［回憶］［校園］一個信息改變左我嘅中學生活: 續（十五）願望

我睇住包撈麵仲有阿心個樣，唔知點解覺得好心酸，有一陣陣嘅感覺湧入眼眶。就係依份感覺令到我地都陷入左一個尷尬嘅氣氛，直至我地寧靜左5分鐘。
阿心：你可唔可以陪我上去班房啊？我想入去感受返個一種味道啊。
我無講任何野，只係拖任阿心隻手，一步一步咁行入時光隧道。每經過一層，都會回想起自己個一年嘅回憶。但係呢個時候，阿心同我都有一份無形嘅默契，一齊停低左係2樓。
阿銘，你仲記唔記得你f2個年，你做左啲咩黎溝我啊？阿心用紙巾遮任自已塊面講。
我一直唔出聲，係怕一講野眼淚就會應聲俱下，但係依家我都係忍唔住咁爆發哂出黎。
我用悲慘嘅語氣講：我仲好記得個時應承過你好多野，亦都同你一齊經歷左好多野，但係我最記得嘅係咁耐以黎你都係係我嘅圈子入面毫無名份，同埋我都欠左你一句野好耐。
我跪低係地下，係阿心面前大喊：全校嘅人同我聽住！阿心，我愛你！
雖然我唔知邊個人可以聽到，但係我知道我係呢一秒唔會再留一份遺憾比阿心。
正當我見到阿心行過黎諗住攬我嘅時候，阿心部電話忽然響起，熒幕上面顯示住阿爸兩隻字。
阿心用一副無奈嘅表情望住我講：阿銘，你可唔可以完成埋我最後嘅願望啊？




我：你講出黎啊，就算係任何野我都願意完成。
你可唔可以跟我一齊返屋企，幫我勸服佢唔洗我去外國啊。阿心好絕望咁講
我好堅決咁講：一定得，我一定會幫你勸服佢架。就算係用盡一切嘅方法。
阿心亦都用力咁點左一下頭，我地兩個人就拖住手，一齊挽救彼此嘅命運。

對唔住咁多位讀者，因為早排有事返左大陸一個星期所以先咁耐無出文，為表歉意，我會係今日至到1月15號都會每日出故。希望你地唔好介意，繼續支持。