「續寫」無啦啦多左幾個家姐同阿妺: 安心
跟我？？
我：「跟我係咩意思，你想講咩野。」
A：「吓..即係認你做大佬..你話咩乜我地咪做乜囉..」
「大佬」呢兩個字老實講我聽到之後開心左兩秒，但我既記憶好快就大巴大巴咁摑醒左我。
我之前已經做錯過一次，今次如果我應佢地既要求，做佢地大佬的話，我怕自己又會唔知做出d乜。
上次佢地咁多個肯原諒我已經可以算係奇蹟，我唔敢再犯同樣既錯誤。
學二家姐話齋，我輸唔起，我一輸就會咩都無哂。
我唔想變到得返自己一個。
我：「你地可唔可以話我知你地叫咩名先。」
A：「我叫Anson。」
B：「我叫Barry。」
C：「我叫Carl。」
嘩屌你真係ABC三個。
我：「咁，Anson，Barry，Carl，對唔住，我唔可以做你地既大佬。」
Anson：「吓點解呀係咪我地做左d乜你唔滿意我地。」
我：「唔係，無d乜既事，而係呢間學校已經唔同以前，唔再需要咩大佬。」
「阿偉阿傑既時代已經結束左，你地唔洗再做人地既手下。」
「而家所有既同學既地位都係平等既，大家都要守校規，呢個係我地Knight一直做緊既野。」
Anson：「咁…」
佢地聽完之後個樣好無助，好似唔知點好咁。
我：「雖然我唔可以做你地大佬啫，但做朋友絕對無問題。」
我滿面笑容咁同佢地講，希望可以舒緩佢地既不安。
果然，笑容呢招非常有效，佢地個樣放鬆返。
Anson：「咁好啦，明哥..」
我：「叫我阿明得喇，你地大過我架嘛，應該我叫你地做哥先岩既。」
Anson：「唔好唔好，我地受唔起，咁阿明，好高興你肯同我地做朋友，第時有乜要幫手即管講。」
Barry：「無錯，我地一定會幫手。」
Carl：「隨傳隨到添吖我地。」
我：「咁我係度多謝你地先啦，我都好開心多左三位朋友。」
Anson：「哈哈，我地唔阻你時間啦，我地走先啦。」
我：「好，ByeBye。」
我揮住手目送佢地出去，呼，有驚無險吖真係。
幾乎同一時間，Anna行返入黎班房。
Anna：「咦佢地黎做咩？
」 我：「哦，佢地係..」
阿惠：「哇頭先阿明佢幾型吖，咁樣咁樣咁樣..」
阿惠將頭先發生既事全部講哂俾Anna知，當然，誇大左唔少。
Anna：「叻仔喎阿明，記得以前既教訓。
」 啊，一下就比Anna睇穿左我心裏諗乜添。
之後鳩下鳩下就到lunch time，屌時間過得真係好快，又要諗食乜好。
我：「喂今日食乜好呀我地？又買野返上天台食？」
Anna：「你上去天台等我地啦，我地出去幫你買埋咪得。」
我：「吓唔洗啦大家一齊出去買咪仲好。」
阿威：「你咪仲有一堆野要簽既，趁而家拎上去簽啦，唔通你想放學仲留係度簽呀？」
我：「係喎屌，都係你醒目，咁麻煩你地，我食..」
Anna：「你食乜由我決定，唔準有異議，行啦我地。」
Anna講完就帶住阿威阿惠走左，得返我一個。
嘩如果佢咩都唔買返黎我咪要食風？
打唔打比Sarah叫佢買定少少野比我食當買個保險好呢？算啦都係唔好，費事一陣Anna見到又唔開心。
我首先落左去學生會室拎左一疊文件先，之後就慢慢行上去天台。
行到去天台門口，都已經無左半條人命，屌拎住咁大疊野我做乜唔搭lift，on99。
我推開度門，準備搵個位放低堆野一邊簽一邊等佢地三個。
一入到去，就見到有兩張長檯同櫈係度。
咦，新野黎架喎，佢地係我無返學果陣加架？
咁都唔錯喎，以後上黎食飯都唔洗坐地下。
唉唔好再諗咁多野，都係開始簽野最實際，再唔開始我怕下世都簽唔哂。
我開始一個人係天台埋頭苦幹，不停咁重複簽名呢個動作。
唔覺唔覺我已經簽左一堆，但佢地仲係唔見人。
個肚已經餓到鼓鼓聲，天台仲要凍喎，完全係飢寒交迫。
啊，快d搵人黎救我。
咁我而家又無野好做，唯有繼續簽簽簽去分㪚自己注意力。
簽好哂拎上黎果堆野果陣，我終於聽到門果邊傳黎人聲，仲要好嘈。
「快D啦我好肚餓啦。」
我忍唔住坐係度對住道門大叫，因為真係好餓。
「唔好意思吖要你等。」
咦咪住先呢把聲係…
我出於好奇，探頭望一望度門，因為我認為呢把聲唔應該係呢度出現。
同一時間，有個女仔行左出黎。
我：「點解你會係度…」
