《血變異》:女皇篇 ---- 吸血鬼和狼人是一種病: 第四章

距離星期六還剩兩日，期間還有工作要做，就是『血變異監察組』的日常工作。『血變異監察組』是以一對「夥伴」為一個小組行動，主要工作是收到電話或短訊後到指定地點進行監察，多半是有「狼人」或「吸血鬼」死去，或是「吸血鬼紅燈區」有人被吸血致死，盡是一些令人反胃的事。我和梓駿收到訊息到了現場，看見四周都是警察包圍，一名警長走到我們身邊。
 
警長「Hi！好耐冇見！」
我「唔好玩啦！前日先見過面咋！今次又咩事？」
警長「就係成日見到悶先咁玩咋！今次係有「吸血鬼」咬死左隻「狼人」……」
我「兩犯中曬，咁隻「吸血鬼」呢？死左未呀？」
警長「佢想死架喇！但比我地阻止左……而家係二樓，唔知鎖得佢幾耐。」
我「咁仲唔帶路。」
 
上到二樓，打開房門就見到有一位只穿著內衣的女人被鎖鏈鎖在椅上，口裡塞著毛巾，大概是警員害怕被她咬到，因為「吸血鬼」的回復能力太強，咬舌自盡根本冇可能。梓駿拿走中她口中的毛巾，她露出兇惡的目光，想向梓駿吐口水，可能毛巾已吸乾她口中水份，什麼都吸不出。




 
我「點解殺「狼人」？」
她「唔係佢地，我唔會變成「吸血鬼」，唔洗係到做雞！」
我「佢唔係你嘅原宿主？」
她「唔係！佢死左好耐！」
我「冇理由要其他人受罪。」
她「有，有理由，只要佢地死曬，就唔會有人好似咁慘！」
我「得你一個做到啲咩！」
她「當然唔止我一個！仲有「吸血鬼」女王，佢會幫我地。」
我「哈！女王，呢度冇皇室制嫁！call警法組人嚟收佢，收工！」




 
梓駿「份報告諗住點寫？」
我「寫有地下組織打算消滅狼人。」
警長「呀！你都係「吸血鬼」，你會唔會被召集呢….(我盯著他)呀…….當我冇講過……收工~~~~」
 
而我心裡很清楚是不會的