《無期》: 第二章 協力3

「吓，做咩啊？」

「妳頭先玩完雀冇洗手，唔好掂我啊。」

Sam面色一變，剛剛那一巴豈不是…

「頂你！」

Summer企後了兩步說：





「如果係真既話，咁我地要準備防禦屍潮先得。但係真係假啊？啲喪屍真係有智慧咩？」

光：「佢係話有“人”控制佢地，而唔係啲喪屍叻咗，咁即係我地要面對一隊有無數炮灰既軍團。而且佢講既好有可能係真。」

Mandy：「你覺得同之前喪屍群減少有關？」

光：「係，可能有人製造緊一支喪屍大軍出嚟，而且已經成形規模都唔細。另外佢地既行為好值得研究一下。有冇留意到佢話俾喪屍捉到，但喪屍冇咬佢，所以先救得番。」

Sam：「我知喇！佢講大話！」





光：「頂！你個腦生喺條J度？諗下啦，喪屍捉佢地既目的係咩？」

Sam：「頂！原來喪屍鍾意男人，仆街喇，肥佬佢都啱。我咁靚仔死緊啦！我好危險啊！」

光憤怒了，和白痴說話實在辛苦，忍不住怒氣一巴車了過去。

Sam：「頂！你又打臉！」

Summer：「光哥，頭先Mandy都係打左臉㗎。」





提醒完光哥後，他再次後退了一步。

強忍怒氣，邊抹手邊說：

「一般嚟講你有咩原因會捉人？」

Summer：「老笠！」

Sam：「強姦！」

光：「Sam，你走啦，我唔想攪大件事。」

Sam：「你問我先答咋嘛。好，我唔出聲啦，你地傾啦，唔洗理我。」

收回緊握的拳頭，光繼續說：





「捉人通常都係對方有你想要既野，咁佢地身上有咩最有價值？現世有咩最值錢？」

Mandy：「能力！喪屍想要佢地既能力！」

光：「冇錯！所以先要活捉。之前我地哩度咁少喪屍就係俾“佢”徵召咗，所以突然壓力細咗咁多，但咁樣最多只係收攏到低級既兵力，而家“佢”開始捕捉異能者，係準備升Level。升完level好可能就到攻城階段。」

Summer：「情報對一支軍隊都好有用，捉佢地都好有可能係想要情報㗎喎。」

光：「黑色既手，藍色既火焰，你地諗到啲咩？」

Mandy：「能力同火手有啲似，你懷疑嗰隻屍就係佢？」

光：「好有可能係。team 1好可能俾喪屍捉咗，改造或者食咗。而家唯有希望team 2冇事啦。」





Summer：「咁點算？我地咪冇晒人囉。」

光：「唔止，仲有兩team人既“叛變”，你地記唔記得佢地有咩能力？」

………………

「砰！砰！砰！」

槍聲終於停下。

暴：「要注意呼吸，淨係手定係唔夠，仲要配合呼吸節奏同對方動向，好似跳舞咁。」

眼前四人完全沒有回應暴，畢竟昨天才射殺了他們兩名同伴，怎可能會對他有好面色呢。

撫摸着黑如炭灰的右眼想着應該都差不多了，簡單傳授一下心得，讓眼前幾位奇才改善下就可以了，也不必太用心。