毒L溝女記[遇上補習老師]: 從此失蹤
離開TINA屋企後我係條街狂奔。
「電話暫時未能接通，請遲啲再打過黎....」
我已經打左3次俾彤姐但都冇人接聽。
所以我決定上彤姐屋企搵佢，我一定要解釋清楚件事。
呢刻嘅我個心十分之痛，諗到彤姐就咁就要離開我，兩人嘅幸福亦要到此終結，
眼淚滲滿眼框開始流出，腦海只有我同彤姐開心嘅經歷。
「張倩彤...你...一定唔可以離開...等我上黎。」
內心一直重複着呢一句。
「叮噹。」
我禁響彤姐屋企門鐘。
隔左一陣木門打開，屋內有個中年女人露出個頭。
「你係邊個?黎搵邊個啊?」
因為佢只係將木門打開左小小所以我根本觀察唔到屋內嘅情況。
「我...我係張倩彤嘅學生，想搵張倩彤...」
「佢唔係度啊，你走啦。」
「砰!」
講完後個中年女人立即關左棟門，想必佢就係伯母。
「我未講完嫁伯母...」
伯母冇再開門，走廊頓時間變回寧靜。
睇黎彤姐呢次真係好嬲我。
「唔通因為咁阿彤同佢媽講唔想見我?定根本佢連見都唔想見到我?」
一切盡在疑問之中。
我只好打道回府之後再嘗試聯絡彤姐。
返到屋企我只見老媽子已經返左黎。
「阿仔你返黎啦，你又去左FD屋企過夜?」
「嗯。」
「係呢，呢排個補習老師教得你好唔好?」
「幾好呀!」
「同埋呢三個月我唔係度嘅日子間屋整齊左好多喎，睇唔出阿仔你都幾識打理。」
緊係啦，彤姐經常都黎住唔整齊就難啦，不過睇黎彤姐以後都唔會再黎......
「嗯，獨立嘛，係你教我嘅。」
講完我入房關埋棟門。
我再次嘗試CALL彤姐，但一而再再而三都係呢句說話:
「電話暫時未能接通，請遲啲再打過黎.......」
彤姐啊快啲聽我電話啦。
然後我見打電話呢個方法唔奏效，就開始WHATSAPP佢。
「阿彤，件事唔係你諗嘅咁嫁...」
單TICK。
「琴晚我同TINA劈酒劈醉左......(上刪100字)我醒翻就發現我係TINA屋企。」
單TICK。
「我完全唔知琴晚醉左發生咩事嫁。」
單TICK。
「我知件事係我錯，我一早就唔應該同一個女仔去飲酒，但希望你信我。」
單TICK。
「我真係估唔到TINA會做啲咁嘅事，竟然會影佢同我嘅床照SEND俾你黎陷害我。」
單TICK。
「你要信我啊，我真係好愛你，如果我當時清醒絕對唔會做出呢啲違背道德嘅事。」
單TICK。
「你仲記唔記得我地當初講過我地要互相愛住大家，唔會分開，要幸幸福福咁生活落去。」
單TICK。
「阿彤你講下野啦，我冇左你好難繼續生活落去。」
單TICK。
呢一晚我向彤姐講左好多野打左好多字，但每一句對話都只換來一個單TICK。
星期一又到，繼續忙碌嘅返學日子。
「TINA，放學老地方見，我有啲野同你講。」
「好啊，你係諗通左同我拍拖定想約我出黎打鳩我?」
「你唔好理咁多，總之我有野同你講。」
我好嚴肅對TINA講野。
唔知係咪彤姐嘅關係呢幾日我都好頹，就連今日返學亦不外如是。
豪哥撩我傾計講笑但我唔再覺得好笑以及只係hea佢幾句;
林SIR屌鳩我我冇駁嘴，完全聽唔入耳，
總言之全日冇一刻係笑過，面無表情。
叮噹叮噹...叮噹叮噹...
放學嘅鐘聲響起。
我執好書包就同TINA一齊行去學校附近個公園。
到達公園，我同佢搵左個隱蔽嘅地方坐住，免得俾人見到引人猜想。
「叫我黎做咩，有野就講。」
「你究竟對佢做左啲咩，我幾日我都聯絡唔到阿彤。」
「我做左啲咩?我淨係SEND左我同你嘅床照俾佢咋。」
「你知唔知我個心有幾痛，阿彤就好似我嘅至親，冇左佢你叫我仲點樣繼續生活落去。」
我激動到企起身，眼淚不由自主地開始流下。
「唔緊要嫁，你仲有我，仲有我愛你，你冇左阿彤都仲可以好幸福咁生活落去嫁。」
呢個時候TINA用紙巾為我抹眼淚。
「你死開啦，我同你根本冇可能係埋一齊，你唔好再死纏爛打好唔好啊!」
我一手推開TINA跌倒落地下。
「我究竟邊度唔夠佢好，講樣我同佢差唔多靚，講身材我又同佢差唔多，想溝我嘅人由觀塘排到尖沙咀，個個都話我細心好識關心同照顧人。」
「係班毒L入面個個都讚我係佢地夢寐以求嘅極品好女友，以咁樣睇我內涵、性格都勝過佢啦。」
「講到鍾意，其實我一早已經鍾意左你，當然我都唔知點解會鍾意你呢條毒L，可能覺得你夠傻氣，明明有咁多人爭住溝我但我就係鍾意你一個。」
「到我得悉你有女之後，我唯有佈個局黎拆散你，然後你就歸我所有。」
「但點解你都仲唔肯同我一齊，點解!?」
TINA跌倒落地下後發左癲咁一輪嘴係咁講，亦激動到喊左，
我第一次親眼見TINA為情可以去到咁盡，而呢個人竟然係我。
「有時唔係你一句鍾意就可以奪走一切，有啲野唔係你好過人你就會做羸家，唔係樣樣野都要比較嫁你知唔知。」
「我同阿彤係睇心嫁，我個心淨係容得落佢，我同佢經歷過幾多風風雨雨你又知唔知。」
雖然我好激動，但道理多多少少都要講啲。
「我唔知，我淨係知我鍾意你、我愛你，我點都要擁有你。」
TINA企起身。
「我唔理，總之如果阿彤有啲咩事我一定搵你算帳。」
「成日都你條女，你知唔知我真係鐘意左你好耐啊，我真係好撚憎你同你條女一齊，我好妒忌啊!」
TINA嘅呢句說話我隱隱約約好似係嗰晚飲醉之後聽過。
「我記起啦，嗰日我飲醉酒聽唔清你講乜原來你就係講呢句。」
「係啊!我就係妒忌你地一齊。」
「你好自為之啦。」
講完之後我馬上離開，剩低TINA繼續留係公園哭泣。
究竟彤姐發生咩事，點解我呢幾日連佢一點音訊都冇，
唔通佢真係出左咩事，究竟關唔關TINA事，
我一定要查清楚務求搵到彤姐。