[港版無限流][長篇] 恐怖輪迴: 雙贏

「天哥，你要㗎嘢呀。」大鬼拿著一箱大黑盒來到碼頭，並把它放在快艇上。

「好，唔該呀，大鬼。」凌天坐在快艇上笑著感謝道，向著站在碼頭上來為他送行的兄弟說「婆媽嘅嘢我唔會講，我哋應該好快會喺任務到再見，天哥我，宜家行先各位一步。」

「放心啦，天哥。」

「我哋做嘢，定喎。」

「遲下再見喇，天哥。」





看著碼頭上眾人的回應，凌天笑了笑，向坐在駕駛位置的大鬼說「時候唔早喇，開船走人啦。」

大鬼聽後點了點頭，發動引擎，快艇便應聲順勢地離開碼頭，向大海中揚長而去。

傭兵基地的小島越來越小，凌天眼中流露出一絲不捨，不由自主地嘆了一口氣。

「好少見你會咁嘆氣喎，天哥，老實講，呢次任務我哋可以生存返嚟㗎機率係幾多？」大鬼笑著問道。

「我唔知。」凌天輕聲地回了句，繼續看著船外泛起的浪花。





「嗯，咁啫係九死一生同實死無生之間啦，就咁睇應該好有挑戰性。」大鬼平淡地說著。

凌天露出了一個微笑，卻没有回答大鬼的問題。

大約2小時後，快艇正式返回長洲海岸。

凌天拿著船上的大黑盒走到岸上，回過頭看著大鬼說「做任務嗰陣小心啲。」

這次大鬼沒有任何反駁，只是點頭回應。





凌天再次露出微笑，向長洲碼頭走去，當他其中一隻腳踏進船上時，突然抬頭看向天空，微笑地説「偷睇我咁猥瑣，食屎啦。」

與此同時，在香城大樓高層房間中，掛在牆上的大螢幕畫面由凌天的笑臉，霎時間演變成一片雪花。

站在螢幕前的兩名西裝服男子均無語地互相看著彼此。

年紀較大的西裝男子較早反應過來，微笑道「有意思。」

********

凌天拿著大黑盒回到之前茶餐廳旁邊的公園，看著手錶，說道「仲有2分鐘就返歸，蘇琳個𡃁妹真係一啲都幫唔到手，宜家啲後生真係……」

「鈴……鈴……」

手機突然響起，凌天搖了搖頭，接聽了電話，說「喂！」





「係我呀，隊長，我遲咗。」蘇琳的聲音出現在電話中。

「嗯，咁你呢幾日做過咩嚟呀？」凌天平淡地問道。

「我呢幾日殺咗十幾個特種兵。」蘇琳低聲地說著。

「咩話？！」凌天憤怒地大叫道。

「對唔住呀，隊長，我以後都唔會隨便亂……」蘇琳急忙道歉。

「我落咗咁多心力喺你到培養你，你剩係殺得嗰十幾個特種兵，交個咁嘅成績，你慚唔慚愧呀？」凌天一副恨鐵不成鋼的語氣說道。

「……」蘇琳無語。





「你慚唔慚愧？」凌天再次問道。

「……我慚愧。」蘇琳無奈地回答。

「好！」凌天滿意地點頭說「既然知錯，返到去係咁咦加重2倍訓練就算。」

「……」

「現實世界逗留期限已到，試煉者凌天正式傳送返回試煉空間。」

*******

空間廣場上

凌天與蘇琳的身影突然從白光中出現。





張開眼睛，凌天第一眼看見的卻是林軒坐在一張扶手椅子上，正一臉微笑地看著他。

「果然係你條冚家祥喺背後到玩嘢。」凌天也一臉微笑地走上前。

站在一旁的林恩趕緊走上前擋在林軒前方，一邊悽楚地看著凌天，一邊為難地看向背後的林軒。

「順手啫，你同我嘅目的同時達到，雙贏局面，幾好呀。」林軒一臉無辜地説著。

「好你老母，你阻撓咗我某部份計劃呀。」凌天不滿地罵著。

「冇阻，蘇琳雖然冇跟你去基地，但面對特種兵嘅攻擊，一樣可以提升佢嘅作戰能力。」林軒平淡地說道。

「你……」凌天心中冒出一萬個草泥馬，雖然對方說出了事實，但任何事都被人看穿，感覺很不爽。