《血變異》:女皇篇 ---- 吸血鬼和狼人是一種病: 第三章

調查房一般都很簡單，三張椅、一張桌子和一部攝錄機以拍攝會面過程作紀錄。
 
舒華「請坐！請坐！我去開攝錄機……ok！可以開始！(坐下)今日會面係由代號舒華亦即係我作為你地嘅調查官進行會面。今日嘅「狼人」係莫梓駿，而「吸血鬼」係呂雯，你地好！「吸血鬼」病因為「事故」，兩人過去紀錄良好，有定時輸血，無任何暴力或犯罪紀錄。請問呂雯小姐過去一個月有否因缺血而暈低？」
我「冇」
舒華「請問莫梓駿先生有冇咬其他人或與別人性交或打架？」
梓駿「冇」
舒華「好，而家係日常訪問嘅環節，大家可以放鬆一下，近排有冇特別事發生，例如發病多左？」
梓駿「冇」
舒華「哦，咁工作方面有冇問題，你地好似係監察組成員，應該好多時要接觸屍體同妓女，會唔會有啲唔舒服呀……或者性….」
舒華未講完，梓駿就插嘴「正常人都唔舒服啦下嘩？你試下去……」




我「喂！對唔住，我地工作方面都順利，係的確仲未好習慣啫。」
舒華「哦，明嘅！(手在寫文件)咁今日會面就此完畢啦！你地可以走喇！88！」
 
走出中心，我怒視梓駿
「做咩啫……咁我係好頂唔順個偽善八婆嘛！佢最後個句無非都想知我有冇搞出人命姐！」
「我知！但你都要忍，如果佢一唔滿意我地就要見多條咁嘅偽人啦！」
「得啦！」
「咁你去唔去小學聚會啫？」
「……去喇！去喇！」