「續寫」無啦啦多左幾個家姐同阿妺: 出事了

居然係阿傑..？但係應該無可能架…佢明明都已經…

二家姐：「我知道你係度諗緊咩，所以我先唔同你講住，我自己查住先。」

「佢雖然係前七星，又係兩個大企業主席既仔，以前的話要呼風喚雨絕對唔係問題。」

「不過，呢D都係以前既事喇，自從佢地兩間公司被警察查之後就已經無哂影響力咁濟。」

「佢一定無可能搞得出咁大規模既野，就算佢係聖所羅王仲有勢力都好，而家既聖所羅王根本就唔會有人理佢。」



「所以，我覺得佢唔會就係果個幕後黑手，背後一定仲有其他人。」

「可能性有兩個，有人利用佢係聖所羅王學生既身份去派邀請咭出去，而另一個就係…」

「想對付你既人就係聖所羅王入面，而且佢厲害到可以收服到阿傑呢個前七星，當阿傑係替身咁用。」

「一個可以將自己身份收到咁隱密，令你地査都查唔到既人，你未必可以咁順利解決。」

「所以我就託我既朋友去査，試下由阿傑呢個途徑去查，希望可以搵到d線索。」



我：「點解二家姐你要咁幫我…？」

二家姐：「…我之前都有講過我唔想Sarah因為你而唔開心，只要解決呢件事的話，Sarah一定會好開心。」

但係Sarah而家無唔開心喎…仲日日玩得好高興。

「而且呢種咁樣自己係幕後操縱一切既人我最唔鐘意，我一定要搵佢出黎。」

我：「哦哦…我明白喇，咁不如我同阿威佢地都一齊幫手查？多一個人多一分力。」



二家姐：「唔洗你地，我有一班私家偵探朋友幫我手，同你地呢d玩玩下既唔同。」

「同埋對方要對付既人係你，一定會好留意你既一舉一動，你親身去查咪即係擺明車馬話俾人知我要搵你出黎，你係咪無腦？」

我：「吓咁唔係咁做的話我應該點做好？」

二家姐：「而家的話，你地就咩都唔都唔洗做，繼續扮到咩都查唔到就可以。」

「等愛麗絲同我呢邊有更多情報之後先再決定點做，記住唔好周圍講。」

我：「知道。」

奇怪，二家姐居然咁上心都有既。

不過算啦，搞清楚二家姐既意圖就可以喇。



我一步出二家姐房就見到Yui企左係度，好似係度等緊我咁。

我：「點解你會係度既？你唔係同Sarah佢去試衫架咩？」

Yui：「我擔心阿明你…」

我：「哈哈，擔心我D乜野？」

Yui：「二家姐係咪…Sorry啊我真係唔知道二家姐無講比你知架…如果我知道你係唔知道的話我一定會即刻話你知呢件事…」

Yui莫名其妙咁喊起上黎，我都唔知道可以俾咩反應好，只好先抱住佢。

真係傻豬黎既，做咩怪自己啫，都唔係你既錯。



我：「無事啊Yui，我無事，二家姐都無事，所以你唔好喊啦。」

我一邊講一邊摸Yui個頭安慰佢，希望等佢可以平靜落黎。

呢招真係萬試萬靈，Yui好快就收聲唔喊，只係雙眼仍然通紅，但係好靚。

Yui：「真係…無事？」

我：「嗯，無事架啦，我地換個地方先講啦，唔好係二家姐房門口傾計啦我地。」

我一邊講一邊拉住Yui行去偏廳，費事比二家姐聽到。

去到偏廳我就一五一十咁將所有野講哂出黎，Yui聽完之後咩反應都無，就只係呆左咁。

我：「Yui你係咪聽唔明？」



Yui：「唔係…只係…好似好複雜咁，係咪即係到而家都未知道係咩人做架..？」

我：「無錯，我同二家姐都認為阿傑一定唔會就係幕後黑手，真正既幕後黑手肯定另有其人。」

Yui：「咁會唔會好危險架..？」

我：「應該就唔會有事既，你睇下而家有咁多人係度幫緊我，我又點會有事呢？」

Yui：「係咁的話就好啦…」

Yui個樣好似鬆一口氣咁，好可愛，我又忍唔住拖住佢隻手，望住個天花版。

傻妹黎既，咁擔心我都有既。



不過，我好開心啊。講真既，有女仔為我擔心到喊我真係好開心好感動。

Yui：「阿明。」

我：「嗯，做咩呀？」

我繼續望住天花版，好開心咁應Yui。

Yui：「今次件事之後，可唔可以帶我去多一次大牌檔？」

哦？

聽到咁我就將視綫轉返去Yui度，只見佢頭dup dup怕怕羞羞咁。

Yui：「個度D野，好好食… 」

哈哈哈哈！原來係掛住個度D野食！我仲以為咩事添！

我：「可以啊，下次我地要叫到成檯都係野食，咁就咩都試到啦！」

Yui：「嗯！ 」

Yui咁開心真係好啦。

我係咪都應該係時候計劃一下將來呢？諗下第時同佢地幾個去邊度玩邊度食都好吖。

啊不如真係好似之前Ellie講既咁，同佢地去旅行都好喎。

齋諗都覺得開心，真係想咁做，快d搞掂今次件事啦。

Sarah：「阿明！」

做咩咁大聲叫啊，一陣Sarah你又會比二家姐話架啦。

Sarah既叫聲明愈來愈近，最後Sarah就出現左係我地面前。

我：「咁大聲叫我做咩啊，就係想比我睇你呢套新衫？幾靚吖。 」

係啊，Sarah而家著住套今日先買既衫，白tee加熱褲，有少少mk妹feel。

Sarah：「唔係啊！羽晨唔見左啊！ 」