我好似聽到D陰謀]妹妹突然回頭

[下!無野呀!講緊食邊間咋MA]我和阿仁異口同聲

食完糖水 我就回家 製造空間給他們獨處 希望幫到阿仁 令他全心全意協助我吧