【少少重甜】《用甜筒打喪屍！！》（完）: 第48回 - 晴空塔

晴空塔，原名應該係Skytree，意思係天空樹。位於墨田區押上站，本身用途唔止係觀光，而係一座電波塔！曾經係世界紀錄最高既塔。 

Skytree既構造分為幾個部分：東京晴空街道（商場）、東京晴空塔東塔（寫字樓）、東京晴空塔城（戲院）、墨田水族館、晴空塔搭身主體。我地既目標係..較高既位置，展望台！因為我地認為高既地方喪屍無咁易去到。 

無錯，只係「認為」。 

的確晴空塔既地理位置較高，步行既喪屍難以上得到去，更加唔洗講喪屍識得塔電梯同行樓梯啦。但係如果上面既人都受到感染就另計。 

我地一行11個人泊好車，（其實我覺得唔需要泊，是但放係街就得，不過田中好堅持），然後進入地理位置較高既商場部分。係地面商鋪部分已經見到有喪屍行緊，不過唔多。呢個區都唔多喪屍，唔通係電波影響？奇怪，係咁多人既商場，如果有喪屍，應該好多人死先係，但竟然靜英英！唯一既解釋，可能係D人係爆發前已經疏散哂。我只能咁諗。 



係無人守住上觀光塔既情況下，我地直接上去觀光既高層！！雖然呢個時勢唔係好應該咁講，不過晴空塔真係好靚！！入到去架升降機度，一路有聲音導航，同埋特效，仲有望住下面既風景...真係完全係非一般既體驗。 

「...Japan」我不自覺地感歎。 

田中呢個時候都話，晴空塔都係一個佢地日本人好自豪既地標。京香同詩音都點哂頭。 

升降機門開啟。 

「動きますな！（不要動！）」 



我就知道會係咁。我舉高雙手：「We are human. suckers.」 

「人間です！」詩音都即刻幫手。 

我地慢慢行出升降機，我地無估錯，好多日本人係度！晴空塔既展望台完全做左避難所！