《無期》: 第二章 協力2

「痴線，邊有咁易放你地走，殺咗我兩條友唔洗陪啊？」

「咁你想點陪？」

「你都係答我問題先啦。遇到過咩生物，點解嚟哩度？」

老師簡略說了血色異林的怪生物，最危險是那些殺傷力驚人又數量多的蟲類和刺狗。

「仲有，我地遇到類似蜥蜴人既智慧種族，力量強大，聰明，仲有強勁既異能，我地最多都係勉強重傷到佢，先走得甩。」





「唔，我地都遇過，你地竟然重傷到佢咁西利？」

「運氣啫。咁你地呢？」

「我地？哈哈…我地殺咗佢。」

然後，老師的眼罩被拉開了一點，讓他看到一條頸鏈，上面掛着一片被腐蝕得很緊要的小金屬片與一小塊彩色的鱗片。

眼睛再次被遮起來，甚麼也再也看不到，但太震撼了，他們竟然獵殺了一頭彩鱗！他想表示出雙方的差距嗎？原以為己方因逃跑而筋疲力盡，所以先輸得如此慘烈，但事實可能是對方真的很強。談判的籌碼正向對方傾斜。





「第二條問題，點解嚟哩度？」

「巧合啊！我地原本喺九龍城俾喪屍追，所以先走到嚟哩度咋。」

光面色一變，眼前八人雖被他們活捉了，但實力頑強，甚至那女人能在Mandy的能力下與Summer對抗，非常之不得了，那用刀的少年與匕首少女若非被禁力量肯定都很強，那他們被喪屍追趕到如此淒慘的話，會有多少喪屍？

「俾喪屍追？以你地既實力都咁狼狽？而家係日頭喎。」

「我地遇到特殊情況，有『人』操控喪屍圍捕我地，裏面有一隻特別既喪屍，黑色既手，藍色既火焰，日光日白都行動自如，勁到痴線，差唔多有紅鱗既級數。我地幾經辛苦先衝到出嚟。」





大事不妙！若真如眼前這中年肥佬所言，即喪屍變得有規模行動，現階段生存已經很困難了，原來以為那些弱智喪屍只需小心應對便可，其他異族才是最大威脅，現在形勢完全變了！

而且黑色的手與火焰，那不正正是…

太不妙了！

「詳細啲講我聽。」

「是咁的…」

老師大概把發現被圍與逃離經過說了一遍，但隱瞞與修飾了霧的能力，而藍和明亦變為原本就已經是隊員的設定，最真實的只有屍潮的恐怖。

然後老師的耳朵亦被戴上耳罩，聽到的只剩下心跳與呼吸聲。

「你地點睇？」





此時，除了Mandy外，原來Sam與Summer都已經到了，站在光哥身後沈思。

Sam：「唔…麻煩！



四個都靚，但一個就年紀大咗啲，一個年紀又細咗啲，一個又太乖乖女咁唔啱我，另外嗰個又強悍咗啲唔夠溫柔，點揀呢。」

Summer與光面色一沉，都這個時候了，還想着這些？白痴都應該有個限度吧。

「拍！」

Mandy已經一巴打在他的臉上。





「白痴！正經啲啦。光哥，如果佢講既係真既話…」

「Mandy！停！」