【少少重甜】《用甜筒打喪屍！！》（完）: 第26回 - 突擊
被輒既女人雖然頭部郁唔到，但手部開始有知覺地郁。我地傾向相信佢未死，或者叫做仲未死得哂。
於是我安慰佢，同佢講好多野，叫佢放心啦咁之類其實無乜用既說話。因為我睇住佢頭部被輒既程度，就知道佢應該即時斃命，就算未死都活唔耐了。
田中先生都覺得好內疚，於是捉住個人隻手，話佢已經叫左白車，要撐住，叫佢諗下屋企仲有人之類。呢d都係我估既，因為我唔識聽日文
不過我知道call白車果個電話根本打唔通。詩音係車入面已經打左十幾次。
呢個時候我地先知道我地犯左好大既錯誤，就係當左人型既野都係人類。
「呀！！！」田中先生慘叫。
呢個傷者竟然好大力咁爪落田中先生度！以奄奄一息既狀態無可能仲可以咁大力！
或者我早就應該由手部扭曲程度，知道呢隻野早已經唔係人類！不過知道都無用，佢已經用力捉住田中先生，將指甲全部插入田中先生前臂！！插入既深度，我唔直接答你，我用例子答你。係插到完全見唔到手指甲咁深。
呢個時候如果咁硬扯，田中先生肯肯定無左幾忽肉！痛係其次，反而受感染既機會大大提高！
如果呢個時候有刀既話，我會一刀斬左喪屍隻手落黎。
但我無刀。
已經就算有刀，我都好怕用刀。因為刀恐怖不在於攻擊力，而係受到攻擊既人之後皮肉碇開，血花四濺果種視覺恐懼，足以嚇到所有學過武既人。所以學刀術既人數比起學徒手博擊的人數相比是如此少。
「呀呀呀！！！」我即刻躍起使用飛踢攻擊！右腳踏住爭關節，然後左腳瘋狂地踩！！「快向左走向右走d死啦Hi Hi！！
」 可惜用外力攻擊手臂肌肉，似乎唔太影響到手指既力度。我突然靈機一觸！！
