天使原來是男生（舊名：魯莽天使）[小甜][變身][男變女][籃球]: 89明日之後
~果晚之後...我同一軍嘅關係變得更加密切，
大家可能好想知道我地果晚嘅事發經過或者結果到底係點，
嘻嘻...但係...依個係我心底裡嘅秘密不能與人分享。
時間過得好快呀，眨吓眼已經去到學期尾啦...，一軍嘅dse亦都順利完成，
嘻嘻...希望一軍可以考得好啲啦，唔好浪費左我辛辛苦苦陪佢一齊溫書嘅時間呀。
唔洗返學嘅日子，我就痴住一軍吃喝玩樂，一軍放榜前兩日，
我地仲同埋kimmy...阿成...表妹...泳琳佢地一齊去左澳門玩左兩日一夜添...。
阿成話間酒店佢老豆有份投資架喎，幫我地拎哂啲靚房，間房大到可以訓 十幾人都得囉，
而且仲有個好似泳池嘅浴池喺房中間，房入面嘅飲品小食都係任食架囉...正呀。
下午時間我地就喺酒店嘅水上樂園度游水，
而夜晚呢...我地就喺酒店嘅餐廳食自助餐...。
依度啲蠔唔洗排隊架...我又可以喪食冇面比啦...yeah。
食完之後呢，我地偷偷地試吓入賭場喎，嘻嘻...泳琳行到門口附近已經驚到轉身走左，
而kimmy同阿成呢...個樣實在太細個啦，喺門口比保安截停左，而我同一軍加表妹呢...
可能夠高啦...嘻嘻...成功潛入...，之後我地同表妹分開玩。
第一次入賭場真係眼界大開呀，依度咩野都有得玩囉，但係啲枱就真係好q貴呀...
最小都要買四百蚊，最後我同一軍因為驚比人發現，所以行埋左去一角嘅角子機同大細機度玩，
果啲大細機好搞笑架喎，機入面有三粒好鬼大粒嘅骰仔...，入左錢呢...㨂好買咩，
之後一軍再撳一撳個制，啲骰就會彈到高一高咁....笑到我肚痛囉。
啲人成日話第一次入賭場就多數一贏錢原來係真架，我同一軍最後係贏左....嘻嘻...三百蚊，
喂...喂...喂...唔好嘘我住先，咁人地仲係學生離架嘛，係賭一百幾十蚊架啦...。
之後我地撞返表妹，表妹竟然話冇賭過喎，嘻嘻...佢仲細細聲喺我耳邊講話...
果次之後呢...學識左理財喎...而家唔會亂洗錢架啦...，估唔到難得入到離賭場都唔賭返幾手
...表妹...已經去到第二個境界啦...勁呀。
離開賭場之後呢，我地join返佢地一齊去左海邊放煙花呀...，
其實都係阿成同一軍兩個放，而我地其他女仔都係企開睇姐...，
不過啲煙花真係好靚...我同一軍又再一次經歷一樣未玩過嘅野啦，
希望日後會陸續有離啦。
到左第二日，我地去完官也街食早餐之後呢，就四圍去買吓啲手信咁...，又去左漁人碼頭喎，
嘩...果度呢...真係勁噏dup囉...我諗我地樓下屋邨擺嘉年華會都pro過佢囉...啲野殘殘舊舊咁...
攤檔擺喺度啲野食好似擺左好耐咁...睇見都想嘔啦，你仲話叫我食喎，零分返去自己檢討吓啦。
歡樂嘅時光過得特別快，澳門之旅話咁快就完結左啦。
返到香港之後呢，一軍就收拾心情準備迎接放榜啦。
放榜日隨即到達，今日我一早就陪一軍返到學校等派彩啦，
學校今日人 頭湧湧呀，除左中六學生之外呢，仲有好多學生家長都離左，
而家喺籃球場度行行企企咁，大家都等緊拎左成績單嘅仔女出離，
而我同kimmy呢，亦都一樣坐左喺籃球場啲長櫈度等緊我地人生中同樣都咁重要嘅人。
「…阿嫂...放鬆啲啦，阿哥成績一向都好好應該冇問題嘅。」kimmy搭一搭我膊頭講，
因為我而家緊張到流哂汗咁，嘻嘻...其實可能係因為天氣太熱姐。望住不斷有學生走出離，
有人興高彩烈咁同家人慶祝，有人就垂頭喪氣咁同家人抱頭痛哭，而我同kimmy呢...，
望到個門口實一實，當有人走出離嘅時候我地都希望依個人會係一軍...。
等左大約半個鐘之後，一軍終於都行出離啦，睇離相當輕鬆，
但係個樣又好似目無表情咁...咦...估死人咩...。
「…點呀...。」我同kimmy都異口同聲咁問。
「…er...比預期中差小小囉。」一軍答到模稜兩可咁...真係心急死人啦。
「...攞離睇吓。」我一手就搶左一軍手上嘅成績單過離，
之後即刻同kimmy兩個金睛火眼咁...開始掃描啦。
「…五...星星...五星...四...四...五...咁即係點呀。」
er...其實我唔係幾睇得明...但係聽講五星同五星星係勁野離架喎。
「…嘻嘻...阿哥好野!!!」kimmy開心到大叫左出離，咪住先...咁即係點姐???
「…kimmy牙...我唔明喎。」我依家o哂咀咁望住kimmy都唔知佢笑咩。
「...阿嫂你唔洗明架，總之阿哥就考得好好啦，一定入到心儀大學呀!!!」kimmy攬住我講。
「…吓...真嘅???」我望住一軍問，到依家我先如夢初醒咁開始識笑......。
「…嗯...。一軍點一點頭，開始面露笑容啦。」...好衰囉...頭先都唔知係咪專登嚇人架。
「…比你嚇死啦...衰人，...又話考得唔好。」我攬住左一軍扮哂嬲咁。
「...咁真係比我預期差小小吖嘛。」吖...一軍個衰人仲要兜喎。
就係咁...一軍好順利咁入到香港大學，
而聽講呢...亮哥同檸檬兩個拍住一齊入左浸大添。
日子繼續咁過，好快又到左新嘅學年。
雖然我唔可以喺學校見到一軍，但係一軍就經常離接我放學，
就算接唔到放學，我地都會一齊食晚飯或者打波。
吖...係呀...唔記得講添...一軍呢...依家讀大學之餘仲開始左佢嘅甲一生涯，
開學無幾耐佢就加入左甲一球隊安青同世邦亮哥三個又做返隊友啦。
除左甲一之外仲要打大專賽喎，有時我真係覺得一軍好痴線架...
點解可以同時兼顧到咁多野之餘都仲有時間陪我喎...真係唔係咁多人做到。
日子繼續過...每日就係返學放學返學放學周而復始咁，雖然好似好刻板咁，
但係當中亦都包含左好多生活嘅情趣。
我老豆開始接受左一軍啦，開始當佢係自己人咁，而一軍上離我屋企訓，
亦都越離越頻繁...我地嘅關係進一步成為到好似屋企人咁，而我身邊亦都再冇奇怪事發生，
終於可以歸於平凡啦...我嘅故事亦都再冇咩好講...至於我嘅將來呢，就等命運去決定啦...。