「續寫」無啦啦多左幾個家姐同阿妺: 陸運會 其之五

「Ready。」呢一秒我個心就平靜晒。至少入複賽啦。 


我企左係第八條跑道上面，咦家係800米既第一場初賽。 

有一個肥仔，兩個長跑隊，一個足球隊既人，其餘就唔識既。而第二場初賽就係阿威同條仆街跑啦。 

仲有我好緊張啊，屌。 

「Ｇo。」 



因為係800米所以唔洗On your marks。 

佢一講我就用比平常快既速度跑，始終800米幾長，無可能一直爆落去。 

我只要拉近第一個個最後200米爆就可以。一開始我就第八，前面個死肥仔同幾條友。 

見到我就快過佢地，跑快幾步都開始停。係我平常既速度都無。好輕鬆就過左佢地變左第四。 

同個足球隊同兩個長跑隊既人跑。 



跑左四百米左右我就開始加速過左一個長跑隊，再過埋個足球隊。得番我同前面個個長跑隊。 

佢係幾快既，但同差唔多日日跑步既我相比，都係努力練習啦。 

最快，我以快第二名佢一百米左右既成績拎左初賽第一。 

「呼.....呼.....呼.....」800米雖然唔長，但全力跑都幾辛苦。 

然後，又聽到呢把熟悉既女聲音。 



「阿明，原來你咁跑得架，得啦，一陣4X100既A隊就搵你跑。」 

Ellen自己高興咁講。然後，就將我個名寫左係張報名表上面。 

「我...我短跑好廢。你搵其他人跑啦。」 

一陣仲要跑1500，跑完1500仲要800複賽，再同你100米我邊有氣啊。 

「理得你丫，跟我黎。」 

Ellen又拉住我隻手咁行，搞到我又比周圍既人望住。 

「周圍既人望住我地啦。」我細細聲同Ellen講。 



「一個美女拖住你，我諗你應該要開心囉，理周圍既人做咩呢？」 

然後，我就無講野跟住佢行。然後，就行到一位著住女子書院體育服既女性。 

比人感覺好冷酷，短髮，皮膚微黑，180左右。有四十六吋長腿。重點個波幾大下。 

「社長，我幫你搵到人啦。」 

然後，個個女性望一望我打量一下我全身。佢既眼神就好似啤住我咁。 

「呢個係邊個黎，Ellen。」 

「佢叫阿明，你話A隊差一個人就幫你搵左lu。」

「你...你好。」見到佢一直啤住我，我都驚驚地。好恐怖啊。 



「你好，係呢，你肯跑4X100？我地差一個要跑得快既男仔同一個女仔。」 

見到佢講野方面幾和藹咁，我都放心左小小。 

「都可以既，我想問下有邊個跑。」 

「一個係我地書院既女仔叫Miki，仲有一個B班既男仔。」 

「好似叫蘇家傑。定蘇家明呢。總之差唔多啦。」 

蘇家傑!?點解要搵個條仆街跑呢。無其他人咩。 

「Sorry，我唔跑啦咁，我一陣仲要跑800米同1500米，我怕會無氣。」 



「跑啦，跑啦，阿明啊，阿明下，阿明哇。」Ellen不停搖我隻手。 

點解佢講野有咁奇怪既叫聲。 

「唉，咁好啦，我跑，咁一陣見啦。」 

同條仆街見面，我驚衝去打佢一獲。 

「咁我地走先啦，社長。」Ellen又拉住我走。 

然後「Boot」一聲阿威既比賽就開始左。我同Ellen企左係到睇。阿威跑第四線，仆街偉就第七。 

一開始阿威比晒後面既人過，阿威呢條友好鐘意後來居上既感覺。 

佢變左第八之後就追上左前面幾個，再開始加速追番前面個兩個。變左第四。然後， 



咦家阿威第四，仆街偉仲第八緊。得番四百米，條仆街輸撚硬啦差第成百幾米。 

然後，佢就開始用跑100米既速度跑，阿威見到就全速跑埋最後個二百米。 

阿威好快就變左第二，而個仆街偉就好快過埋前面個幾個變左第四。佢既速度無減過，都係一直爆緊。 

最後，阿威就追過第一個個跑埋最後八十米左右。仆街偉就已經第二左。 

但阿威仲快仆街偉四十米，有咩可能輸。阿威好似開始無氣咁就慢左。 

仆街偉都開始慢左，但佢既速度都仲係比阿威快。 

最後十米同阿威平排。 

阿威同佢已經無咩氣，但條仆街最後竟然撞走左阿威。阿威一個失平衡就跌左係地下...