封鎖區《Blockade Area》: chapter 2:禁錮
為了不被人懷疑,我同Sam決定搭的士去左我屋企先再作打算
子喻依靠着我的身旁而且還在沉睡中...雖然吾想甘講,但佢同阿妤根本係一樣樣,直頭冇分別一樣...只係聲音吾同左
「人有相似,但真係可以似到甘咩...簡直係同一個人甘...」,坐係車頭嘅Sam望着倒後鏡中嘅我
我望着窗外嘅風景及行人,「我吾知...但我地依然一無所知...而且...」
「嗯?」
「冇野啦…」,我之所以吾講係因為我仲未有十足嘅把握同證據,令我有所介懷嘅除左呢個叫子喻既女仔之外,就係西裝男身上嘅證件...係離開個度我係其中一個西裝男身上揾到一個隸屬某個部門嘅證件...但總覺得好似係邊度聽過...
但我吾明白...佢地點解會想捉呢個女仔...究竟佢又係可方神聖...
「到啦,58蚊吾該」,帶着cap帽嘅司機大叔向着San伸出了左手問道
我立即背着子喻落車,「你俾住先,遲d會還返比你」
「唉…又係我...食屎啦你」,Sam好吾情願甘拎出3張20蚊交比的士司機
我背着子喻走進了大廈...呢個時候我感覺到她輕微動了一下次,「你醒啦..?,仲有冇覺得暈?」
子喻她深呼吸了一下子,再打了一個呵欠,「呢度係...?」
「呃…我屋企樓下」,吾知點解總是有一種特別尷尬嘅感覺...「呢度應該安全好多」
「嗯…放低我啦,我冇事」,然後她從我背上落下來,「吾該你...你...你係...我仲未知你叫咩名...?」
我伸出了自己的右手以表示友好,「艾良生...叫我良生就得啦」
「潘子喻,叫我阿喻就得啦...」,她握着我的右手,「你好呀,良生」
阿喻...阿妤...不論我幾清楚知道眼前呢個人吾係佢都好,我依然阻止吾到自己內心揪住嘅痛楚...
「多多指教...阿...阿...子喻...」
這時Sam走到我的身旁,「喂…你地吾係打算扔掉我一個呀...」
「呢個人叫Sam...」,我隨便介紹下佢便行走了,「行啦...」
子喻只是點了一下頭便跟着我走
「喂…吾係甘隨便呀話...喂...」
然後我們準備進入我屋企,一打開木門個一刻,整間屋都一片漆黑...不過我都已經習慣了,亦hea hea地甘講左句,「返黎啦...」
Sam開着了燈後便問道,「你屋企人呢?」
「呃…佢地要返工...所以只有我一個」
正當我打算關埋鐵閘個一刻,突然間有一隻手抓緊了門柄...並強行扯開鐵閘,我一失平衡向前一跌,眼前看到一雙皮鞋...反應未得切已經被人一下子踢開了...「咳...發生咩事呀...?!」
突然間有幾個西裝男走進了我屋企,並捉住了Sam同子喻...
「喂…你地做乜Q野呀…！」
「放開我呀…救命...嗯…嗯…救...」,子喻被西裝男用毛巾㩒住了嘴巴...而Sam就比人一下子壓倒在地上,彈動不得...
媽的...我用盡全身嘅氣力再次企起身嘅時候突然有個西裝男一棍打向我個頭度...視力一瞬間模糊起來...腦袋一片空白...我立即咬損自己條脷防止自己暈倒...
「我地又見面啦」,呢把又低沉又熟悉嘅聲音...係頭先個個...
