[真人真事][新手]在這個毫無意義的人生中 謝謝你 你令我找回目標: 02 相遇

突然有位女生出現

她比起其餘的四個 顯然有分別 衣著平凡大概是居家服 但加上長相 帶出一絲不可侵犯的女神感覺 白雪般的膚色 長腿 胸部不算大 但目測有B

[喂..呀然 唔洗眼金金咁望住人喎 我家姐黎架尼個!]阿仁語中帶點自豪 大概是因為自己有個漂亮的姐姐吧

[阿仁 咁夜都唔返屋企 電話又唔聽 我知你一定係度溝女啦 所以落黎搵你 快D返屋企啦 阿媽一陣又話啦]阿仁姐姐說

[得啦!咁煩架 係啦係啦返去啦 咁我走先 聽日電聯!]





(下.唔係掛 咁早走 仲諗住可以同佢家姐認識認識添..)我心想

我頓時對身旁的四個庸姿俗粉失去興趣

[呀然...呀然...]

[.....]

[呀然!]





[係...做咩?]

[人地家姐我試過溝啦 人地會考26分 仲準備考AL升大學 大好前途 喱D上等人點會睇得上你]阿邦說

[唏,我有話過溝咩 望下都得掛...]

[仲望 走左好遠啦 飲啦!]

兩小時過後 大家都有醉意 那些女生已經走了 剩下我和阿邦





[喂..老老實實啦...其實你...同阿仁呢....點睇我尼個..尼個二世祖]

[....]

阿邦開始激動[做咩唔答!!..我知....我係好令人作嘔!!但係..又有邊個...知我個心諗咩]

[你係D女面前先係咁姐...你有D咩都可以同我講..識左唔耐但係... 你都知我口密架]

[你知唔知我點解成日上網識女仔 我想試下係佢地唔知我係有錢仔既情況下 
佢地會唔會同我做朋友 我有時好憎自己既身份 令到我疑心好大 大到覺得所有人都係因為錢而同我一齊

我特登係佢地面前哂 睇下佢地會唔會一知我係有錢仔就態度轉變 恭恭敬敬 好似咁 岩岩個幾條女一開始都冷冷淡淡咁

一見到我打開個LV銀包有幾張一千蚊 就眼都突埋 幾鬼熱情呀 我就知尼四個 都係拜金女 所以 我都無進一步..(阿邦開始激動)





點解!點解我要係富二代!我寧願我出生平凡 可以交到真心朋友!]

[咁你仲有我同呀仁呀MA 唔洗咁唔開心啦]我開始搭著他膊頭安慰他

[得啦!我明既!飲啦!]

時間到凌晨兩點 我們各自歸家