天使原來是男生（舊名：魯莽天使）[小甜][變身][男變女][籃球]: 25
~食完飯之後堂姐堂哥就一齊走左，而我呢...，梗係沖返個靚涼先啦，琴晚喺醫院都冇沖過涼，
而家覺得自己好污糟添。
最衰屋企冇浴缸啦，好想浸浴呀，有啲掛住kimmy屋企個浴缸添...，依家唯有沖住花灑先啦。
我又好自然咁除低哂所有嘅衣物，行左入企缸度。其實我一早已經習慣哂，
對住自己女性嘅身體已經冇咩感覺，而家嘅我同兩個月前，身形一啲都冇變過，
係個胸好似又大左小小姐。
「...吖....好舒服呀...。」熱水又再一次咁由我長長嘅秀髮，慢慢流到落全身。
「...如果...禍與福都躲不過~就每天當沒明天~捉緊愛人過~將生活還給我~」我又開始開我嘅浴室演唱會啦，
而家做左女仔之後我沖涼都耐左好鬼多囉，以前試過最快紀錄係無記劇集間嘅廣告時間內沖完，
嘻嘻...因為果陣好似追緊套飛虎，所以賣完廣告前已經仆到咁出返離。
但係依家呢，起馬要沖八個字囉，浄係洗頭要搽勻哂個頭已經搞我幾分鐘啦，
之後又要過水，又要護髮喎，仲有洗面呢，我算好架啦平時我都唔化妝嘅，
所以唔洗落妝，之後就係捽皂液，以前求其捽幾吓就算數，而家呢....緊係唔可以馬虎啦，
一陣啲皮膚差哂點算喎，全身每個角落我都捽勻哂咁濟架，最後就係洗重要部位啦，
er.....我唔想臭吖嘛，所以咪買左啲專用離洗果度嘅(洗陰水)用囉。
我上網睇過啦，因為原來做左女仔之後呢，下面成日都有好多分泌物架，
又有白帶喎...，唔勤啲清洗點知會唔會有細菌架。
好啦終於都沖完涼啦，今日用左半個鐘算好快架啦，之後我著返好哂睡衣，
行返入睡房坐左係電腦枱前面，風筒呢?....吖...搵到啦，係呀...未完架，
依家有一把長長嘅秀髮要吹返乾佢起馬又要用多廿分鐘.....，之後仲要幫塊面搽返啲保濕喎，
嘻嘻....係咪好麻煩呢....不過我已經習慣哂架啦...，好啦...終於都搞掂哂啦，可以訓啦。
我攤左上床，大字形咁訓喺度。吖...真係舒服啦，都係自己屋企張床最舒服，今晚終於可以訓覺好啦.....。
一軍.....原來...你....，唔係衰人離嘅...，一開頭我真係怪錯左你....對唔住呀.....諗諗吓，
我又訓著左啦...而且今晚真係訓得好舒服....我一覺就訓到第二日差唔多中午時間自然醒。
因為醫生比多左幾日病假我，所以今日都係唔洗返學，我百無聊賴咁坐係屋企度上網，
睇下討論區咁，唔知點解依家我成日都會睇啲女性討論，教人點護膚呀，今季興著咩呀果啲，
睇吓睇吓，唔覺唔覺又四點啦，泳琳放左學之後上左離搵我，我地一齊落左樓下商場食下午茶，
食完就無無聊聊咁喺商場行吓。
「…子仁牙...，你想要啲咩生日禮物呀?。」泳琳一路翹住我行一路問我。
「...吓...er...，其實小琳你送咩我都鍾意架啦。」我講。
「...咦...，又係依啲模稜兩可嘅答案。」泳琳好悔氣咁答。
「...哈哈...，咁係吖嘛...。」我笑笑口咁講。
「…咁叫人買咩好喎。」泳琳好苦惱咁講。
「…係呀...，阿成已經買好哂(哈佬喂)果啲飛啦，買左十月廿五日今個星期五晚，
佢地諗住當晚係果度同你倒數喎。」泳琳講。
「…哦...是但啦。」我答。
我地喺商場度行左好耐，泳琳又發揮佢(shopping鵰那星)嘅本色，喪買.....。
