轉性人的荒淫校園: 32.《愛戀抽象畫。下》
Tobias 拖住我隻手沿住城門河岸邊行，抬頭望，河上面出現左一個貌似巨形公廁嘅物體。「Tobias，前面果座唔黃唔綠嘅係咩黎架。」
「咪文化博物館囉！」
「咁核突嘅。」
Tobias 就好似開著左文青模式咁。「呢個文化博物館係香港其中一個最核突嘅建築物。政府諗住用古中式建築嘅元素，但係的比例完全錯曬，搞到九唔搭八。」
「乜係咩⋯⋯我覺得棟野有D滑稽。」
忽然，有陣風吹埋黎。雖然我有戴草一幅，但我D陰亂曬啦。Tobias 放開左我隻手，一隻手扲起左我頂草帽，另一隻手撥左兩撥我D頭髮。「得啦⋯⋯靚女曬⋯⋯」然後放番頂帽上我個頭度。「喂，你成日戴住頂帽唔熱嘅咩？」
「OK 架⋯⋯陰陰地⋯⋯」我笑笑口咁答「我幫你戴下。」然後作狀幫Tobias 戴我頂帽。
「喂⋯⋯喂⋯⋯喂⋯⋯唔使⋯⋯」Tobias 㩒住我隻手，之後搣我塊面
「做咩今日咁多手成日掂我呀。」
「係咩，唔係呀。」Tobias 又拖番住我隻手。我將個頭捱向Tobias，兩個人，沿住河邊行。
***
「到啦，我地入去啦。」
「好呀。」
由於今日唔係紅日，博物館入面人唔多，我同Tobias 行到入去基本上唔使排隊就已經可以入場。Tobias 應該對呢方面好熟，佢每幅畫都介紹俾我聽。又話係二十世紀初，十九世紀末，歐洲出現左一個抽象主義嘅浪潮。莫奈係其中一個先驅。呢一種風潮慢慢傳到去音樂世界，好有得布西之類嘅作家，同埋春之祭之類嘅音樂。
Tobias 教我要慢慢行慢慢欣賞D畫。D港女有個共通點，就係永遠唔識欣賞藝術，淨係識得行去幅畫前面，擺個（pose）鋪屎，然後扮下文青，放上Facebook IG 呃like。佢又教我要點樣好仔細咁去觀察幅畫嘅顏色佩拾同埋畫嘅方法。
原本抽象畫要由遠睇到近。首先係遠睇，將幅畫嘅影象迷迷糊糊咁印係個腦海入面。然後再拍埋去睇，會見到每一個細節都係由不同顏色係畫布上面一點點咁混合而成。咁樣會欣賞到畫家嘅筆觸。
好啦⋯⋯廢事悶親大家啦。
我地行完第一個展館，我發覺自己既藝術細胞增長左唔少。於是我地就去左第二個展館啦。第二個展館搭左個模疑莫奈屋企嘅場景出黎。我同Tobias 係果間類似屋嘅佈景入面行下行下，就入左一個模疑飯聽，入面有張枱，同四張凳。我坐左落其中一張，Tobias 坐左係我隔離。我㩒左個制，碟上面出現左一杯雪糕嘅投射影象「唔係掛」我話。
「我覺得我地好似鬼⋯⋯」Tobias 話。
「吓，你又知鬼係點。」
「D鬼望住D野食食唔到就係咁架啦。」
我係度傻笑⋯⋯咁Tobias 份人係幾幽默嘅。
「Kristy，我幫你影幅丫。」
Tobias 行埋黎，將我D頭髮撥向前，然移落小小我頂草帽，遮住我對眼。「喂喂⋯⋯你想點呀⋯⋯」
「嗱⋯⋯唔好郁住⋯⋯對手擺個碟上面，扮拎野食。」然後Tobias 拎左我部電話，開左電筒，放係我下巴下面。
我嘟長個嘴「喂呀⋯⋯」
Tobias 已經忘左我「Kristy⋯⋯Keep 住呢個表情⋯⋯」然後影左幅相「好⋯⋯而家開大個口。」
忽然，有個看更行埋黎「啊⋯⋯鬼啊！有隻長髮女妖呀！」
太過份啦⋯⋯人地靚女黎架嘛「Tobias⋯⋯你過黎攞D相俾我睇下。」
Tobias 行左埋黎遞部電話俾我，相入面⋯⋯實在太離譜啦！「話我知⋯⋯我似羅蘭定貞子？」
Tobias 俾度大笑「長髮女妖呀⋯⋯」
哼！整估完人重要大大聲咁笑，教訓下你先。我一腳踩左落Tobias 度「呀⋯⋯我唔啱⋯⋯」然後Tobias 伸手想整理我D頭髮。
「哼！唔使你呀！唔好掂我！你唔係中意同隻長髮女妖出街嘅咩？」
「唔係⋯⋯對唔住⋯⋯對唔住⋯⋯」
我反白眼望住Tobias 「衰人⋯⋯我化左灰都認得你呀！」
「嘩！嘩！嘩！長髮女妖好得人驚呀！」
我扭Tobias 隻耳「你話邊個得人驚呀？」
「訓導主任呀⋯⋯訓導主任呀⋯⋯」Tobias 話「黃老師係長頭髮㗎。」
「哼！」我整番好自己D頭髮，戴番好頂草帽。
「唔好嬲⋯⋯」
要扮嬲⋯⋯唔睬佢⋯⋯我跟住Tobias 再向前行，行到去一個帆布做嘅帳幕前面。個帆布頂寫住「人人也是藝術家。」個帳幕入面有幾支筆，可以俾大家隨便畫。疑，原來樓主都有黎過喎⋯⋯佢畫左個人樣係地下，係隔離題左行字「嘩，乜你冇著底褲牙⋯⋯」
樓主真係⋯⋯
Tobias 拎起支筆畫左個😔「唔好嬲我啦。」
我拎起支紅筆係下面寫 「😡你畫番個公仔氹我我再諗下啦。」
Tobias 望左我兩眼，拎起支筆，開始慢慢畫，畫下畫下⋯⋯畫左個卡通版嘅我出黎⋯⋯都幾靚嘅「你肯唔肯原諒我呀？」
「算你啦⋯⋯」我俾長隻手俾Tobias 「同我去行公園。」
「好啦。」Tobias 拖住我隻手，離開左博物館，過隊道，入左公園。我地沿住岸邊行。行到去一條拱橋「Kristy，果條橋好靚，我地上去行下囉。」
「你話啦。」
Tobias 拖往我行左上條橋度，個太陽慢慢落山，啱啱就係兩個岸中間，成條河變左金黃色。我坐左係橋邊，望住個日落。Tobias 坐左係我隔離。「小心跌落河呀。」然後㩜住我條腰。
我捱左落Tobias 度「咁咪唔怕囉。」
***
睇完日落，Tobias 送左我番屋企「我八月去旅行，番香港再約你啦⋯⋯」
「好呀⋯⋯bye bye。」
***
係喎⋯⋯八月扑嘢學會有露營喎⋯⋯不如用Kristy 嘅身份去啦⋯⋯應該會幾好玩。