［回憶］［校園］一個信息改變左我嘅中學生活: 續（十六）逃離

我地兩個拖住手，係街道上面漫步，慢慢就行到去一間豪宅出面，我見到阿心轉左個身，面向住我講：依度就係啦，呢次係你第一次黎，亦有機會係最後一次黎，所以我希望你可以竭盡所能黎幫我勸服佢啊。
你放心，你嘅命運我一定會好好咁掌握，無論係依家定係之後嘅日子。我用一個肯定嘅眼神望住阿心講。
阿心微微咁點左一下頭，再攞出左一條鎖鑰，震住咁打開大門，正當阿心將度門開到一半嘅時候，我已經見到有一班嘅工人企定左係門口準備迎接我地。
雖然工人都已經多到我嚇左一跳，但係最令我膽顫心驚嘅都係企係樓梯攞住條雪茄嘅男人。
都估到你個公屋仔會跟埋黎架啦，點啊？又想搞咩花樣啊？男人用輕挑嘅語氣講。
我聽到之後就鼓起勇氣講：我今日就係黎阻你送阿心去外國嘅。我自已講完雖然係有一陣嘅心涼，但係我覺得呢份嘅心涼唔可以頂到我強行逼出黎嘅勇氣。
我呸，一個死窮鬼係度阻頭阻世，依家我個女輪唔輪到你管啊？阿心阿爸用恥笑嘅態度講。
我：我知道阿心輪唔到我管，而佢嘅阿爸係你，你點做我無權過問，但係你有無理過阿心嘅感受啊？你明知佢唔想去外國都要強制威逼佢去，從而拆散我地棒打鴛鴦？你咁做你覺得對唔對得住自己個女啊？
阿心雖然好驚，但係都拖住我隻手陪我一齊面對。相反，佢阿爸聽完我講嘅一番說話，唔單止無半點嘅羞愧，仲笑住咁同我講：你點講咪點講囉，反正在我要買好哂機票啦，想阻我都無用啊，窮鬼。哈哈哈⋯⋯
我聽完之後已經壓仰唔到自己嘅怒火，我揸實拳頭沖左上去阿心阿爸面前，上去摑左佢一把，再搶走佢手上嘅機票狠狠咁撕爛佢。你唔配做阿心阿爸啊！我同你講，以後阿心就等我黎養，我要切切實實咁話比你聽，即使係窮，都可以有好好嘅生活！下面嘅工人驚到不斷大叫，而阿心即使係好感動，但係都驚到同佢地一樣係度大叫。




佢見到我咁樣只可以坐係地下呆左咁望住我，無能為力咁睇住我離開。
我立刻拖住阿心，一齊跑落街口截一架的士，返我屋企再從長計議。好快，我地兩個就坐上左一架綠色嘅的士，飛快嘅速度，令我好耐都平伏唔到頭先嘅情緒。
但係我都不忘都阿心講：由呢一日開心，你唔會再受到任何嘅威逼仲有阻礙，我地可以可以永遠係埋一齊。