天使原來是男生（舊名：魯莽天使）[小甜][變身][男變女][籃球]: 66
~「...對唔住呀....小欣，果日我只係想一軍離開你，
無諗到你會為左一軍自殺架...。」去到後樓梯，泳琳忽然好內疚咁同我講。
「…算啦...，紙係包唔住火，一軍遲早都會知，
更何況一軍到最後都冇介意我嘅過去....。」我講。
「…小欣...你真係冇嬲我?」泳琳繼續問我。
「...冇呀...，咁泳琳你...又點呢?」我反問泳琳。
「...果日小欣你走左之後，一軍同我講就算小欣你以前係點都唔會介意....，
經過果晚之後....我已經諗通左啦，只要小欣你幸福...我就開心架啦，
更何況...我地雖然做唔成情侶姐...學你話齋，我地可以做好姐妹架嘛。」泳琳講。
「…泳....琳...。」我攬左泳琳一野。
「...係呢...點解小欣你今晚會無啦啦上離嘅?」泳琳問我。
「...er...其實係芝姐叫我上離食飯嘅。」我答。
「...吓...芝姐唔係唔鍾意你架咩?」泳琳有啲驚訝咁問。
「...er....一陣你就會知點解架啦，不如我地返入去先講啦。」我講。
「…哦...好啦。」泳琳笑返啦，希望佢真係諗通左啦。
返到入屋之後，我同泳琳就一齊坐左埋電腦枱度玩電腦，
到咁上下泳琳老豆就返左離啦。
「…嘩...今日咁齊人嘅...，咦...小欣...好耐冇見啦喎。」泳琳老豆一開門就講。
「…嘻嘻...，uncle你好。」我講。
「...又聊女仔...快啲洗手之後幫手開飯啦。」妹姐...行左出離準備開飯啦。
「...小欣...我煮左你最鍾意食嘅蠔餅呀!」妹姐笑住口咁同我單哂眼，
唔會仲係以為我同俊哥行埋緊吖嘛?
「……er...多...多謝...。」我冷笑住咁回應，
等泳琳老豆去完廁所出離之後呢，就開飯啦。
食飯果陣...泳琳繼續同我有講有笑，
俊哥就同芝姐繼續sweet，到差唔多食完飯果陣。
「...er...我有啲野想同大家講呀。」俊哥行左去雪櫃拎左個蛋糕出離。
「…咦...喂...邊個生日呀?」敏姐見到個蛋糕盒仲以為有人生日添。
「...er...唔係有人生日呀，而係...」俊哥邊講邊打開個蛋糕盒。
「...wu...個蛋糕好靚喎，邊度買架?」敏姐一望到就即問，但係過左幾秒之後。
「…wu...大佬。..你得左啦?」敏姐終於都留意到蛋糕上面寫左嘅字啦。
「…嘻...係呀...阿芝應承左嫁比我啦!!!」俊哥拖住芝姐好開心咁講，
而芝姐呢...就面紅紅咁坐左喺隔離笑笑口好尷尬咁。
「...小欣...係咪...?」泳琳望一望我，喺我耳邊細細聲問。
「…嗯...。」我嗯左一下。
「...今次...我要多謝小欣...，因為個蛋糕係小欣偷偷地教我整嘅，
如果冇依個蛋糕，我都冇咁大嘅勇氣向阿芝求婚。」俊哥好感動咁講。
「…嘩...乜原來小欣整蛋糕咁叻架?我老公下次生日都搵你教吓我先。」敏姐好興奮咁對住我講。
「…嘻嘻...。」我繼續冷笑，大佬今次都搞到獲泡咁...唔好再離好喎。
之後妹姐就幫我地分左個蛋糕離食，分緊果陣呢...
我見到妹姐個樣其實唔多開心咁囉....而泳琳阿爸呢...亦都冇咩特別喜悅咁。
「…嘩...個蛋糕唔止靚，原來仲ok好食喎。」敏姐邊食邊講。
「…嘻嘻...全靠小欣師傅教導有方姐。」俊哥面紅紅咁講。
「...洗乜講...你當小欣流架。」泳琳搭咀。
「…er...都要俊哥比心機學先得嘅...嘻嘻。」我緊係推返個波比俊哥啦。
閒聊多陣之後，我就自己一個返屋企啦。
返到去我第一時間執拾一下廚房，放返好哂今日整蛋糕嘅用具，
因為聽日老豆就返離啦，所以我要盡量整乾淨啲屋企，
等老豆返到離會有個好啲嘅印象啦。
我拖完地之後就....跟手抺吓啲牆咁....搞到成十一點幾，
我除哂啲污糟衫褲落離開機洗之後，先得閒去沖涼咋。
沖涼果陣...我不斷喺度幻想聽日老豆返到離見到我嘅反應。
狂想片段(1)
「...hi...我係你個女呀...老豆。」
「…我冇啲咁嘅蝕本貨呀...你同我扯!!!」
狂想片段(2)
「...老豆...我就係你個仔...子仁呀...哈哈...哈哈。」
「...你覺得好好笑咩?...你笑我冇左個仔同我傳宗接代牙?...同我躝!!!」
狂想片段(3)
「…老豆...你個仔變左個女呀...恭喜...恭喜...。」
「...仲恭喜?信唔信我掛你喺皇后象廣場門口鞭屍呀...同我轆開...。」
狂想片段(4)
「…er...老豆牙，你個仔呢...因為一啲原因由男仔變左做女仔喎。」
「…你老豆湊大你咁辛苦，你個衰仔竟然走去做陰陽屎忽鬼，同我拖出去斬!!!」
唉...點講都係死嘅...，好驚呀....老豆唔好趕我走呀!!!
