［回憶］［校園］一個信息改變左我嘅中學生活: 續。結局篇（五十三）訣擇

「肥培，你覺得我仲有無面去見佢地兩個啊？一個係曾經為左我而毀容，一個係夢想中嘅初戀情人，呢個三角關係我可以有咩辦法正視佢啊。」我擔心咁坐係肥培架車後面講。
周圍寧靜而且漆黑嘅環境，係肥培未回答我之後已經令我有不安嘅感覺。肥培：「咁你又唔洗咁擔心嘅，你手上嘅錄音就係最好嘅和事佬啦，淡定啲就可以解決到架啦。」
一條悠長嘅公路，單單得我地呢架載滿哀愁同埋青春嘅車，嘗試去改變眼前嘅野，所有嘅景物襯托之下，一條平常嘅路，變到好似一條時光隧道一樣，即使佢無科幻片咁樣比幾十個鐘包圍，無出現突然嘅強光，不過佢就同印象中嘅時光隧道一樣，都比左個問題我。
「肥培，你覺得當年我應該揀阿妍定係阿心？雖然兩個都係出自真心，但係我就狠狠咁傷害佢地，仲要係兩個都係最甜蜜嘅階段比我自己親手切斷呢段關係，我係咪好賤格啊？」自怨自艾嘅我知道就算點樣補救，點樣去改變自己係佢地內心嘅形象，都係無辦法攞走寄居左係佢地心入面咁耐噩夢。
眼前呢個機會，我應該點樣利用先可以令到一切嘅後悔，所有嘅失誤全部糾正。一路上我打算問肥培嘅野，全部變哂做自言自語；打算諗清楚嘅野，反而變到混亂不堪，習慣被唱反調嘅我，已經無比時間體諒，15分鐘嘅時間，我到達左約定嘅地方。我係落車準備行去目的地嘅時候，肥培走左出車門，攬住我講：知唔知點解我係答完你嗰一句之後就無出過聲啊？因為我希望比你慢慢沉澱心情，好好咁做跟住落黎嘅選擇，不過既然你問到我，我只可以答你一句，用你揀踢球定打籃球嘅判斷去諗，點先係最適合你。就算你真係揀錯左，你都仲有我呢個「最佳損友」黎陪伴你度過患難。
我返左黎學校，離遠已經見到兩個熟悉嘅樣貌。肥培刻意咁安排呢個別出心裁嘅地方，到低有咩原意？咁尷尬嘅位置，我點樣可以放開懷抱咁挽回屬於我嘅愛情。我行到左佢地兩個嘅面前，感覺到一份即使埋係內心但隱瞞唔到嘅痛楚。
「我諗肥培叫你地出黎嘅時候，都講左比你聽我嘅目的啦。」呢句簡潔嘅開場白，一黎可以令我冷靜落黎，同時都可以比我更易咁帶佢地離開學校嘅個有咁多夢魘嘅地方。
「其實企係呢度我地好難傾得到架喎，不如去一個唔好咁陰沉嘅地方會唔會更加好？」係我預料佢地會跟著我行嘅時候，我先知道自己其實係度自言自語，佢地兩個跟本就無理到我講嘅任何一句野，只係呆左咁望住學校門口。
沉靜持續左兩分鐘後，阿心終於開聲對住我講：我問你，假如有得比你重新再揀，你會揀我定係佢？





對唔住咁多位讀者，因為我最近太忙嘅關係，所以更新就遲左幾日，希望你地唔好介意同埋繼續支持，仲有唔好忘記facebook嘅結局投票活動，想睇你再期待嘅結局就分享呢個故事比其他人，踴躍咁投票啦。
Facebook link
https://m.facebook.com/hotfrostlovestory/