天使原來是男生（舊名：魯莽天使）[小甜][變身][男變女][籃球]: 42
~「…小姐...，你慢慢再試多次。」有個女職員見我咁耐都出唔到離，
所以行左埋離。
「...哦...。」我而家驚到手都震埋呀。
「....er....小姐你等一等先。」死啦，
佢吹雞啦.....死緊啦我....嗚嗚...救命呀。
過左幾分鐘之後，有個好似高級小小嘅男仔走左埋離。
「小姐...麻煩你跟一跟我地入去，例行檢查一下。」
個男職員而家打開左個閘放左我出離。
嗚嗚....我唔想比人拉呀。
「...唔知咩事呢...佢係我學生離架?」卜sir....救我呀....。
「…冇....例行檢查姐...放心啦，好快架咋....你地喺登機口等佢啦。
「…咁....子欣你自己小心啲啦。」卜sir....點解你咁快放棄架....嗚嗚。
我腳震震咁跟住個男職員，由一間房轉到去第二間房，
我都唔知自己轉左去邊啦，最後佢帶左我去一間冇人嘅細房度叫我坐低等一陣，
之後佢就行返出去啦。
而家我坐左喺間房度，好似就離比人判死刑咁.....好想喊出離....唔知點算好。
過左幾分鐘後，終於都有人開房門啦。
「...嚓....。」聽到開門聲果吓，我個心真係好似汪阿姐咁，
離左一離呀。我feel到我心臟有一秒直頭停左咁濟...。
「...等左好耐呀?...」...點解把聲咁熟嘅....我即刻抬頭一望。
「…嗚.....堂姐.....嗚...你嚇死人咩.....。」見到堂姐果吓即刻喊左出離....。
「...做...做咩呀?...我幾時有嚇你姐。」堂姐好疑惑咁問我。
「...嗚....嗚....。」我繼續喊。
「…好啦好啦....傻妹離架....喊咩野姐。」堂姐而家行左埋離攬住我。
「...好驚呀我...冇啦啦比人捉左入離...嗚。」我有啲悔氣咁講。
「...哦....邊係捉姐，我叫啲下屬見到你幫我叫你入離咋嗎。」
堂姐理所當然咁講。
「...咁都應該同我講聲吖嘛。」我繼續悔氣。
「…好啦好啦...對唔住啦...我嘅好妹妹...咁得未呀...。」堂姐而家買我怕啦。
「…咁...做咩事姐。」我而家態度變返正常小小啦，心情亦都平復左。
「…我見你離開機場，咪順便幫你打返個手指模囉...你知啦，
依啲野做返足好啲架嘛...。」堂姐語重心長咁講。
見到佢原來係為我好，我仲點嬲得佢落呢....，
於是堂姐就幫我喺佢間房度打埋手指模啦。
「...搞掂....依家所有野都齊哂啦，冇後顧之憂架啦...放心去玩啦。」
打完手指模之後堂姐講。
就係咁...，堂姐而家送返我返出去啦，佢帶住我，
唔知穿過左幾多條秘密通道，好快就已經去到我地個登機閘口果度啦。
「...小...小欣...。」一軍見到我即刻衝左埋離，而卜sir就跟住一軍尾。
「...madam牙...唔知我學生佢有咩事呢?」卜sir好緊張咁問。
「…哦...冇....我阿妹帶漏左野我拎返比佢咋嘛。」堂姐輕描淡寫咁答卜sir。
「…哦....原來madam你係子欣家姐離嘅.....咁...咁冇野啦，
放心啦...我地學校會好好照顧子欣架啦。」卜sir由頭先好緊張嘅樣，
變到而家成個人鬆一口氣咁。
而一軍就成個人呆左咁企左喺度望住我。
「…咁好啦...阿sir，我個妹就交比你地啦。」堂姐講完之後就轉身走左，
好快就唔知走左入邊條秘密通道度啦。
「...喂....做咩成個人呆哂姐。」我見一軍仲係一碌木咁企喺度，所以問佢。
「…乜...子欣你...有家姐架咩?...」一軍好疑惑咁嘅樣。
「...咩呀，咪上次差館果個姐夫個老婆囉，
你咁快唔記得架。」我扮哂嬲咁講。
「……哦....姐夫...係呀係呀...堂家姐...記得啦。」一軍而家成個醒哂咁。
「...哼....。」我瞇起對眼睥住一軍。
就係咁，總算有過一關啦我，我地全部人坐左喺閘口附近果啲櫈度，
等緊個閘口開門。
而家我成個傻妹咁，好興奮咁四圍望，原來入左閘之後呢，
四圍都仲係好多舖頭買野同食野架...我仲以為一入左去就要上機架添...嘻嘻。
等左一陣，閘口終於都開左啦，我地所有人排住隊咁，慢慢上機，
我地跟返自己手上嘅登機證，搵返自己個位坐。
好野呀...我果個係窗口位離架。
「…咦...點解...。」我好疑惑咁講，而家一軍行左埋離我隔離個位度，
