毒L溝女記[遇上補習老師]: 上門補習

「得啦，知啦。」
我當佢講野係耳邊風，所以只係敷洐應左句。
佢把滔滔不絕嘅嘴繼續講
「死衰仔，成日都得個知字，你睇下隔離屋陳太個仔幾用功溫書，你學到佢一成都話你叻啦。」
「唔好同佢比，佢還佢，我還我，河水不犯井水。」
因為我自知唔係讀書嘅材料，所以我唔太鍾意啲讀書人，每次見到啲讀書人懶係勁嘅樣，我都會露出鄙視嘅眼神。
「你成績咁差，不如補習啦。」
「唔去，唔想成日行。」
因為我唔想開門見山俾老媽子知道我係個咁唔鍾意讀書嘅人，所以我求其講左個藉口。
「唔想成日行係咪?咁上門補習囉。」


我終於忍唔住講出心底話:
「都話我唔想補習唔好再提補習，我識自己自習，就睇埋呢排成績點先，話唔定我會大有進步。」
當然自習只係一個藉口，我邊會咁有耐性。
「好!就睇下點。」
就咁我繼續如常翻學，朝八晚四，簡直就好似無得出糧嘅上班一族。
所以我成日都好鍾意一首歌詞「你快樂過生活，我拼命去生存。」好岩我地。
翻學繼續面對港女bobo姐每日以「屌」字開頭黎同我打招呼。
坐我隔離鹹鹹濕濕嘅豪哥繼續向我灌輸av世界嘅苦與樂，亦經常一齊係櫃桶研究女姓身體結構。
上中文堂就算飲定咖啡都可以被催眠訓著。上英文堂就好似去左個世外桃園，一句都聽唔明。數學堂就好似去左個人間煉獄，因為係林sir教數，堂堂都搵野黎屌鳩我，專門針對我。
無幾耐一個月過去，我測驗成績的確差到一個點，科科都幾乎炒晒。


我個人就無咩問題，但老媽子對眼就好似發左光咁，好似知道發生左啲事
「喂，衰仔，你成績好似差到一個點喎，你仲記唔記得啲野?」
「記得啲咩?」
「你話過成績差就搵人上門補習。」
仆街，真係無唸到老媽子一把年紀但記性仲咁好。
「係咩?唔好搵住，再睇多我一排先。」
「唔洗搵藉口啦，我已經幫你搵左，聽日放學佢就會黎。」
老媽子真係聰明，竟然係我拒絕前已經幫我搵定，我無野好講。
「吓......」
「聽日記得準時翻屋企。」


我完全無心理準備聽日就會有人上黎同我補習，我眼中嘅上門補習個老師一定係嚴到仆街，粒聲都唔俾你出開OT，悶到蚊訓。
不知不覺我望下鐘已經深夜，準備訓覺。但我唔係點訓得著，我為聽日上門補習嘅事既開心又煩惱，心唸如果係黎個女仔就唔同晒，但我期盼千奇唔好係「阿禪」。
第二日放學，我急急腳咁行翻屋企。翻到屋企，原來個補習老師仲未到，我坐係度拎部手機出黎玩左陣。突然聽到有人禁門鐘響，老媽子去開門，我心跳加速，究竟嗰個人係點樣男定女。佢入到黎鐵閘關翻埋。
「你好!」
老媽子竟然講野咁慈祥，少見。
「你好!」
我聽到一把甜美嘅女聲，係女仔，我都嚇左嚇。佢係老媽子前面遮住左睇唔到樣，所以只係聽到聲。
補習老師繞過老媽子行過黎，終於見到佢成個人，我見到佢樣後心跳更快。
眼前境象令我差啲流鼻血......好索......！