[港版無限流][長篇] 恐怖輪迴: 小黑盒

升降機門再次開啓，凌天走進一間只有一張大圓桌的會議室。

環顧四周，見到數十張椅子四散在房間的每一個角落。

凌天嘆了口氣，把小黑盒放在圓桌上，然後找了其中一張椅子坐下。

數十分鐘後，升降機門又再次開啓，十多名健碩壯漢走進房間內。

「天哥！」這十多名男子同時興奮地叫道。





「呢批蛋散係我哋團入面仲未結婚嘅，所以天哥如果有咩麻煩，唔洗為難，放心交俾我哋啦。」站在一旁的大鬼笑著道「包括我。」

「唉，你哋真係……」凌天無奈地嘆了口氣，心中對這群昔日的戰友充滿感激，說道「咁好啦，之後就拜託大家啦。」

「哈哈，你唔洗旨意撇低我哋咁多個。」大鬼大笑道「好喇，天哥，你究竟遇到啲咩麻煩嘢？」

「嗯，總之好麻煩，麻煩到兩日後我要即刻返去。」凌天苦笑地說，然後拿出一張紙給大鬼並說道「幫我喺1日內揾齊張單上面嘅嘢。」

「哦？」大鬼看了看紙上的內容，奇怪地問道「天哥，你要呢啲嘢做咩？」





「只要做，唔好問，總之我有大用。」凌天輕微地按摩了一會額頭，凝重地說「今次㗎任務可以話係九死一生，我希望你哋考慮清楚。」

「究竟係咩任務呀？」大鬼皺著眉問道。

「我受到某啲限制，宜家唔講得住，總之呢個任務㗎時間會非常之長，而且會比我哋以前經歷過嘅更加危險，好可能返唔到嚟，所以希望你哋諗清楚。」凌天繼續對房間內的眾人説著。

頓時，沉默了數分鐘。

「我爛命一條，冇乜牽掛，所以我冇問題，但嗰到有冇女人先，長時間冇得發洩，壓力會好大㗎。」大鬼笑著問道。





「哦？呢個應該有嘅，不過要分清邊啲女人攪得，邊啲女人唔攪得。」凌天思考了一會說道。

在他記憶中，李文好像在之前任務完結時就兑換了數個女人進入自己的房間。若果叫冥主使她復活，那又會如何呢？

「哈，咁就得啦，有兄弟，有女人，事成之後又有錢收，有咩理由拒絕。」大鬼興奮地說著。

凌天没有反駁，在試煉空間中1冥幣可以兑換1條黃金金條，所以的確不愁没有金錢，只是現實世界的現金在空間內是最沒價值的。

「我冇問題。」

「跟天哥。」

「天哥以前救過我，冇理由宜家縮沙。」

……





所有人都願意接受任務，這結果凌天早有預料，說「大鬼，收集咗張單啲嘢先，之後今晚我哋好好拆番餐，過兩日後我就要走。」

「冇問題，咁任務内容係咩？」大鬼笑著問道。

「任務内容就喺呢個盒仔入面，記住，等3日之後先至好打開。」凌天指著桌上的小黑盒說道。

眾人立刻好奇地看著這個小黑盒。

「好喇，入面有啲咩，3日後你哋就會知，希望你哋到時唔後悔就好。」凌天對著他們笑道。

「睇小我哋？信唔信今晚我哋實會灌醉你？」大鬼假裝怒叫。

「呵呵，講酒量，你哋全部人加埋都唔係我對手。」凌天自信地笑道，持着血僧強化的他，有這個自信。





房間內霎時噓聲四起。

********

在香城的一棟大樓高層中。

兩名身穿西裝衣服的男子正在看著掛在房間牆上的大螢幕。

「雷達探側顯示，目標離開長洲近200米海域之後就消失咗，懷疑係去咗佢哋自己嘅大本營。」其中一名較年輕的男子摸了摸帶著的耳筒說著，向另一名男子問道「洗唔洗派人去消滅佢哋。」

「唔洗。」那名年紀較大的男子回了句，反問道「咁個女人呢？」

年輕男子苦笑了一會，說「條女已經滅咗我哋好幾架直升機，簡直係一個人形戰爭機器，不過對方似乎有所克制，冇特別話要大開殺戒㗎跡象。」

「嗯，騷擾條女多2日就將部隊撤走啦，有關資料就3日後傳去俾上面睇。」那男子點頭回應，皺眉看著螢幕上顯示的灰色身影，暗道「你究竟攪緊咩呀，林軒。」