因為我見大部份人都係男同男坐女同女坐咁嘅。
「…er...係檸檬佢話要同我交換架...佢話想同阿亮坐喎。」一軍有啲尷尬咁講。
原來原本坐我隔離嘅係檸檬。
因為想同阿亮坐，所以就同一軍交換左，
真係咁啱得咁橋喎....就係咁而家一軍就坐左喺我隔離啦。
飛機終於都起飛啦，加速果陣我都真係有小小驚...始終係第一次吖嘛，
但係部飛機上到高空之後就冇咩感覺啦，只係隻耳有時會好似塞左咁。
「…小欣。..食香口膠吖...好啲架。」一軍見我係咁拍隻耳，
所以遞左包香口膠比我。
「…唔...唔該。」我答完之後，就接左包香口膠啦。
「...咦...真係冇咁痛啦喎。」我食住香口膠講。
「…hehe...咁咪好囉小欣。」一軍講。
喺機上面，我成個大鄉里咁，依樣又問果樣又問，
一軍都不厭其煩咁一一為我解答。
咦...空姐而家推住部車喺度派緊飛機餐啦，睇睇隻錶，
原來已經起飛左成個鐘，而家差唔多中午十二點半啦。
「…先生小姐...想食雞肉定魚呀?」空姐好有禮貌咁問我地。
「...er....小欣你想食咩呀?」一軍問我。
「…er..咁牙....雞吖。」我猶豫左一陣答。
「...咁一雞一魚吖唔該。」一軍同空姐講。
之後空姐就放低左兩個餐喺我地枱面啦。
「…今朝先食完魚咋喎，又食魚一軍你好鍾意食魚架?」我問一軍。
「…唔係呀，因為我覺得小欣你應該兩個都想試吓，
所以咪叫魚等你兩樣都有得食囉。」一軍講。
點解一軍會知道我心入面諗緊咩架?我真係兩樣都想試吓囉。
就係咁一軍係咁分啲魚比我，我見佢分我又分返啲雞比佢，
所以大家都可以試哂兩樣囉。
食完飛機餐之後，可能飯氣攻心啦，好快我就恰著左。
「...小欣...小欣....醒啦...到左啦。」係一軍...佢叫醒左我，
我feel到我仲流緊口水，所以即刻用手抺左一下。
之後我地就好似頭先上機咁，一個跟一個排隊落機，
之後就過關啦。
攞完行李，我地就一齊推住行李行左出去桃園機場客運大樓....。
我....我終於都離到台灣啦......yeah。 我地跟住卜sir，慢慢行到出去出面，好似係旅遊巴等候區。
卜sir行離行去，我地就成班人企哂喺度....，
等左一陣卜sir終於都企左喺一部旅遊巴前面揮手叫我地埋去啦。
原來卜sir一早就book左部旅遊巴，我地全部人上哂車之後，
部旅遊巴就開車啦。
喺車上面卜sir同我地講，而家我地去酒店check in放低哂行李先。
之後就會出發去(南山高中)。
「...南山高中...。」一軍叫左出離。
「...係...今次同我地交流嘅學校就係南山高中。」卜sir答一軍。
「...做咩咁大反應呀？」我問一軍。
「...哦....南山高中係啱啱拎左hbl台灣高中籃球聯賽總冠軍嘅球隊離架，
實力真係高到離哂譜架，不過小欣你啱啱喺台灣返離都應該知架啦。」一軍好緊張咁講。
「...er....聽過吓啦...哈哈。」我冷笑左一吓。
....其實我又真係上網睇過吓嘅...因為之前都唔知會去邊間學校做交流，
所以都有上網了解吓佢地今年嘅高中聯賽，
亦都知道冠軍係南山高中而亞軍就係松山高中。
唔知搭左幾耐之後，我地就到左酒店啦，係西門町附近呀，
因為啱啱經過左西門紅樓冇耐，所以我知道。
間酒店個門口呢，都幾大幾靚架喎，對住大馬路，隔離就係西門捷運站都幾方便吖....，
我地拎齊哂行李就跟住卜sir行左入去酒店大堂。
嘩....入面原來仲靚過出面呀，好有時代感，好金屬feel，
我地坐哂喺梳化度等左一陣，卜sir同miss cheung就搞掂哂啲野返左過離啦。
佢幫我地分配好房之後呢，就帶我地上房啦...yeah。
當然係男還男女還女啦....嘻嘻，卜sir就帶班男仔，而miss cheung呢，
就帶住我地上去，我分配左同kimmy一間房，而表妹呢就同檸檬。
我同kimmy放好哂行李之後，就落返去大堂集合啦。
我地上返頭先部旅遊巴，之後就向我地嘅目的地(南山高中)進發啦。
原來間學校又唔係離我地好遠喎，我地開左車好似十幾分鐘左右，
過左一條橋之後再過多幾分鐘就到左啦。
間高中呢，比我想像中大呀，成間大學咁....，我地部旅遊巴直接車左入校園入面，
開到去一個好似停車場咁嘅位置停低左，之後我地就全部人落哂車啦。