「續寫」無啦啦多左幾個家姐同阿妺: 別擔心
雖然係有少少騷動，不過開放日總算係一片歡樂中結束。
第一次搞呢D event黎講，我地算係超額完成啦我諗。
收返黎既意見絕大部分都係正面，投訴既都只係話開放時間太短之類。
總算搞得好好睇睇…總算。
而家諗翻前晚同阿威講既野，我地果然可以見招拆招，之前咁緊張都on99。
哈哈，我馬後炮真係叻。
Ellen：「阿明，我查過啦，今次派出去既所有邀請卡都無呢四個七星既名。」
我：「唔？Ellen你做乜會…」
Ellen：「Ellie同我講左喇，佢話你肯定會想查下呢件事，所以我同佢咪check下個邀請list先囉。」
我：「哦，唔該你呀，辛苦哂啦，你返去先啦。」
Ellie真係心思細密，居然唔聲唔聲做左咁多野？
Ellen：「叫我返去..？咁呢單野..你有頭緒？」
我：「無啊，但而家唔想諗住，係呢不如今晚你地黎我屋企食飯？你地好似好耐無黎。」
Ellen：「你啊…係咪想一個人査？」
被睇穿了。
Ellen：「你唔想我地擔心？唔洗擔心我地喎，我地係你女朋友黎架嘛，幫你分憂好正常架。」
我：「唔只你地，我仲唔想阿威佢地擔心，至少唔係呢個時候。」
「岩岩先玩得咁開心，我唔想你地咁快又要去為另一件事掛心。」
Ellen：「你啊…點解剩係對人好架。」
我：「可能因為我本身已經夠自私啦，有五個女朋友，所以咪對人好d囉…」
Ellen：「唉！你份人真係吖！過幾日我幫你再查下啦！」
Anna：「你地講完未架。」
Sarah：「我肚餓啦，返去食飯啦，大家姐等緊我地架。」
原來佢地係唔知幾時已經走左入黎，我居然注意唔到添。
不過唯獨Ellie無出聲，只係微笑住咁望我，但係呢個笑容好有力量，好似代表住支持我咁。
Ellie一直以來真係幫左我好多，一直俾到好多好意見好建議我，引領我行。
有佢地係度，其實我好安心，所以我先更唔想佢地擔心。
可能呢D就係愛啦。
我：「好啦！大家一齊返屋企食飯啦，唔知今日有咩食呢？」
咁樣五個人返屋企，好似好耐無試過啦。
最近都好似好忙，大家見都只係係學校度見。
咁樣食返餐飯都唔錯，大家可以一齊開開心心咁食飯傾下計，諗起都開心。
Yui：「阿明你返黎…嗱…」
Ellen：「Hello Yui~我地黎痴餐啦~」
Ellie：「乜你咁樣講野架家姐。」
Anna：「打搞哂啦~~」
大家姐：「咦大家都黎左既？好呀好呀熱鬧D好玩D！快D入黎啦食得飯架啦！」
Sarah：「今晚有乜食啊？我好肚餓啦，今日忙到都無乜點食過野。」
大家姐：「入到去你咪知囉~」
Eh…無人理我既…算啦我都慣架啦…
Yui：「阿明…」
啊！仲有Yui記得我！！超級感動啊真係！！
我：「咩事呀Yui？」
Yui：「點解大家突然間黎哂既..？」
我仲以為Yui佢係問我今日攰唔攰，係咪好多野做之類果D添，結果原來都唔係黎關心我既，唉好傷心。
最後，九個人圍住飯檯坐哂係度，邊食邊傾計，有講有笑。
今次二家姐無講咩食飯唔好講野之類既說話，佢仲同Anna係度密密酙，唔知傾緊D乜。
其他人都係度互相傾計，得我一個無份，搞到我好似搭檯咁。
雖然我地無乜交流，但唔知點解坐係一邊睇佢地傾計傾得咁開心，我自己都會開心埋一份。
好似Ellen拎今日自己同咩CNBLUE既合照比大家姐睇，兩條友睇到鬼死咁興奮，我睇到都開心埋一份。
最近既自己真係有D奇怪。
由於聽日唔洗返學，所以佢地三個食完飯都無即刻走，繼續留係度傾計，仲玩下好耐無玩既大富翁咁。
可能因為呢兩日玩得好開心，佢地玩得特別投入，係咁大嗌，如果係住一般樓，肯定已經被人投訴左十世。
