毒L溝女記[遇上補習老師]: 英雄救美
我再次上到彤姐屋企。
「叮咚......」
我禁左下門鐘。
冇幾耐伯母開左門。
「乜原來係你個死仆街!原來就係你條仆街搞左我個女。」
伯母一開門就係咁屌我，我即刻俾佢把宏偉聲線嚇親。
「我...唔係啊...我只係佢嘅一個學生咋...誤會...」
「誤會?咁你今次上黎搵邊個?」
「我...」
正當我想繼續講時我聽到屋內有爭紮聲傳出。
「唔...唔......」
啲聲就好似俾人用膠紙封住左個嘴。
「我上黎搵張倩彤個妹嫁。」
我心知不妙即刻改口。
「屌你老味搞完我個大女仲想搞我個細女!你走唔走你唔走我劈撚死你。」
「不好意思伯母咁我走啦，煩到你真係唔好意思...」
我開始確信屋入面肯定有內情，彤姐肯定係入面，我唯有諗個辦法入佢屋企視察一下。
到左夜晚11點，
伯母開門出走廊倒垃圾，然後我立即從防火門裡出黎偷偷溜入彤姐屋企。
因為倒垃圾過程只需極短時間所以我行動一定要迅速。
入到屋內只見滿地雜物，而眼前出現左一個令我驚嚇嘅情境。
彤姐手手腳腳被綁住左，眼同嘴都俾黑色封箱膠紙封住，上身衣衫破爛，而下身只著住條底褲，至於手手腳腳亦都佈滿大大小小嘅傷痕。
「阿彤...點解你會咁樣!?我依家即刻幫你鬆綁救你出去。」
我即刻將封住彤姐嘅膠紙撕開然後迅速解繩。
只見彤姐已經好虛弱，我扶住佢起身離開。
正當我扶住彤姐一步一步接近門口處，
「你條仆街岩先我已經唔俾你搵人，你依家竟然想偷偷帶走我個女，我要劈撚死你。」
講完之後伯母拎左把菜刀擋住個門口指住我。
「你夠膽就帶我個女走。」
「身為一位阿媽你竟然咁樣對待你個女，我唔理今晚我一定要帶走佢。」
「屌你老味我劈撚死你。」
然後伯母好似發左癲咁行過黎劈我，手起刀落。
當佢劈落黎我身體即刻向左閃，然後我一隻手抓住佢拎刀隻手，另一隻手大大力係佢背脊推開佢，伯母馬上跌左落地板。
「彤姐機會黎我地走。」
我拖住彤姐隻手鳩衝出門口。
然後我帶彤姐入左防火門暫避，再落一層樓梯以防伯母追上，我估計伯母應該唔會咁快追上。
當我地落左16樓，彤姐終於撐唔住暈左行唔郁。
「阿彤...阿彤唔好嚇我啊!我帶你去醫院。」
然後我狽住彤姐出防火門係16樓搭lift，估計呢層應該安全。
「阿彤你一定唔可以有事。」
搭lift落到大堂後我即刻衝到保安度。
「保安快啲報警，17樓有個阿媽非法禁錮自己個女岩先仲想斬佢，好彩我依家將佢救左出黎。」
樓下保安見事情危急加上見到彤姐處處傷痕暈左就即刻報警然後叫左幾個保安上去。
「你將佢放係地下先警察已經黎緊我地會睇實佢，唔洗擔心。」
「俾條大毛巾我我要幫佢鋪住...」
冇幾耐就聽到警車聲。
救護擔架首先入左黎，連同幾個救護員，然後將彤姐抬上擔架運上救護車。
而警察亦紛紛上樓了解。
我陪同救護員一齊上救護車，務求時時刻刻都要守候住彤姐。
黎到醫院我就俾警察抓左去錄口供，其間我見到伯母都被警察抓住左，手上塔住手扣。
錄完口供我即刻趕翻去醫院探望彤姐......
「阿偉...偉仔，你點解會係度?你唔洗返學咩?」
我趴係彤姐張病床瞓住，彤姐用柔和嘅聲線問候我。
「阿彤...你終於醒啦!?你知唔知你已經瞓左1日依家已經黃昏，我真係好好好掛住你啊。」
見到彤姐起身我感動到即刻攬住佢，眼淚又開始流下。
「偉仔...我都好掛住你，我以為我以後都再見唔到你。」
彤姐亦開始流下眼淚。
「你唔會見唔到我，因為我幾時都會係你身邊，我呢幾日都聯絡唔到你已經心知不妙所以我決定再次黎搵你。」
「阿偉咁我咪搞到你今日翻唔到學?」
「唔緊要我已經請左假。」
「阿彤，究竟呢幾日發生咩事?」
「呢幾日...?我唔知啊我乜野都唔知。」
一提起件事彤姐立即驚到縮入張披。
「究竟發生咩事啊，有咩事唔怕同我講嫁，我真係好擔心你。」
「我唔知啊乜野都唔知。」
彤姐大叫，我第一次見彤姐驚到咁。
「好啦，既然你唔想講我唔會逼你講，我會繼續陪住你。」
睇黎今次彤姐受嘅傷害好大，我都無謂再刺激佢，只好俾佢冷靜下。
夜幕來臨，圓圓嘅月亮升上半空。
「阿偉，你返去先啦聽日你仲要返學唔好再請假啦。」
彤姐終於開口講野。
「咁你呢?我仲要陪住你照顧你直到你出院，我好驚再失去你，我唔可以冇左你嫁。」
「知道你關心我啦豬仔，醫院咁安全冇人會傷害到我，況且我依家傷緊點會出到院。」
「咁好啦，但你要應承我一定要好好休養，我聽日放學再黎探你。」
「知道啦你返去先啦，我愛你。」
「嗯，我都愛你。」
第二日放學，我即刻跑去醫院，驚死見少彤姐一刻就會離開我。
「阿彤!!」
我打開彤姐所住嘅房門。
「偉仔...做咩事啊咁急嘅你。」
「原來你仲係度，幾驚你會好似電視劇咁離我而去。」
「傻啦，我話過唔走就唔走。」
「阿彤我好掛住你，見少你一刻都唔得。」
我放低書包攬住彤姐。
「偉仔，我都好掛住你...但你有冇發覺你個身有啲臭haha。」
彤姐終於識得講笑。
「啊，你依家嫌棄我啦下話。」
「你成身大汗的確臭嘛。」
「話我臭等我吱死你先~」
「haha，唔好吱好癢...haha。」
第三日放學，我返屋企拎左啲湯去醫院。
「阿彤。」
「偉仔你今日遲左喎。」
「阿彤你睇下我拎左壺冬瓜湯俾你潤一潤。」
「你煲嫁?」
「係啊，係我為你獻上嘅愛心湯水。」
「等我餵你啦。」
「唔洗，我自己黎，我已經好左好多啦。」
「又幾好飲喎。」
彤姐開始試第一口。
「當然，紹偉出品，必屬佳品。」
「係咪嫁，咁我日後都要繼續品嚐嫁啦，你唔可以唔煲俾我飲。」
「冇問題，飲到百頭到來仲得。」
「聽住先啦。」
望住彤姐慢慢品嚐我嘅愛心湯真係由頭甜到落腳趾弓。
第四日放學，我如常去到醫院。
「你好啊張......」
入到間房發覺彤姐唔見左，而只見到彤妹企係病床隔離。
「我之前都未自我介紹，我叫阿欣。」
「你家姐去左邊?」
「佢已經出院。」