F5個年我比女同學撞親JJ: 第十九集 命運在冷笑

第十九集 命運在冷笑
 
個日為左逃避肥婆既surprise 我繼續戴住個口罩 扮病早退
番到屋企我一直諗住班長個冷笑 又聽住關正傑個首《天蠶變》主題曲
入面其中一句係「命運在冷笑 暗示前無路」
我終於明白 咩叫「拋開愛慕 飽遭煎熬 早知代價高」
 
從柒頭班長既冷笑 我好肯定成件事係佢精心策劃
而佢既目的就係要破壞我同女神既關係 再插隻手/條j埋黎
我只係冇諗到 會比佢發現我出手既時機




而家既處境對我相當不利!
 
第二日番學 肥婆繼續纏住我
我試圖向佢解釋:「張卡唔係我送嫁!」
肥婆大庭廣眾捉實我隻手:「唔洗再講喇! 全校得你一知我生日! 你再解釋都係無謂」
我再想講幾句 但肥婆用佢隻酸臭手掩住我個口 我差d被佢陣體味焗到即時死亡
肥婆繼續話:「我知你想低調 我唔會公開我地既關係! 但我一樣咁愛你」
 
我拉開肥婆隻手 再次解釋比佢聽:「班長都知 班長有本《學生名冊》上面有晒同學既基本資料...」
我將一切既可能性講晒比肥婆知 希望佢唔好再誤會




講完之後肥婆呆左企係度 趁佢個腦仲load緊 我行開左 呢個時候我收到一個短訊
 
由於係學校用電話係犯規 我要偷偷地入廁所睇訊息
沿途其他男同學都當我神咁拜 事關我食左肥婆呢件事大家都知
 
原來係女同學 佢傳左個短訊比我 叫我今日放學係課室等 唔好走
仲話有d事想同我講清楚
 
最近因為肥婆纏住我 加上柒頭班長日日係度煩住佢
我同佢好耐冇單獨相處 更加唔好講傾計




呢幾日我諗得好清楚
雖然顛雞伯母可能會劈死我 戇鳩細佬可能會飲晒我d精
但我都要同我女神一齊!
 
我決定無論幾多困難都好 我都要同女同學講清楚 我係鐘意佢
希望佢唔好忘記我 唔好比柒頭班長講兩句就跟佢走
就算唔可以即刻一齊 最少都要比佢記住我
 
放學鈴聲一響我就跑去社工室 同8婆社工講肥婆今日情緒好激動 要求增援!
肥婆依依不捨咁望住我 都係要被8婆社工同校工拉去社工室輔導
 
課室入面就得番我同女同學兩個人
我急不及待咁問女同學:「最近點解咁少搵我?」
「你都冇搵我啦 你要陪阿肥! 聽講你最近同佢...」
我唔想晒時間解釋 我直接捉住女同學隻手




準備同佢講出人生最重要既一句話
 
正當我準備講呢一句既時候 女同學電話響起
 
我知道電話無啦啦響起 一定又係咩命運既播弄
但我係操控命運既人 唔想再比咩命運決定我既人生
我要take back control! 我先係人生入面既主角!
 
係女同學拎起電話聽個一刻 我決定一手拎開佢部電話
我一手拍埋去 一下就將佢個電話拍走
 
本來我係諗住拎走個部電話 但點知大力得濟
將佢部電話成班拍跌左落地
佢部電話亦成部散落係地上面 連個mon都爆埋!
 




我屌左一聲! 原來呢個先係真正既命運播弄!
我始終都係逃避唔到命運! 始終都冇辦法同女同學講「我愛你」
點解? 點解命運要咁殘忍?
 
女同學見到我暴力整跌佢部電話 即刻對我怒目而視
仲開口鬧我:「你做咩呀?」 之後就執番電話既零件
 
女同學執番晒d電話部件之後 發覺部電話已經爛到用唔到
我頭先實在太急 所以大大力拍佢
女同學好傷心 眼角帶淚咁同我講左一句說話:
「而家爛晒喇 開心啦?」 之後就走左
 
我好傷心 好後悔 早知唔阻止佢聽呢個電話
話唔定只係推銷電話呢 話唔定只係阻佢三秒 三秒之後我就可以同佢表白呢
本來我而家應該同女同學拖住手行番屋企




但而家 就剩低我一個空虛既身影
我實在無力同呢個塵世糾纏!