F5個年我比女同學撞親JJ: 第二十章 送禮計劃

第二十章 送禮計劃
 
番屋企之後 我拎晒d利是錢出黎 買左一部新既電話
準備聽日送比女神 再同佢講清楚我對佢既感覺
 
當然 我知道命運又在冷笑 暗示前無路
我有後備計劃 假如聽日我被肥婆纏住 咩都講唔到
我仲有計可以比佢知道我既心意
 
我好肯定 呢個計劃係天衣無縫 唔會再有錯漏


夜晚訓教個陣 我再諗多幾千次 確保毫無差錯 我先敢訓
 
「我好想話比你知 我同你經歷過既事 好難忘
可能你會覺得好尷尬 甚至變態 但無可否認都係我同你既回憶一部份
你係我心目中好重要 我唔知由幾時開始已經唔可以冇左你
希望你都係。」
 
以上係我琴晚錄左係部電話既錄音
我知道命運一定會搞我 假如我趁中午送部電話比佢
一定又會有危企肥婆、顛雞伯母、吞精細路出黎搞事


我亦知道聽日我可能遇上食物中毒、火警演習、生化災難等等場面
 
所以我提早將自己既心聲錄起 儲存入電話度
咁就算我聽日變啞 只要女同學拎起個電話 一樣都會聽到我想同佢講既說話
相信高登仔心入面一定係度讚我叻! 多謝!
 
確保萬無一失之後 我就安心訓教
我終於逃出命運既擺佈!
 
第二日我提早兩個鐘起身 因為我知道適逢我要表白 地鐵一定會賴屎黎助慶 '


所以我決定自己掌握命運 踩單車番學
我仲知道肥婆一定又會咁岩壞左電話 想搶我個部黎用
所以我特登帶左一部玩到貪食蛇既nokia 3310黎應付佢
 
結果個日 大部份同學都遲到 因為地鐵真係賴屎 而我準時番學
心中暗喜 我又戰勝左命運喇!
 
上完pe堂之後就放飯 我把握機會準備同女同學表白
呢個時候 一件奇怪既事就發生