［回憶］［校園］一個信息改變左我嘅中學生活: 結局篇（三十六） 真情嘅錄音

多謝你啊，阿心。我好平和咁講左依一句出黎，但係依一個反應係好定係壞？
我嘗試繼續講落去，希望自己可以冷靜咁講哂我想講嘅野。
阿心，我知道你聽到依一句之後，你一定會覺得驚訝，驚訝我點解會講多謝，更加會驚訝我點解要咁做。
雖然我令到你好驚訝，但係我都想你攞幾分鐘黎聽埋依一段錄音。

阿心，我好多謝你陪伴左我咁耐啊，你改變左我好多好多，你帶我逃離左毒海，幫我重新解脫自己。係你為我帶黎一個個嘅夢想，你仲記唔記得個一日，你係學校同我講左D咩啊？

你講話你想有一日見到一個身高178兼且攞籃球比賽冠軍嘅阿銘啊。我一路都好想實現你依一個夢想，但係我反而辜負左你一番嘅其望。

仲有考入精英班嘅約定，我未識你之前，只不過係一個日日沉迷打機嘅廢青，每日都過得混混混噩噩。直到個一日，你就令到我成個人都變返清醒，我可以認清自己。我為左下年可以同到你一班，我唔介意幾個月都唔打機，我唔介意日日都要去補習，但我同自己講，無論點都好，點都會完成依個約定。但係都。。。




我講講下唔小心又流出左眼淚，令到我嘅聲音變得唔再清晰。

阿心，可能上面嘅兩個承諾可能對於其他人黎講係輕易易舉，只可惜我都完成唔到，我真係好對你唔住。

咁耐已黎，好多謝你改變左我咁多，我都估唔到嗰一個信息，可以令到我唔同左咁多。

依幾個月，我每一日都過得咁快樂，雖然我唔知自己會唔會變到自暴自棄，但係至少依一刻，我仲可以好平伏咁同你講到一句—多謝。

其實我講咁大一段野唔係想強逼你再同我復合，更唔係希望你再為我做D咩，而我只係希望彼此都唔好忘記依一段青澀嘅愛。





最後，我只係想問你一個問題，點解我地要分手啊？你可以選擇唔講，但係到左你想講嘅個一日，我都好樂意去傾聽。

阿心，好多謝你用左依幾分鐘去聽依一段野，因為你為我付出嘅唔單止係依幾分鐘，而係付出左幾個月黎改變我。阿心，我真係好多謝你。

我講完最後依一句，我就將依一段錄音send左比肥培，叫佢幫我send比阿心，正當我㩒完傳送訊息依個制之後，突然個頭變到好重好重，好快我就暈左啦。

過左唔知幾耐，我終於都醒返，我我仲未清醒嘅時候，見到門口有一個著住白色短裙嘅女仔，嗰個到低阿心，定係普通嘅女仔？

（下一集就係大結局。同埋寫完sad end嘅結局之後，我就會出good end嘅結局，大家密切留意。）