毒L溝女記[遇上補習老師]: 開學日

今日係暑假嘅最後一日，中四就咁完左。一條毒L就咁hea完左一個暑假，女?唔好問，緊係無。
成績唔太好，又唔太差，至少唔會留班。開學第一日，懶訓嘅我當然唔知醒，成7點45先起身。我即刻以打飛機嘅速度彈起、換衫，牙都無刷面都無洗，早餐當然唔洗講。
落到街車都無多部搭，窮撚一個嘅我當然唔會打的，唔唸咁多跑翻學校算，好彩距離學校亦唔算太遠。我以9秒9速度係街上穿插，周圍d人啤住我心唸：「條傻仔翻學要跑咁on9嘅。」
去到個仆街紅綠燈位，岩岩紅燈，屌柒佢等咁耐都未轉燈，淨翻3分鐘終於轉燈，我即刻衝過去。
經過一輪終於入到課室，時間岩岩好，我見到我唯一朋友豪哥單獨坐係中間坐位，我行過去同佢坐。
因為今日係開學第一日，所以位可以亂坐。
我坐落黎之後，我同佢hi左聲，久未開聲嘅豪哥即刻話：「哇，你咁撚臭嘅，食左屎黎呀。」
我即刻唸翻起我今日無刷牙：「係呀，食左屎，一唔一齊。」
「點呀，最近溝唔溝到女，介紹個俾我識。」豪哥靠過黎細細聲同我講，
佢嘅突如其來一問令我嚇左嚇，心唸：「都話明我係毒L何來有女溝，你係咪on9左。」


「溝唔到呀，做咩?」
豪哥奸笑咁話：「無，我想黎翻場轟轟烈烈嘅愛情。」
出名衝動性欲強嘅豪哥，如果俾佢有女一黎就獸性大發條女就實俾佢玩謝，加上佢戰鬥力咁高，幾豪放嘅女都無用。
「好呀，等我有女先」
無幾耐，有個阿sir入左黎。仆街原來今年係出名經常針對我嘅林sir做我地班主任。
經過一輪選崗位，無風無浪咁終於到小息，林sir臨走前同我講
：「今年醒醒定定識do啲啦，唔好再俾我抓正你。」
我無理佢亦都無響佢，費事嘈一餐。之後佢行走左。
突然我聽到後面有把女聲串我
：「睇條on9仔成績差到谷底，操行又差到仆街，望條撚樣今年又會俾林sir抓獲金啦。」


我入課室完全無留意，原來出名正宗港女bobo姐都係我地班，見佢又矮又肥又嘴賤，成個摟抽樣表露無遺，成個暑假佢增肥左唔少。真係唔可以怪人去打獲金佢，當然呢啲人我緊唔會專登耶佢，所以我只係擰轉頭扮下惡
：「關你春事咩。」
bobo姐聽到我把雄壯嘅聲線嚇左嚇亦唔敢再講，證明原來大聲講野係有用。
「同到呢條仆街港女一班，真係黑仔。」坐係隔離嘅豪哥亦身同感受咁講。
雖然我好憎眼前嘅bobo姐，但佢都令我覺得好羡慕，就係佢咁嘅身材，如花嘅樣貌，賤到仆街嘅嘴竟然都會溝到仔，再一次證明呢個世界係幾咁唔公平。
曾經我聽過一句名言：你的樣子如何，你的日子也必如何。我認同呢句名言，所以相信bobo姐條仔一定係重口味嘅人。
風平浪靜嘅一日就咁過左，終於等到放學。返到屋企又要面對一輪嘴嘅老媽子，返到無幾耐就話：「好心你溫下書啦，中五架啦，你係咪唔想考大學做成世蛀米蟲？」