我對呢個game已經玩到厭，所以我又係無參與，最多只係坐係yui旁邊幫佢做下banker咁。
但由於佢地玩大富翁實在太勁，個局面長期都處於膠著既狀態，一個game玩左好耐都分唔出勝負，我同Yui悶到幾乎訓著。
我再坐多一陣終於忍唔住，決定行開一陣，出去吹下風，轉個頭再返黎睇下佢地既勝負。
行下行下，回過神黎果陣我已經行左去泳池，我都唔知點解自己會行左黎呢度。
不過，我係呢度見到一個人，二家姐。
二家姐佢坐左係泳池邊，好似若有所思咁望住個池底。
我唔知邊度黎既勇氣，行左上去。
二家姐好似都注意到我既存在，但係望都無望過我，繼續望住個池底。
二家姐：「坐啦。」
我：「哦哦..」
點解有櫈唔坐，係都要坐池邊？
我無問出口，因為我怕比人鬧，我只係默默咁坐底，睇下二家姐有乜想同我講。
二家姐：「你覺得今日七星去你學校既事有古怪？」
咁直接講出黎，我真係嚇左一跳，不過二家姐點解會知道呢件事？
二家姐：「頭先Anna同我講哂啦，你又搞到好大件事咁喎。」
我：「eh…可能係啦，我打左佢一拳咁囉。」
二家姐：「你打左人？Anna佢無同我講喎！
」仆街！原來二家姐唔知架？唉屌！講錯野添！
二家姐：「咁你打左邊個？阿天定阿信？」
我：「eh…阿天喇當然，我都無同阿信嘈…」
二家姐：「好！打得好！我一早就睇佢唔順眼！
」二家姐突然由好cool變到好興奮，好似尋日係開放日玩射靶果陣咁。
我見到咁忍唔到笑左一聲，佢都好似注意到自己既變化太大，咳左兩聲，之後即刻變返正經樣。
二家姐：「唔理你過程做左d乜啦，你係咪覺得件事有古怪先？」
我：「其實係，查唔到來源既邀請卡，邀請既對象偏偏就係四個七星，好似太巧合。」
二家姐：「所以你覺得係有人係背後做緊野，想破壞個開放日？」
我：「嗯..我諗極都唔明點解對方要咁做，佢可以寄得出邀請卡，即係佢都係聖所羅王既人啦？點解會想破壞開放日呢個普天同慶既日子…」
二家姐：「你咁講都有道理，所以對方好有可能其實唔係針對個開放日，而係針對你。」
我：「針對我？點解要針對我？」
二家姐：「咁我就唔清楚啦，不過偏偏係請七星黎呢點就真係好似係針對你。」
我：「或者可能係我多心啫，應該唔會既。」
「可能係因為最近發生得太多事，我先會疑神疑鬼咁啫。」
「堆敵人…可唔可以叫敵人呢？一個接一個咁黎，先係阿偉，之後就阿傑，而家又入埋七星，好似無停過咁。」
「到而家安定左少少，出左少少意外我就覺得係有陰謀，可能係我太敏感啫。」
我好似講到1999咁，唔知二家姐聽唔聽得明呢？
我講完就將視綫由池底轉過去二家姐度，發現佢原來一直都拓住個頭望住我。
我：「eh…係咪有咩事？」
二家姐：「無，估唔到你突然成熟左咁多啫，係咪中二病已經過左呢？
」我：「哈哈…係咩…
」屌，我都唔知比咩反應你好啦…
二家姐：「所以你而家打算點做？咩都唔做？」
我：「eh…或者再查下囉，真係查唔到D乜既咪放棄囉。」
二家姐：「嗯，我知道你怕佢地擔心你，不過有乜唔怕同我講，我唔會話比佢地知。」
我：「好，多謝二家姐。」
二家姐：「唔洗，你返去啦，佢地等緊你，我自己再係度坐一陣先。」
我：「哦。」
講完我就轉身走人，返去搵Sarah佢地，發現佢地已經玩完大富翁，仲準備走。
我：「咁星期一學校再見啦我地。
」Ellen：「唔洗星期一，星期六我地就可以見啦。
」我：「唔？點解？你地星期六黎玩？」
Ellie：「唔係吖阿明，星期六有個party，我地全部人都要去。」
吓？又有Party？唔好啦掛！