玩咗場True or Dare, 結果搞到我三十幾歲人返咗中學讀書: 第三章 - 買校服

我們坐站在了位於屋邨下的一間校服店。說真的，都不知道有多久沒有踏進這種店鋪了。
還記得當年入讀中學前，我和老爸老媽手拖手的進入了校服店，當年我們一家嘻嘻哈哈的，選了好久好久。
「校服咪又係件件一樣，洗唔洗揀咁耐？」老爸笑著說。
「你個仔升中架喇，緊係要四四正正！」老媽也笑著說。我當時沒有作聲，只是照著鏡子，看著自己穿起中學校服的樣子，感覺成熟了不少。
「你個仔咁樣衰，似足我，亂著都得啦！」當我回起神時，老爸又在說笑話了。整間店鋪，都充滿我們一家的笑聲。其實也不是說老爸老媽沒有再笑過，只是臉上多了一些歲月的痕跡，笑起上來沒那麼自然而已。一家人齊齊整整的日子，其實都已經有段長時間沒體驗過了。
。
「歡迎光臨！」老闆娘道。
「我地想買校服。」志生道。
「下次要叫你地仔女親身嚟試喇，如果唔係可能會唔啱著，到時要嚟換就煩啦。」老闆娘慢慢地行出櫃台，準備幫我地選校服。
「咩學校阿？」




「畢段亭電第二紀念書院」我說。
「吓？」老闆娘想了一下，突然有所領悟。「畢中下話，屌你奶，講簡稱啦，唔係阿婆唔知架！啲校名水蛇春咁長，點記啫？」
「同埋呢，件校服係咪比我地自己。」志生補充。
這個時候老闆娘打量了我們一下，正當我們在想她馬上就要尖叫起來，大叫「易服癖阿！」，又或是「變態佬阿！」時，她卻冷靜地說了一句，「估唔到你地好媚好貌，原來係對基佬，仲要現製服喎」
我再次與志生對望了一下，整場的其他客人也停了下來，對我們展示了歧視目光。「嘩都估到佢基架啦，咁嘅樣！」一名顧客手指指著我道。
「係囉啱啱佢地仲要咁情深對望！」
。
「喂喂老闆娘我地唔係 -」正當志生想反駁時，老闆娘又再發功。
「得架喇，知架喇，年中都有唔少年青人好似你地咁嚟買校服架喇，我睇慣架喇」她再打量了我們一下，就隨手的拿了兩件校服，以迅雷不及掩耳我速度為我們印好校章。「拿一人一件，返到去慢慢玩啦」我們拿起校服，手勢真的很不錯，校章剛剛好印了在衫袋的中央。
「我唔歧視你地嘅性別取向嘅。拿，以後有需要再返嚟搵我啦，阿婆比個八折你地！」




。
轉眼間，已經到了真正上學的日子。這天是星期一，兩日學生假期後的上學日。這日是十月五日，是我們正式重新成為學生的日子。站在校門前，有不少學生，途人都以奇怪的目光看著我們，看來我們變態的形象已經深入民心了。
「入去喇。」我說。
「緊係啦屌！仲有兩分鐘就遲到喇！」志生說。
步入校門，右手邊是雨天操場及小賣部，左手邊是上課室的樓梯，而前方是校務處及當天我們面試的校長室。由於我們是插班生，我們先要到校務處辦好手繼，然後才能上課室。
。
不知大家知不知道，校務處是為校園裡最恐怖的地方之一。裡面的職業大多為中年女性。雖說我們的年齡與她們差不多，但我們一樣被他們的氣場壓到。
一踏進校務處門口，其中一位職業馬上尖叫道：「變態佬阿！」我們馬上利益申報般說道：「唔好咁驚唔好咁驚！我地係插班生嚟！雖然係大咗啲，年紀上。」
「阿係喎，校長上星期特登同我地講今日有兩個插班生，唔通係佢地？」另一名較冷靜的職員說。
「無錯喇！」一把有點熟悉的聲音出現在我們後方。「就係佢地！」原來是校長。




「幫佢簽完到，就安排佢地上課室啦！」然後校長拍拍我們膊頭「好好享受校園生活喇！但記得，唔好以為因為你地係高齡生就可以持特權，你同其實學生一樣，都係平等！」說罷，他與校務處職員交代了數句，然後再道「你地宜家上去504室啦！」但其實真正的考驗，現在才開始。