「好啦，好啦。再買就破產架啦。」我跟住泳琳後面同佢講。
「…嘻嘻，睇多幾間啦，子仁。」泳琳陰陰嘴笑住講。
點算呀...點算呀....，泳琳就離買到我破產啦...，不過見到泳琳開心...，其實都值得嘅...。
「…喂...，小小。」邊個叫呢，把聲好熟喎。我同泳琳一齊回頭望。
「...家...家姐。」泳琳答。 原來係敏姐，佢依家行左埋離我地度。
「...shopping牙你地?...屋企就開飯啦喎，叫埋小欣上離食囉。」敏姐同泳琳講。
「…er...小欣你...ok嗎?」泳琳望住我問。
「...er....好...好吖...哈哈。」我冷笑左一吓。
「....就咁話啦，行啦...。吖...去珍記買碟咕嚕雞球先。」敏姐推住我地兩個行。
好彩撞到敏姐，如果唔係實破產都得啦，但係跟住落離又要再面對泳琳嘅屋企人啦....。
我跟住敏姐同泳琳嘅背影，戰戰兢兢咁行，越唔想咁快到，但係十分鐘嘅路程一轉眼就過，
望住泳琳屋企門口，一個熟悉又陌生嘅地方，敏姐開門之後我同泳琳就跟住入去。
望住屋入面嘅傢俬，同泳琳嘅回憶不斷湧現，果張我地經常坐嘅梳化...我發卑氣整花左嘅櫃....，
....泳琳張床...。我對眼開始紅...，唳水已經偷偷流出，依一點一滴嘅回憶，係感慨唳水而唔係傷心嘅唳水。
「...小...小欣...，你冇野吖嘛。」泳琳眼定定咁望住左我。
「…冇...冇野，吹沙入眼姐嗎。」我強忍住唳水答泳琳。
之後我同泳琳坐左喺梳化，敏姐就去左廁所，而泳琳阿媽就喺廚房度冇出過離。
泳琳而家攬住我條腰，個頭挨左落得個胸度睇電視，其實依個動作我都覺得冇乜野姐，但係...。
「...咳...咳...。」係敏姐，佢啱啱喺廁所出返離，扮咳好似想叫泳琳收斂小小。
「...er.....吖...我都急急地，去廁所先。」我見泳琳冇咩反應，所以扮去廁所行開。
之後敏姐都同我打左個眼色表示唔該。就係咁，我去完廁所出離敏姐已經坐左喺泳琳隔離，
而我呢...坐左係電腦枱前面撳吓電腦咁囉，點知...突然聽到開門聽。
「...~小小~...。」係泳琳阿哥，佢應該係啱啱收工返離。
我自然反應企左起身，因為部蘋果電腦好似係阿哥嘅。
「...er...唔...唔緊要你...繼續玩啦。」泳琳阿哥面紅紅咁同我講。
「...哦...。」我細細聲答佢，之後坐返低。
其實泳琳阿哥都係好nice嘅人，所以對住佢都冇咩壓力...真正嘅考驗仲未到呀...。
泳琳阿媽終於都喺廚房度行左出離，行左埋飯枱度準備開飯，而敏姐就即刻幫手入廚房拎啲餸出離。
~叮噹...~時間啱啱好，泳琳阿爸返到離。
「好急呀...好急呀。」琳爸一入到屋就衝左入廁所，到佢去完廁所出返離之後，就坐左埋飯枱度。
「...咦...。」佢終於留意到我啦。..死啦死啦，好驚添，泳琳阿爸個樣係好嚴肅好惡果啲，所以我都唔敢正視佢。
「…咦咩姐，開飯啦。」琳媽打斷左琳爸，而家拎哂啲餸菜出離啦，
泳琳同敏姐兩個夾住我住，而兩老就坐喺我對面。
「…好香喎，咩湯離架。」琳爸索一索個鼻問。
「…唔啱你飲架，當歸呀。」琳媽大大聲咁對住琳爸講。
琳媽舀左一碗比敏姐，一碗比泳琳。
「…拿...小欣你都補吓啦，對女仔身體好架。」原來我都有份，好感動呀，
琳媽舀湯我飲，不過點解男人唔飲得嘅???