佢扯住我d頭髮,「死儬仔...食左我一棍竟然仲未暈,你究竟係乜野構造...」
「切...」,我將口中嘅血連口水一下子吐在他的臉上...「我命硬...呀....咔...」
他一拳揮向我塊面度,而我額頭上嘅傷口亦開始滲血出來...身體完全出吾到氣力...可惡,究竟發生咩事
Sam不斷甘叫着我個名,「良生...放開佢呀...良生...良生....」
「收聲呀！」,他一下子踢向Sam嘅腹部,然後他從背後拎左把電擊槍出黎,並走向我嘅面前,他抹去了面上嘅口水...「𑃁仔...要怪,就怪你自己吾好彩」
他用電擊槍插向我嘅頸度,「啊…！！！！」,電流一瞬間貫通我全身,手腳就好似抽煙一樣全身抽搐着般痛,除左麻痺之外就係無止景嘅疼痛...意識亦開始逐漸模糊...「咔....啊…」
我倒臥在地上...眼皮開始漸漸閉上...
「良生!」,子喻推開了西裝男,並伸出了右手向我求助,「起身呀...良生!」
我亦伸出了自己嘅右手捉緊着她...「子...子...喻..子喻..」
與她十指緊扣嘅呢一瞬間,我嘅腦海將阿妤同子喻重疊起來...可惜呢一刻真是十分短暫,其他西裝男拉開了我們之後,我便被人用布绑住了雙眼...
「良生!良生!」,我聽到Sam叫着我個名...但呢一刻我已經失去了所有氣力反抗...只是感覺到疲累...可惡...
「大佬,呢一個人吾係名單上」,我隱約聽到其中一個西裝男講野...
「打暈佢,之後del晒佢相機d相...走!」
Sam....快d...走...然後我就失去了意識暈倒了...我最後感覺到嘅...就只有自己被人抬走個一刻...
*****
已經吾知過左幾耐...我逐漸睜開了雙眼,身上並冇被人鎖上手扣或者繩之類...亦冇被人遮住雙眼,但眼前依然一片漆黑...「呢度...究竟係邊度」
冰冷嘅地板...我慢慢爬起來,個頭疼得好緊要...「damn，究竟咩事...」
「良生!係咪你?良生...」,此時我聽到子喻嘅聲音係我身旁傳出黎...但四周圍實在太黑,我根本睇吾到佢係邊度
「子喻!係我呀...子喻...」
「良生!係咪你」,突然又有另一把聲音叫我...
「係咪良生把聲?」 「喂!有冇其他人呀」 「係咪有其他人係度」 「係我呀喂!」 「我聽到係良生把聲,仲有其他人係度」 「有冇人聽到呀喂」 「呢度好鬼黑呀屌」 「有其他人係度呀」 「我係呢度呀」 「良生?係咪你呀,係我呀MK呀!」 「喂…！！！！」 「呢度邊度黎架」 「開燈啦揾人」 「你地係邊撚度呀」 「仆街!你踩到我呀」 「咪再撞啦」 「係咪有人呀」 「揾人開下燈啦好冇」 「部電話去左邊呀頂」 「你係乜水呀!」 「良生呢?你係邊呀」 「點解有人識良生架」 「喂!屌!d人呢」 「睇吾到野呀」
我不斷聽到身邊有着好多把聲係度叫我,而且我亦一d都吾覺得陌生....係因為....
咔....嚓嚓嚓
突然間有一般強光係上面照射下來,使四周圍都明亮起黎,但係因為眼睛吾習慣得切,所以我用右手擋係前面,「又咩事呀...」
當眼睛適應返嘅時候...我依然吾相信自己眼前嘅事物...「holy...shit....」
眼前嘅一切並吾陌生,身邊一直在叫我嘅人全部都係我幾乎每日都會見面嘅同學...而呢度...正正是我所讀嘅中學的禮堂入面...究竟發生咩事
「良生!」,此時子喻走到我嘅身旁,「呢度...究竟係邊度...」
「良生!」 「呀良!」 「良生!」
此時有三個人走到我嘅身旁,左邊身穿黑色衛衣嘅人係我同班同學兼死黨wilson(葉易鈢),中間帶着cap帽嘅亦係我死黨MK康(苗鉑康),頭先不斷講粗口嘅人應該就係佢...而右邊戴着眼鏡嘅人就係小k(堇力榮)...
