轉性人的荒淫校園: 31.《愛戀抽象畫。上》
《31.愛戀抽象畫。上》
一大朝早，我起身。今日Tobias 約左我去睇畫展。我打開對眼，見到天使Gabriel。
「嘩，放假都咁早起身呀，平日你成十一十二點先打開對眼架喎。」
「係呀，今日約左人呀。」
「啊，咁想做男定女呀。」
「女呀⋯⋯」
天使Gabriel 又將佢支魔法棒塞去我雙腿中間，我又變左個女仔。然後佢係件袍入面拎左部電話出黎「係呀！我開左個微信⋯⋯你可以add 我。第日如果你去男同學屋企過夜可以通知我一聲⋯⋯如咪你BB一起身發現自己搞基⋯⋯然後見到我就唔好啦⋯⋯」
「咩話？微信？你估呢度大陸牙？鬼佬出左whatsapp ，日本仔有line ，點解要用大陸燦嘅微信呢？」
「咁我邊識咁多啫。」天使靠飛鴿傳書㗎嘛。
「你扲部電話黎⋯⋯」我一手搶左Gabriel 部電話，裝左個Whatsapp，add 左自己。「你用呢個⋯⋯㩒呢個制會搵到我。」
「好啦⋯⋯怕左你啦⋯⋯」天使Gabriel 拎番部電話，然後Boom！就唔見左。
***
睇完份蘋果日報，就已經到左十點搭九。今日約左Tobias 去睇畫展，睇D靚嘅野，咁梗係要著靚小小㗎啦。其實係約左Tobias 點都要著好睇小小。我行去衣櫃，唔得⋯⋯真係唔夠衫⋯⋯搵日要同家姐去買啲。就咁佩啦！就⋯⋯著黑色bra，底褲啦，然後就黑白間條吊帶背心，出面㩒件白色恤衫。下身就著深藍色裙，加頂草帽。啱曬！然後化化妝⋯⋯唔係扮靚靚⋯⋯係本身已經靚，而家更加靚。掂！出門口！
***
我搭𨋢落到樓下，Tobias 已經企左徐度。「喂，Tobias，你想帶我去邊呀？」
Tobias 拍左一下我個膊頭，示意我向前行「我地出發囉！」
佢都未答我要去邊⋯⋯睇畫展嘛⋯⋯但個畫展係邊先得㗎。Tobias 捉住我隻手，「我地去沙田先。」Tobias 隻手慢慢向下移，掂到我手扳⋯⋯佢想⋯⋯係咪想⋯⋯Tobias 將佢D手指慢慢咁攝向我D手指中間⋯⋯我地係咪⋯⋯我地係咪⋯⋯叫拖手仔呀。
我望一望Tobias，佢望住我笑，等我俾反應佢。哎呀⋯⋯點呢⋯⋯人地第一次俾男仔拖。我捱落Tobias 度，然後慢慢屈曲我啲手指，望住Tobias 輕輕咁微笑。
「黎啦，我帶路。」Tobias 拉住我隻手向前。
***
Tobias 帶住我轉完一架車又一架車，終於去到沙田新城市廣場。
「姐葛姣片咦呀！」
（這個好便宜）
「哎喲！禾腰埋姐葛包包呀！」
（哎呀！我要買這個包包呀）
「姐Ben 呀！哥乃！哥乃！快典呀！哥乃⋯⋯哥乃⋯⋯」（這邊呀！過來！過來！快點呀！過來⋯⋯過來⋯⋯）
沙田⋯⋯真係好叉多大媽⋯⋯班大媽嘅字典入面係唔存在「秩序」呢兩個字。我係個商場好似一班曱甴咁四圍走黎走去，叫黎叫去。成個商場俾佢地搞到好似個街市咁。
Tobias 領住我隻手，係人羣之中穿插，穿過左果班大媽，去到左一間意大利餐廳外面「Kristy，呢間啱唔啱食。」
「我冇問題呀。」於是我同Tobias 就去左排隊扲飛呀。
忽然，一個大媽衝左埋黎「乃！乃！乃！姐Ben 呀⋯⋯油餐天呀⋯⋯油餐天呀！」個大媽一閃，一縮，再一個轉身，就攝左去我同Tobias 前面。之後，一個影子分身⋯⋯哇屌！多左成村人嘅！（來！來！這邊呀⋯⋯有餐廳⋯⋯有餐廳！）
Tobias 超級Man，野都廢事同堆大陸人講，直接行埋派飛果個侍應度「小姐，呢度係咪要排隊㗎？」
果班大陸人指住Tobias 大聲鬧「呢巧多士⋯⋯呢巧多士⋯⋯」（你好多事)
Tobias 板起塊面「隊尾係後面。」我見到班大陸人十足深山大野人，凶神惡煞，聲大夾惡，於是拉左下Tobias 隻手「算啦⋯⋯佢地係咁㗎啦⋯⋯」
Tobias 拍左一拍我膊頭「Kristy ，唔使驚，我係度」果一刻，佢直係好Man。
「神魔⋯⋯跟禾梳蒲通蝦！」（什麼⋯⋯跟我説普通話！）
「稍謝⋯⋯BU 姣姨詩⋯⋯禾文姐哩腰牌堆打⋯⋯」個侍應叫班大陸人去排隊。抵死啦⋯⋯面就人地俾，架就自己丟⋯⋯
於是果班大陸人就一齊死番去隊尾⋯⋯
***
我同Tobias 等左一陣，終於入到餐廳入面。同Tobias 食飯係點我之前都講過，總之佢好有風度，自然得黎又唔會令人尷尬。
丫，難得人約我，不如試下咁樣Tobias 會有咩反應先。我開大個口「呀⋯⋯」
「做咩呀你？」Tobias 望住我。
我指住自己個口「呀⋯⋯我想試你果個⋯⋯呀⋯⋯」
Tobias 摸左一下我個頭，好溫柔呀⋯⋯暖男「傻妹⋯⋯」然後餵左羮（多餸小飯落我個口）
我細細啖咁𡁻⋯⋯淑女嘛⋯⋯然後吞左落肚「好味⋯⋯」
Tobias 篤左一下我個鼻「哦⋯⋯食左我口水味以後要聽我話。」
我嘟長個嘴「唔制。」
「傻妹⋯⋯食啦⋯⋯咁多嘢講⋯⋯」
我拎起支叉諗住食，Tobias 話「咦⋯⋯真係聽我話喎。」
「咦！好衰呀你，蝦人嘅。」
Tobias 笑左下，摸下我個頭⋯⋯「呢個女仔好可愛⋯⋯」
***
我同Tobias 食完野，行左出戶外⋯⋯係沙田公園。
「Tobias⋯⋯呢度好靚⋯⋯我想行下。」
「不過博物館收好早喎，不如我地去完睇畫之後番黎行啦！」
「就咁話啦⋯⋯咁博物館點行去架。」
Tobias 拖番住我隻手「我而家咪帶緊你去囉。」
欲知後事如何，請看下回分解。