「...唔...唔該，伯母。」我口窒窒講。之後就接左碗湯。
...咦...又幾好飲喎，藥材湯其實都ok架喎。
咦...點解...點解...uncle望住我嘅...。佢而家直頭係眼都唔眨咁....點算啦，
...我拎住碗湯dup低左個頭飲...。
「……妹妹你...咁熟面口嘅...。」uncle而家好疑惑咁望住我，好似諗緊野咁。
唔會係認得我係子仁掛.....好大獲架喎。
我繼續將個頭dup得更低，低到個鼻都掂到碗湯咁濟。
「...喂...，唔好見到靚女就認親認戚喎。」琳媽想打斷佢。
但係唔成功，uncle已經up到去嘴脣邊啦。...點算呢...，唔通再穿崩...。
「……吖...，我記得啦，林峰條女呀。」uncle終於講到出口啦，真係嚇一跳，
好彩姐，不過我都唔知林峰條女係邊個囉。
「…er...睇真啲。。.係有小小似嘅，不過唔係佢囉老豆。」敏姐答uncle。
之後食飯uncle仲係死心不息，不停話我似...，好衰唔衰，
電視啱啱做緊東張西望喎，咁啱又真係訪問緊吳千語喎....頂。
「...拿....係咪呢，都話似架啦，睇吓....喂...睇吓。」uncle好興奮咁講。
其他人冇回應佢，只係留意訪問內容，記者問緊佢生日同林峰去邊度過。
「…小...小欣，原來佢十月廿七日生日架....，同你差一日咋...。」泳琳好驚訝咁同我講。
「…er...係囉係囉...嘻嘻。」我答。....有幾奇姐。
就係咁，成餐飯uncle就不停講，琳媽亦都冇咁黑面，氣氛亦都冇咁拘謹，我可以放鬆返啲啦，
不過我覺得uncle其實唔知我同泳琳嘅關係架...。
食完之後坐多陣我就返屋企訓覺啦。
之後果日都係好無聊咁係屋企過.....，星期五話咁快就到啦。
今日我都係訓到十一點幾自然醒嘅，如常咁刷牙洗面....突然...。
~金線刺繡的歌詞~命中要奉獻他淪為謊話~天宮早變敗瓦~真絲化做亂麻~
....電話鈴聲響起。
咁早邊個打比我呢?...泳琳佢地返緊學，冇理由係佢地吖...，唔通係堂姐?
我行返出廳，拎返起部s5。
「...喂...。」到底邊個呢。
「…~早晨...係咪子欣呀。」有把男人聲叫左出離。
「…吓...。」我答。
「~我係森美...。」男聲講。
「~我係小儀呀。」女聲講。
「...我地係叱吒903打離架。」男聲講。
「...吓...唔係掛...。」唔通係...電話騙案，...不過果兩把聲，又真係好似係佢地喎...。
「...妹妹，你唔洗驚，我地唔係問你攞錢嘅，哈哈...唔係順豐快遞囉...哈哈哈哈，放心。」疑似森美一路講一路喺度大笑。
「…吓....做咩呀。」我驚驚地咁問。
「...你做緊咩呀。」疑似森美問。
「…吓...，洗面刷牙囉。」我答。
「...咦...唔洗返學咩?」疑似森美問。
「…病...假。」我口窒窒咁答。
「…哦...咁要休息多啲啦喎，係呢...依家有冇拍拖呀?」疑似森美問。
「...吓...冇喎。」我好驚咁答。...唔通話同個女仔拍緊咩。
「咁有冇鍾意嘅人呀。?」疑似森美再問。
「...er...真…真係冇...。」我驚到口都窒埋。
「…唔洗驚...，又唔係食左你...吖。...係咁嘅...有個男仔就打電話上離電台，
就話鍾意左你好耐，咁你有冇覺得身邊有人對你有意思呀...。?」
「...吓...冇喎。」...我答。
「...聽講你打籃球架喎，我最鍾意打籃球嘅女仔架啦...哈哈..，
哥哥我以前都打籃球架!!!會唔會係啲打籃球嘅人鍾意你呀...?」疑似森美問。.....
「…嘻......你仲係哥哥...?」疑似小儀話佢。
「...喂....你幾十歲都成日叫人叫你做姐姐啦....姑媽。」疑似森美反擊。
「...點呀，小欣...有冇姐。?」疑似森美繼續追問。
「…真...真係...冇喎。」…唔...唔通係一軍?
「...咁冇辦法啦，我比佢自己同你講。」疑似森美話。
...死啦，如果真架一軍...點算呢...。
~「...掛住...你嘅人...係。」特效聲。
「…好啦，阿恆...小欣係度啦，你自己同佢講啦。」疑似森美講。...阿恆...唔係掛。
「...小欣...生日快樂呀。」係...係肥恆。條友玩到咁大呀...打上電台...。
「…er....聽日先係喎。」我答佢。
「...~哈哈哈哈...想笑死人咩阿恆...聽日先係喎。」森美一路大笑一路講。
「...er...小欣呀，同你識左咁耐，我發覺我真係冇左你唔得呀...以前我地一齊上一齊落，
一齊開心一齊笑一齊喊...，直到今時今日，可唔可以比多次機會我呀...?...」肥恆一輪嘴講左一堆野出離。
「…肥恆呀....sorry呀...唔...得。」我口窒窒咁講。
「~也許相戀這條路~擠迫的懷抱~不夠讓我高攀進內才摔倒~」突然起歌...，我忍唔住cut左線。
點解肥恆仲係 明知不可為而為之 架，今次仲要玩到上電台，下次都唔知又會搞邊科囉...。
「唔好理啦，唔好理啦，今晚去玩應該開心啲，唔好諗啲唔開心野。」
冷靜落離之後，我都係無無聊聊咁係屋企上吓網，等到四點左右泳琳放學先一齊落樓下食下午茶，
食完我地喺附近行一陣等埋表妹我地就出發去海洋公園啦。