「續寫」無啦啦多左幾個家姐同阿妺: 陸運會 其之四
「陳煒明，點解呢個時候先番學。知唔知幾點啊，一點啦，飯都食完先番你不如唔好番。」
門口個條八婆又煩我啦。佢就係上次屌我地三個屌左成粒鐘既訓導。佢大约三四十歲左右，一見到有人係學校做親密行為就會走去屌一餐。從來未見過同任何男性有交流。因為佢幾黑人憎下。
仲有睇死佢一定無男朋友。所以，背後好多學生會叫佢「老處女」
而因為我地陸運會係學校進行而且咦家放緊飯。搞到有好多人望住我同我從面既Anna老豆。
Anna老豆就食緊煙。
「Er...我瞓過『龍』。下次唔會架啦。」我用一個好誠懇既態度同佢講。
唔誠懇少少屌到我比賽開始都未屌完。
「瞓過『龍』？幾點啊，瞓到一點先番學，你想點啊。」佢個樣好似越屌越開心咁。一定好耐無人比佢發泄啦。
「我都唔想，Sorry。」男人大丈夫能屈能伸，比人屌幾下有咩問題呢。最緊要快啲入去。
「唔想？唔想同Sorry就大晒啊。準時番學係你做學生既本份啊。」
點解呢個「老處女」會知我遲大到？因為我地學校遲到早退個邊佢負責，邊個無番佢一定知。佢實在太得閒。
「阿明，做咩仲未入去啊？」
Anna老豆行左過黎就見到我地人屌緊，佢就開聲出個「老處女」講。
「Sorry啊，老師。我係江安娜既爸爸。阿明之所以遲到係我拜託阿明幫我照顧Anna佢先搞到遲到。」
Anna老豆咁用把磁性既聲音同佢講。咁樣睇Anna老豆真係好有男人味。
「哦，原來係咁，入去啦陳煒明。下次打個電話番黎先啦。」
一句嘢就收左佢皮。
「咁阿明，再見啦。」
Anna老豆笑住同我揮手。
「ByeBye。」
然後，我就寫左個名係遲到名單度就沖去球場。而跑道就圍住球場，一個圈就四百米。所以，都可以講係幾 標準既運動場。
個時就見到Sarah自己一個坐左係紫社看台上面。
看台其實一張有七層長一百五十米左右既長凳，可以容納一千多人一齊坐。每二十米左右有一條樓梯上去。
但當然會有好多人係學校周圍走同係跑道出面既空地睇。所以，好少會坐滿。
「做咩咁寂寞啊，公主。」
Sarah聽到好似嚇一嚇咁。見到我就好似放心。
「阿明，Anna無嘢啊嘛。」
「無嘢，只係發高燒，咦家都應該退左燒。」
「咁就好啦。」Sarah個樣好放心咁講左呢句說話。
「點啊，頭先贏定輸啊一百米同二百米。」
「你估下？」Sarah好開心咁同我講。
「輸啦，跑幾步都無氣，Anna病左都仲快過你。」睇佢個樣咁開心就知入左複賽啦。
「好衰囉阿明，咁樣睇三家姐我，我兩個項目都入到複賽呢。」
Sarah咦家就好似小學生同老豆老母講考試一百分咁。然後，開始有不少學生番左黎。
好多人見到我同Sarah咁樣吹水好似好驚訝差望住我。
「阿明，上次做咩走左去啊，我好嬲囉，你係第一個放我飛機既人。」
我望一望隔離見到有個茶色頭髮既女學生放左我隔離。
「Ellie？」
「我係Ellen囉，我阿妺就今日無番，應該咁講係陸運會旅行日之類既大日子佢就會請假。」
Ellen係Ellie個家姐，睇落去好爽朗好溫柔既人，呢類女仔係男仔都好鐘意。
因為呢類女生對每個人都好溫柔。所以，好多男性型毒撚生物一見到就會沉船。
但對我呢個身經百戰既佐助型男性，已經無任何用。
而Sarah係冰雪型女神，因為唔會同任何人講野我先會沉。
「Sorry啦。」
我應付呢類型女生好唔掂。因為可以自由操控氣氛，自由同任何人講?，我學一世都做唔做。
「咁我就罰你陪我一日啦，我地行啦。」Ellen好一個好爽朗既笑容。然後，Ellen就捉住我隻手。
雖然如果我想佢全力都拉我唔走，但我對呢種女生無咩反擊之力，無沉船已經係極限啦。
「咁Sarah一陣見。」
Sarah就食緊三文治，點左一點頭我就比佢拉左去看台前面空地。
「Ellen，你...你想拉我去邊。」
口吃既症狀開始於現，佢已經突破我既第一重防綫。但我，我仲有九重防綫啊。
當我呢個佐助型廢架。八婆。
「我想你陪我一齊行下，順便幫你交下朋友啦，你個名我打問晒A，B，C三班既人竟然無人識你。我走去問Sarah佢又唔同我講，我好辛苦走去問老師先知你E班。」
點解人人都知我窮但無人識我？因為個d人無記我個名，只係一見到我就窮撚窮撚咁叫。
中一有次連個窮字都廢事講。就咁叫我阿撚添。
「唔洗啦，我有好多朋友。」
其實都係得三個。
「我走去E班都好似無人識你咁喎，我問左幾個人問到一個幾有型黑黑地既男仔先識你。」
Ellen摸一摸一巴，好似幾疑惑咁講。
「咦，Ellen?你做咩拖住呢條友啊。」無啦啦有一把男聲。
我望一望原來係B班個班小圈子，入面有五男三女。所有人都識我。知我叫死窮撚。
「咦，你地識佢架，我琴日問你地又話唔識?。」Ellen好開心咁問佢地。
應該佢個樣好似未試過唔開心。
「緊係識啦，全個中四都識佢喎，大紅人來。」然後，佢地成班就係到笑。
但無所謂啦，反正都習慣。
「阿明，你竟然全個中四都識你，太犀利啦，你啊琴日又話唔識佢。」
然後，見到佢地幾個有講有笑說行開左。
見到比賽就快開始就番去搵Sarah。
番到去個邊就見到仆街偉同Sarah講左幾句就行開左。
「點啊，Sarah無左我好寂寞咁喎。」
Sarah個樣好似唔太開心咁。
「做咩啊。」
「阿偉佢話如果佢1500米同800米拎到金牌既話就要我同佢一齊放學行街。」
「咁你拒絕就可以囉？唔鐘意就同佢講，收收埋埋做咩姐。」我用一把有少少嬲既聲音同佢講。
「我...唔可以拒絕佢，我欠Daddy實在太多啦。」
見到Sarah個樣咁困擾咁，係我英雄救美既時候啦。我就用一個勝利既表情同佢講。
「咁只要我跑赢佢就可以啦。」
Is time now.