我直接講左出黎，因為真係太過出奇。
個女仔，係Yui。
一時三刻真係唔知由邊度講起好。
Yui佢著住我地校服，捧住一袋野，係呢度出現，大慨就係咁。
「唔好企係度啦，快D行出去啦。」
咦呢把聲係Sarah？
好快，我就見到一班人係Yui後面行左出黎，係Sarah佢地，成個天台突然多左一堆人。
我：「Sarah，點解Yui會係度既…」
Sarah：「為左慶祝你返返學，Yui專登整左個飯盒比你吖。」
「我見橫掂都係囉，咪借埋套校服比佢，等佢可以親手黎交比你囉。」
我：「哦…原來如此。咦咁Anna你又話買野返黎比我既？」
Anna：「咁去接Yui都要時間架，咪唯有呃你上黎先囉。」
哦…原來大家都知道既，得我一個唔知。
今次真係一個大驚喜啦，完全估唔到Yui會係度出現。
不過我真係第一次見Yui著校服既樣，好可愛好靚。
比起平時著既女僕裝，好似校服更加適合佢，雖然各有各好。
Ellie：「喂阿明唔好眼甘甘咁望住Yui啦，又話肚餓？仲唔快d拎d野食出黎？」
大鑊，俾Ellie發現左添。
我：「係係係，而家去而家去。」
我急急腳咁走去Yui度接過佢手上袋野，仲唔小心咁掂到佢隻手仔。
我：「多謝你啊，個飯盒我一定會好好咁食哂佢。」
Yui：「嗯！我唔知阿明你鐘意食D乜，所以我揀左我最拿手既野，希望你岩食。」
我：「淨係你呢份心意，咩都會變得好食啦，黎啦我地一齊去食。」
我一邊講一邊帶Yui去長檯果邊，開始拎D野食出黎。
哇原來Yui都煮左唔少野，可以擺到成檯都係。
阿惠：「你就好啦明哥，有靚女煮咁多好野比你食。」
阿威：「係囉分d黎益下兄弟啦。」
我：「唔得，我要一個人食哂佢。
」
無錯，Yui對我既心意，我又點可以分享比其他人？自己食哂先係尊重Yui。
Ellen：「好啦唔好講咁多啦，大家一齊飲杯賀一賀佢先啦！
」
大家聽到Ellen咁講之後都紛紛舉起杯。
大家：「飲杯！
」
大家之後食下飲下係天台吹下水，特別開心。
而我，就特別安心。
有一班好朋友係自己身邊真係好，完全唔會擔心之後會發生咩事，只會想享受而家呢刻。
Yui佢著住我地校服，捧住一袋野，係呢度出現，大慨就係咁。
「唔好企係度啦，快D行出去啦。」
咦呢把聲係Sarah？
好快，我就見到一班人係Yui後面行左出黎，係Sarah佢地，成個天台突然多左一堆人。
我：「Sarah，點解Yui會係度既…」
Sarah：「為左慶祝你返返學，Yui專登整左個飯盒比你吖。」
「我見橫掂都係囉，咪借埋套校服比佢，等佢可以親手黎交比你囉。」
我：「哦…原來如此。咦咁Anna你又話買野返黎比我既？」
Anna：「咁去接Yui都要時間架，咪唯有呃你上黎先囉。」
哦…原來大家都知道既，得我一個唔知。
今次真係一個大驚喜啦，完全估唔到Yui會係度出現。
不過我真係第一次見Yui著校服既樣，好可愛好靚。
比起平時著既女僕裝，好似校服更加適合佢，雖然各有各好。
Ellie：「喂阿明唔好眼甘甘咁望住Yui啦，又話肚餓？仲唔快d拎d野食出黎？」
大鑊，俾Ellie發現左添。
我：「係係係，而家去而家去。」
我急急腳咁走去Yui度接過佢手上袋野，仲唔小心咁掂到佢隻手仔。
我：「多謝你啊，個飯盒我一定會好好咁食哂佢。」
Yui：「嗯！我唔知阿明你鐘意食D乜，所以我揀左我最拿手既野，希望你岩食。」
我：「淨係你呢份心意，咩都會變得好食啦，黎啦我地一齊去食。」
我一邊講一邊帶Yui去長檯果邊，開始拎D野食出黎。
哇原來Yui都煮左唔少野，可以擺到成檯都係。
阿惠：「你就好啦明哥，有靚女煮咁多好野比你食。」
阿威：「係囉分d黎益下兄弟啦。」
我：「唔得，我要一個人食哂佢。
」 無錯，Yui對我既心意，我又點可以分享比其他人？自己食哂先係尊重Yui。
Ellen：「好啦唔好講咁多啦，大家一齊飲杯賀一賀佢先啦！
」 大家聽到Ellen咁講之後都紛紛舉起杯。
大家：「飲杯！
」 大家之後食下飲下係天台吹下水，特別開心。
而我，就特別安心。
有一班好朋友係自己身邊真係好，完全唔會擔心之後會發生咩事，只會想享受而家呢刻。