［回憶］［校園］一個信息改變左我嘅中學生活: 續。結局篇（五十四）最愛

隨住阿心講出左呢一句，個天都落左一場傾盆大雨黎和應我嘅心情，同時我都諗起左一首歌—分手總要在雨天。
曾聽說雨天總要放手　總要分手
曾跟你約定下個淡季　浪漫旅遊
明日看雨點灑到滿天　總會掛念
我會隱藏我淚線。
呢道咁多句都講出左我嘅心聲，我唔捨得陪伴我經歷咁多嘅阿心，但我又同阿心有一個長相廝守嘅約定。我無辦法作出呢個咁痛苦嘅決定。
你兩個不如聽一段野，我先再答你地問題啦。我係褲袋拎出呢部只有一段錄音嘅電話，我將來幾十年嘅命運，將會由呢部100蚊都唔值嘅電話一手掌控，呢部電話就好似有穿越時空嘅魔力，唔單止可以幫我搵返十年前嘅記憶，又默默咁改寫嘅我嘅未來。我係播呢段錄音之前，我親吻左部電話一下。
照樣係哽咽嘅聲音，甜蜜嘅回憶，仲有沉重嘅經歷。但係今次我係兩個當時人面前呢嘅感覺係同頭先截然不同。我為左可以更清楚咁考慮未來，我作出左一個有意思嘅決定。
「阿妍，你可唔可以除左個口罩比我睇清楚你條疤痕啊？」
係佢完成左呢個動作嘅同時，錄音亦去到阿妍因爲我而毀自己用嘅部份。我地三個人面上都係濕哂，我分唔清楚佢地兩個面上嘅係雨水定係淚水，但我可以明確咁見到阿心個身不停咁顫抖。到低佢係咪真係覺得好內疚呢？咁佢咪有機會因爲呢份羞愧心而放棄左我？




直至錄音去到我未聽過嘅階段，佢嘅情緒先慢慢平伏落黎，即使呢段錄音所講嘅事都係佢地親身經歷，亦腦海嘅一個烙印，不斷沖擊佢地咁心靈嘅同時，佢地都仲可以保持到粒聲唔出。兩個女仔背對背咁企，而中間嘅我無奈得黎又左右為難。假設我去睇左其中一個嘅反應，咪即係默認自己嘅選擇？經過多番磨練嘅我開始變到深思熟慮。
係自從嗰次佢煲完碗粥比我食個陣，我先知道就算係再憎嘅人，都會有改觀嘅一日。我為左可以同佢一齊，我不怕毫無面子咁去問佢身邊嘅男仔朋友，又向唔同班級嘅女仔學點樣先吸引到佢嘅歡心。我經過好多次嘅調查之後，知道你啱啱同女朋友分左手，我可以乘虛而入嘅時候，我嗰晚開心到完全訓唔著啊！
「阿心，你話係邊個咁唔識貨，咁好嘅男仔都唔要呢？如果比我早一年識佢，我就一定會鬧死佢個女朋友啊！你話我講得有無錯啊。」
錄音入面阿心並無作出回應，只係忍受住阿心嘅咒罵，不停咁作出傷心欲絕嘅點頭。「你話我去準備一份禮物，幾日之後—情人節正日同佢表白好唔好啊？話口未完，我又掛住佢啦，你不如陪我一齊去搵佢啊，阿心。」
我係呢度暫停左段錄音，我搭住佢地兩個膀頭，語重心長咁講：「點解當初你地要咁樣做，阿心你做咩要刻意隱瞞，利用你最好嘅朋友，而阿心你當初對我有三番四次嘅痴情行為，的確令我受寵若驚，我仲為左唔好比事情變到更加嚴重，我接受左你，仲許左好多『善意嘅諾言』，但係咁耐以黎我一直都欠左阿心係一句說話，我其實都⋯有鐘意過你。」
阿心：算啦，不如你直接講你嘅選擇啦，我嘅心理負荷唔到咁大嘅挑戰。阿心同阿妍同時都係呢刻拎轉身，用期待嘅眼神望住我。
壓力去到頂點嘅時刻，我已經無藉口再拖延呢個訣擇。我企係中間，伸出雙手蓋住左佢地兩個隻眼，對天大喊左一句：「多謝你阿肥培，十年前我背棄左自己嘅理念，今日我就要糾正自己，選擇返我最鐘意嘅足球！」講完我就攬住左阿心，利用我嘅嘴脣制止住佢嘅震驚。阿心見到呢個場面，頭也不回咁同我背道而行，我立即跑上前捉住佢隻手講：「我知道我咁揀對你好唔公平，你付出咁多年嘅時間，捨棄左自己8位數字嘅身家，但我地真係兩個世界嘅人，我高攀唔到你啊，同埋係阿心唔同嘅行為睇得出，佢比你更明白到點樣先係愛一個人，我相信你阿爸唔會好似我咁離你而去，所以你值得搵個更好嘅人，再見。」阿妍同我係目送阿心嘅時候，都控制唔到自己嘅淚腺，尷尬嘅氣氛令我覺得難堪。
「阿銘，你覺唔覺得我地好似⋯⋯」






為左可以比讀者你地有更多嘅互動同埋深刻嘅印象，係我個facebook專頁會有投票活動。
想睇good end嘅就去Facebook 比個讚
想睇sad end嘅就去Facebook 比個心
想睇自己想要嘅結局？想決定人物嘅命運？咁就將個故分享比更多嘅人，同埋踴躍咁投票啦！
Facebook page link
https://m.facebook.com/hotfrostlovestory/