【少少重甜】《用甜筒打喪屍！！》（完）: 第30回 - 高妹

「乜話？廣東話？」我轉身一望，一個女仔由樓梯上行落黎。生得好高！著住黑色鬆身衫，不過都難以掩到佢堅挺既波波！！齋睇起碼都有D！呢個高妹既身體話我知佢做開運動！ 

個女仔行到落黎：「仲諗住香港人會高過我添。」 

呀Hi 你..咁向左走向右走串？   「你女仔人家生到咁高又好難高得過你既。 」我都唔會示弱。 

女仔「哼」左一聲。「你地都係同我一齊留低啦...自衛隊會出動。」 

「唔得，我都想出一分力。」我話。「咪睇我唔夠你高，我識些少武術。」 



「武術？」女仔講完，然後右手向我打來！我上身右擺避開拳頭，感到強烈既拳風！呢個女仔...係認真的！！ 

女仔後手再一拳！我左手向右一擋，然後向捉住女仔拳頭向下方拉扯！女仔即刻失去平衡向前墜！ 

不過呢個女仔明顯受過武術訓練，佢下墮同時描準我下盤，然後用膊頭撞向我腹部，雙手熊抱我！我即刻比佢反攻至向後墮地！！ 

『MMA招式！  』我心諗。 

不過我都唔係慳油的燈！我頭部向前縮，背部落地，以背肌承受撞擊力，然後雙腳反扣住女仔背部！！然後再用手臂向後借力向前發勁，衝力將我整個身體向前壓，壓住返高妹。哈，睇黎優勢轉返黎我呢度！ 



簡單一招就將局勢逆轉，而家我用雙腿壓返住呢個女仔！！而且我雙手騰空，隨時可以以亂拳打擊高妹！ 

「最憎人郁手郁腳，粗人  」 

「快d縮開..」高妹話。 

「想我縮？」我笑住話。「求我啦。」 

「...你壓住我個胸。」高妹話。 



「呀...Sorry 。」我即刻鬆腳。 

呢個時候高妹即刻衝前反壓返住我！好似摔角咁用全身氣力壓落我度！ 

「Hi 你呀...」我話。因為呢個時候我肌肉收縮唔到，用唔到力！！