【少少重甜】《用甜筒打喪屍！！》（完）: 第127回 - 喪屍之謎

「4個去，5個返！！    」虧佬大大聲說。 

「吹呀？你羨唔羨慕呀？  」我笑說。「突破種族既野，你識條鐵咩！  」 

「係呀我唔識架...我識研究咪得囉！ 」虧佬反擊。 

「點呀，我離開左幾日有咩事發生左？」我說。 

虧佬望一望我：「跟我黎。」 



我跟著虧佬，看來他的研究有進展了。短短幾天時間就有進展，實在不錯了。「點呀，喪屍識扯旗？ 」 

「我地發現到喪屍仍然需要食物。但喪屍感覺全部消失了80%，佢地唔能夠捕捉靜態既畫面，於是..」虧佬講到呢度唔出聲。 

我接下去：「於是會捕捉活物黎食。」 

「佢地咬人，咬爆血管，食肉，其實係想得到營養。蛋白質、脂肪、糖。因為死人會快速腐化，所以喪屍對死屍的興趣不大，只食動物或人類。」 

虧佬帶我走到實驗室盡頭。眼前的..是一隻女喪屍！！   



「吼-----!!!」女喪屍喉際發出令人毛管都棟埋的聲音。 

「好野喎，真係捉到隻。 」我竭力抑壓恐懼感。 

「指意你？你都係出去扑野姐！  」虧佬串我。「呢隻係池田捉返黎。」