【少少重甜】《用甜筒打喪屍！！》（完）: 第25回 - 屍體

轉眼間，benz就到達成田機場。準確d講，應該係到達成田機場既核心外圍，因為公路已經水泄不通了。真係十足喪屍片咁。到底要有幾多隻先會癱瘓到公路？ 

「回去吧。」我話。「無路行了。」 

「也是呢。」田中先生話。「要到哪裡去呢？」 

「不如我地搵返個據點先，可以留宿既地方。」我話。 

「去返我地個旅館，如何？」虧佬話。 



「都好，上野二丁目比較偏遠，應該暫時安全。」 

於是我地決定又去返上野二丁目。係呢一個小時既車程，估唔到會發生在預期以外既事... 

是咁的。 

因為喪屍出現就好似一場夢咁。 

雖然話我同虧佬兩個香港人，係日本可以話無乜顧慮，但總係有點兒好似發緊夢咁。兩個女人..當然不用多講啦。但試問一個做小店既美魔女老闆娘同十八歲既小妹妹，又點處理到咁恐怖既野呢？反而素未謀面、年紀最大既uber司機田中先生就做左最領導既角色。佢好友善咁想講好多故事比我地聽，想舒緩下氣氛。 



不過恐怖既事情就此發生！係田中先生同我地傾計既時候，唔小心撞到個人！ 

「搞乜向左走向右走野，高速公路有人？」我話。 

「我下去看看他有沒有事。」田中先生講完，就即刻打死火燈開車門落左車。日本人真係非常之有車品。 

「你地留低。」我同坐我隔離既兩個靚女講。然後當然我都落車睇下咩事，有咩突發情況我都可以backup田中先生。 

「喂，你沒事吧？回應一下！」田中先生拍下呢個捲左入車底既人。不過無反應。「太糟糕了。」 



我一見到個前輪壓住女傷者個頭，以呢種厚度高度，點睇都唔似有得救啦。不過佢都幾好野，被benz撞到唔係成個撞飛，竟然係入左車底？唔通佢係公路上唔係行緊，而係爬緊.... 

「虧佬，即刻落車！唔好係架車度！」我話。「幫手睇下！」 

「急救既野你都識啦..  」虧佬明顯有點淆。 

「醫生。」我串佢。