【少少重甜】《用甜筒打喪屍！！》（完）: 第17回 - 暴徒
根據新聞所講，停止航班唔係日本既決定！而係全世界開始封鎖經過日本既航班！！喪屍係日本發源！！
「係唔係呀...」我地4個人，不停上網搵新聞，不知不覺已經天光了。
「我相信係真既。」表面正直，但浮現住變態氣息既男人話。「如果唔係就唔會咁大件事。」
「我真係想親眼見一見隻喪屍係咩斤量，點解咁嚴重。」我話。
「可能恐怖既地方唔在於單隻喪屍既力量，而在於佢既擴散速度呢..」虧佬醫生托一托眼鏡。
日本時間凌晨五點，第一隻喪屍終於比我親眼見到。
「ARRGH!!!!!!!!!!!!!!!!」一大班係鬼婆尖叫，我地四個行過去八掛下咩事，原來係一個警衛。應該話係行路行唔到直線既警衛。
我用張家輝語氣話：「Hi條男朋友吸向左走向右走左毒呀？路都唔識行既？
」 於是我自己行近D望下，呢個企係度震下震下既男朋友係度做乜勁。
本身詩音想捉住我，但我行得快。我開始後悔自己行得快，已經太遲。
無乜危機感，係我地香港人既通病。
警衛望住我，對眼出哂紅筋，同埋面部肌肉亂咁跳動。
「Hi。」我細細聲講左句。「真係喪屍咁款喎。」
警衛毫無預警向我撲來！！