沖完涼吹埋頭之後，我晾埋啱啱洗完嘅衫就返入房招牌動作大字形咁攤左喺張床度...，
我單手拎起左個電話打比一軍。
~嘟嘟....~嘟嘟...~
「...喂...小欣。」一軍接聽左電話。
「...豬豬...有冇掛住我呀?」我好溫柔咁講。
「…哈哈...真係講都唔信呀，我諗住打比小欣你，
點知一拎起部電話，小欣你就打離啦。」一軍笑笑口咁講。
「...咁有緣....嘻嘻，係呢...個蛋糕...好唔好食呀?」我笑完之後問。
「...緊係好食啦，kimmy個衰妹呀，開頭仲以為我喺tony wong度買嘅添呀，
之後我講比佢聽係小欣你整嘅，條衰妹當堂嚇左一跳，然後就喺度笑。」一軍無啦啦又喺度講對白喎。
「…㖿...冇理正經，講真啦。」我講。
「...真架...個傻妹真係喺度笑吖嘛，不過係笑住係咁講好食姐，
仲食到奶埋隻碟咁濟添呀!」一軍講。
「...哈哈...hehe.....!!!」我幻想緊kimmy揸住隻碟起勢咁奶果個樣就真係忍唔住笑囉。
「…笑咩呀...小欣?」一軍有啲疑惑咁問我。
「…heh...冇野...諗起kimmy食蛋糕個樣姐，
有時真係忍唔住笑。」我忍住笑喺度扮特首講野。
「...吖...原來小欣你...都幾搞笑架喎，以前都唔知添。」一軍講。
「...嘻嘻...係架...我最鍾意搞難gag同背對白架啦，唔講你唔知喎，
當年我喺facebook(我愛周星馳)遊戲入面拎個世界冠軍添架...勁唔勁先?」我好興奮咁講。
「…係啦...係啦...小欣你最勁啦。」一軍講。
「…嘻嘻...緊係啦，...唉...。」我由開心嘅心情忽然變得憂慮。
「...做咩突然唉聲嘆氣呀...小欣?」一軍問我。
「…唉...聽日老豆就返離啦，我都係唔知點面對呀。」我嘆左一口氣講。
「…如果小欣你係驚嘅話，一係等我代小欣你講囉。」一軍講。
「...一陣我老豆打你咁點算喎!!!」我有啲悔氣咁講。
「…咪由得uncle打囉，可能佢打完我一身之後會接受呢?」一軍講。
「...唔得呀...我係唔會比人打你架。」我有啲嬲咁講。
「...咁牙...其實我覺得小欣你應該要向好果邊諗吓啦，
你老豆都未必一定會唔鍾意女嘅...係咪先?」一軍好溫柔咁講。
「…唉...上次同佢傾電話，我專登試吓問吓佢鍾意仔定女多啲，
老豆當時諗都唔洗諗就答左仔啦...話可以傳宗接代喎。」我繼續擔心咁講。
「...咁...女唔可以傳宗接代架咩?」一軍反問。
「...都唔係姓周...點傳宗接代姐。」我有啲悔氣咁答。
「...咁第時我地生個仔改姓周咪得囉。」一軍講。
「…痴線...咁即係叫你入聚姐，唔得...我唔會咁做...。」我有啲激動咁答。
「...拿...小欣...唔好諗咁多啦，你試吓合埋眼深呼吸，然後呢…就同自己講，
吖...依個世界真係美麗啦，吖...啲空氣真係清新啦...咁睇吓會唔會好啲。」一軍講。
「...er...真係要講牙?」我好疑惑咁問。
「...試吓啦...小欣。」一軍講。
「...咁...好啦...，吖...依個世界真係美麗啦，吖...啲空氣真係清新啦...。」
我真係戇居居咁跟住一軍講多次囉。
「...哈哈...哈哈，小欣你咁都信。」一軍見我跟住講，忽然大笑起離。
「…一軍...你...玩我。」我對住大笑緊嘅一軍真係唔知好嬲定好笑啦，
唉...不過比一軍整蠱完之後個人又好似真係冇咁緊張嘅...。
「...嘻嘻...依家係咪好啲呢?」一軍講。
「…嗯...。」我嗯左一聲。
「…咁就早啲休息啦...傻妹，唔好諗咁多野啦，總之呢...要驚就兩份驚啦，
聽朝一早我會上離你度陪你一齊面對...知唔知。」一軍講。
「…嗯...。」我嗯完之後就收左線啦，之後我繼續攤左喺度諗野，
講真話唔諗就唔諗咩...邊得架...，最後我喺將床度典到三點幾先訓得著。