小k望了子喻一下之後再望望我,「你搞咩黎,做咩額頭又包晒繃帶,左邊臉又腫晒甘...」
「呃…頭先...」,突然間我諗返起係屋企被西裝男襲擊嘅事...Sam...吾知佢有冇事,「..頭先被幾個男人襲擊,之後...醒返已經係呢度」
「果然你都係一樣...」,小k一面疑惑嘅樣子,「冇估錯你地應該都係甘...」
「嗯」
「係呀屌...無啦行行下被人捉左上車,屌!之後已經吾撚記得左發生咩事」
四周圍嘅人一樣同返自己平時係學校挽開嘅圈子聚埋一齊,然後討論緊發生咩事...
我打開了窗簾布打算觀望下出面...但係原本係窗簾布背後嘅窗戶被人用鐵板封死了,完全睇吾到出面咩環境...
「睇黎...有人刻意困住我地係呢度...」
小k亦望着四周,「嗯…而且身上嘅電話都吾見埋...而且右手上嘅手環...」
手環?!我立即揭開了手袖,發現右手被人帶上了一個白色嘅手環...而且除吾到落黎...有冇人可以話比我知發生咩事....
嘟....突然間手環發出了嘟的一聲,然後表面着了綠色燈...上面還有一推數字係度
(2183h 59m 54s)
「咩意思...時間定距離?」,睇黎比較似時間倒數甘
子喻扯一扯我件衫...「良生...點解會甘」
所有人都同我一樣一頭窗水,對眼前嘅事物完全一蓋不知情,緊張及疑惑嘅心情都令到我冇辦法冷靜思考,「我都吾清楚...但唯一可以肯定嘅，我地所有人都係同一年級既同學...甘姐係...」
啪...!啪...!啪...!嗡嗡嗡嗡嗡嗡.....繼傳出了三下拍手聲之後,突然有了一下非常之刺耳嘅咪高峰聲...然後全場靜了下來...一同望着企係台上面嘅太陽面具男人...
台上呢個男人戴着一個左邊淡黃色右邊橙色嘅太陽面具,露出了滿是鬚根嘅下巴並且身穿全白嘅西裝嘅男人...用着低沉嘅聲音和我們說話,「各位同學大家好,吾需要覺得恐懼或者疑惑,我係吾會傷害你地嘅...以下落黎我將會同大家交代一....」
佢話未說完突然間有個學生係人群中衝了出來並打斷左佢講野,「你究竟係咩人?!好快d放走我地,比返部手機我...我要報警拉鳩你條仆街...你最好....」
呯...!呯...!呯...!呯...!啪......
四下清脆嘅槍聲...以及那個學生倒在地上嘅一刻,一切都發生得好突然...沒有人尖叫...亦沒有跑走...並吾係d咩突然理由,只係因為根本嚇到叫不出聲...連雙腳亦不受控制動不了...
血液慢慢地從屍體身上滲出來...子彈殼跌在地上噹噹的聲音亦傳偏整個禮堂...
「咳...吾好意思,我吾係太中意打斷人講野吾守規嘅人...」
佢呢一番話就將呆滯中嘅我地拉回現實...我望着地上嘅屍體...毫無疑問佢已經死左...死左...?
「我係你地嘅新校長,我叫Mr.Sunshine...依下你地將會係呢度生存三個月,吾係好長,你地144...吾係,應該係你地143人將會係有限嘅時間下生存三個月...」
這時他伸出了三隻手指,「三個月...如果呢三個月之內地完成吾到我比你地嘅課題,手環將會爆炸...雖然威力吾大,但足夠炸毀你半邊身體...嘿,吾好嘗試破壞手環或者逃離呢間學校...否則後果自負!」
如果你問我係咪發緊夢...我會想答你我寧願呢個真係一場夢....但眼前嘅呢一切都係真實...
恐懼、人性、法律、死亡、希望同絕望....呢一切都會係真實...但我從來都吾知道當一個人面對着恐懼同絕望嘅時候...人已經吾會再有人性...亦會隨着死亡帶來嘅畏懼互相殘殺....
我地甘多個將會係呢三個月感受無盡嘅地獄...