【少少重甜】《用甜筒打喪屍！！》（完）: 第29回 - 上野二丁目

車上既GPS因為係日文介面，所以要由詩音去操作。不過大概都易明既，有D漢字。 

但最值得關心既係田中先生既情況。萬一佢受喪屍病毒感染既話...我地就要即刻殺左佢   

「呀！！！」田中先生大叫。 

『Hi？即講即變喪屍呀？』我心諗。 

「那時候，我立即跑去捉住那條魚...」田中先生原來只係係後座講緊故仔緩和下氣氛。講比邊個聽？當然係都係後座既京香啦。喂，咪向左走向右走溝我條女呀肥佬！   未變喪屍我都打勁死你。 



京香笑得好優雅。睇黎田中應該無事。 

已經返到黎上野二丁目！！呢度遠離機場，似乎未有感染者。鋪頭雖然關哂門，不過好多人係門後面、窗口望我地。 

「We are human！！」我大叫。 

「私たちは人間です！」詩音翻譯我既說話。 

我地落左車，行去我同虧佬住既旅館。雖然已經check out，但老闆都認得我地。 



「it’s ing chaos in the airport.」我話。 

老闆識聽英文的，拿拿聲接我地入門口，然後幫田中消毒傷口。 

「我們都知道發生了什麼事....」老闆話。「我們正在組織自衛隊！你們遊客就先留下來吧。造成你們不便實在太抱歉了！」 

老闆想跪底！我即刻扶住佢：「唔好！...都唔關你事。」 

「這是我們日本的問題...令你們也受影響了，真抱歉。」老闆話。估唔到日本人有民族意識到呢個地步！香港人真係做唔到。如果一樣情況發現係香港，香港人既態度只會係：關我向左走向右走事？ 



京香：「老闆你不要太自責呢..」 

京香唔知係咪無意中用美色引誘到個老闆，個老闆突然熱淚盈眶，然後攬住京香喊！！ 

喂喂！咪向左走向右走借D易浸落我條女對波度！！   

「我的女兒..我的女兒她.....」老闆喊左出黎。 

「旅館老闆個女失左聯絡。」一把廣東話既女聲傳黎。